AppGallery va maxfiylik haqida bayonnoma
Oxirgi yangilanish: 2020-Yil, Yanvar
AppGallery – bu Huawei kompaniyasining Gonkongdagi filiali Huawei Services (Hong Kong) Co., Limited (bundan keyin “biz”, “bizga” yoki “bizning” deb yuritiladi) tomonidan taqdim etiladigan xizmatdir. U sizga pulli va bepul ilovalar bilan tanishish, kirish, yuklab olish va boshqarish imkonini beruvchi tarqatish platformasini taqdim etadi.
Mazkur bayonnomada quyidagilar tavsiflanadi:
1. Siz haqingizda qanday ma’lumotlar olinadi?
2. Maʼlumotlaringizdan qanday foydalaniladi?
3. Maʼlumotlaringiz qancha muddat saqlanadi?
4. Ma’lumotlaringizni qanday ulashamiz?
5. Huquq va imkoniyatlaringiz nimalardan iborat?
6. Biz bilan qanday aloqa qilinadi?
7. Mazkur Bayonnomani qanday yangilaymiz?
1. Siz haqingizda qanday ma’lumotlar olinadi?
AppGallery xizmatining bir qismi sifatida, biz shaxsiy ma’lumotlaringizni faqat mazkur Bayonnomada keltirilgan maqsadlarda olamiz va foydalanamiz. Shaxsiy ma’lumot deganda, Huawei kompaniyasiga sizni foydalanuvchi sifatida aniqlash imkonini beruvchi har qanday ma’lumot tushuniladi.
Quyidagi ma’lumotlar olinadi va qayta ishlanadi:
•HUAWEI ID hisob axboroti, masalan, hisob nomi (email manzili yoki telefon raqami), profil rasmi, nik, tavallud sanasi, mamlakat/mintaqa, hisob identifikatori va hisob identifikatori xizmati tokeni.
•Qurilma haqidagi axborot, masalan, qurilma identifikatori (qurilmangiz tizimiga qarab SN, UDID yoki IMEI), til sozlamalari, qurilma modeli, qurilma operatsion tizimi ROM versiyasi, ekran oʻlchami va aniqlik darajasi, mobil mamlakat kodi, yetkazib berish mamlakati va reklama ID.
•Tarmoq haqidagi axborot, masalan, IP manzil, tarmoq turi hamda tarmoq aloqasi holati.
•Xizmatdan foydalanish statistikasi, masalan, AppGallery versiya raqami va yuklab olingan manzili, ilovadan foydalanish davomiyligi, ilovalarga bosish va koʻrish vaqtlari, ilovalarni qidirish tarixi, ilovalarni yuklab olish va oʻrnatish tarixi hamda natijalari, ilovalarga kirish natijalari, oʻrnatilgan ilovalar haqidagi axborot (masalan, turkumlar va versiya), oʻchirib tashlangan ilovalar roʻyxati, ilovalar xarid buyurtmalari miqdori, buyurtma vaqti, buyurtma ID, oʻrnatilgan ilovalar roʻyxati, foydalanuvchi mukofotlari (hadyalar) qaydi, ilovalarga yozilgan sharhlar, foydalanuvchi bilan kelishuvni imzolash qaydi, ilovalar promoaksiya kanali ID, ilovalar veb-sahifasi havolasi hamda istaklar roʻyxatidagi ilovalar.
•Game Services axboroti, masalan, oʻyinchi ID, reytinglar, yutuqlar, oʻyinchi statistikasi hamda siz oʻynagan oʻyin provayderidan olingan oʻyindan foydalanish haqidagi maʼlumotlar.
Agar HUAWEI AppGallery promoaksiyalaridan birida mukofot yutib olsangiz, yetkazib berish manzili va telefon raqami/email manzilingiz mukofotni yetkazib berish uchun qayta ishlanadi.
Agar HUAWEI AppGallery ilovasidan mehmon sifatida foydalansangiz (Huawei ID hisobingizga kirmasdan), quyidagi maʼlumotlar olinadi va qayta ishlanadi:
•Qurilma haqidagi axborot, masalan, qurilmangizdagi tizim versiyasiga qarab SN, UDID yoki IMEI kabi qurilma identifikatori, til sozlamalari, qurilma turi, qurilma operatsion tizimi versiyasi hamda ROM versiyasi, ekran oʻlchami va aniqlik darajasi, yetkazib berilgan mamlakat.
•Tarmoq haqidagi axborot, masalan, IP manzil, mobil mamlakat kodi (MCC), mobil tarmoq kodi (MNC), tarmoq turi va tarmoq aloqasi holati.
•Xizmatdan foydalanish haqidagi axborot, masalan, AppGallery versiya raqami, ilovani ochish va yopish, bosishlar, koʻrish vaqtlari, ilovalarni qidirishlar tarixi, ilovalarni yuklab olish va oʻrnatishlar tarixi, oʻrnatilgan ilovalar haqidagi axborot (masalan, turkumlar va versiya), oʻrnatilgan ilovalar roʻyxati, amallar jurnallari va xatoliklar jurnallari, ilova promoaksiya kanali ID, ilova veb-sahifasiga havola hamda foydalanuvchi bilan kelishuvga rozilik qaydi.
Zaruriy xizmatlarni sizga taqdim etish maqsadida, AppGallery qurilma haqidagi axborotni olish uchun telefoningizga kirish ruxsati hamda o‘rnatish paketlarini boshqarish uchun xotira ruxsatini talab qiladi. Shuningdek, siz tegishli ruxsatlarni qurilma sozlamalaridan boshqarishingiz mumkin.
2. Maʼlumotlaringizdan qanday foydalaniladi?
AppGallery xizmatlarini sizga taqdim etish hamda shartnomadagi majburiyatlarni bajarish maqsadida, siz ilovalaringizni koʻrish, ularga kirish, yuklab olish, boshqarish hamda oʻyinlarga aloqador xizmatlardan foydalana olishingiz uchun shaxsiy ma’lumotlaringizni olishimiz zarur. Shuningdek, bu bizga mijozlar bilan munosabatlarni boshqarish, yordam va muloqot, mijozlar shikoyatlari bilan ishlash, profilaktika, tizim yangilovlari, muammolarni diagnostika qilish va tuzatish uchun maʼlumotlaringizni qayta ishlash imkonini beradi.
Shu bilan birga, shaxsiy ma’lumotlaringizdan sizning roziligingiz bilan quyidagi maqsadlarda foydalanamiz:
•Tahlil va ishlab chiqish maqsadlarida, jumladan, turli foydalanuvchi guruhlarining xatti-harakatlariga asoslanib, jamlangan guruhlarni yaratish. Shuningdek, bu bizga foydalanuvchilarimizning mijoz sifatidagi ehtiyojlarini tushunish hamda mavjud va kelajakdagi xizmat va takliflarimiz sifati va foydalanuvchi taassurotini yaxshilash, shuningdek, kampaniya va promoaksiyalar samaradorligiga kirish imkonini beradi. Siz ma’lumotlarning bunday qayta ishlanishiga quyida 5.6-bo‘limda tushuntirilgan tartibda e’tiroz bildirishingiz mumkin.
•Bizning takliflar yuzasidan muloqot, savdoni tashkillashtirish va marketing maqsadlarida, jumladan, marketing uchun jamlangan maqsadli guruhlarni yaratish uchun. Mijozlarning xohish-istaklarini bilish bizga takliflarni maqsadli yo’naltirish va mijozlarning ehtiyoj va istaklarini yanada yaxshiroq qondiradigan mahsulot va xizmatlarni taqdim etish imkonini beradi. Siz ma’lumotlarning bunday qayta ishlanishiga quyida 5.6-bo‘limda tushuntirilgan tartibda e’tiroz bildirishingiz mumkin.
•Biz AppGallery ilovasida tavsiyalar berish va ilovalarni maqsadli ko‘rsatish orqali xizmatlarni moslashtirish uchun shaxsiy ma’lumotlaringizni qayta ishlashimiz mumkin. Siz ma’lumotlarning bunday qayta ishlanishiga quyida 5.6-bo‘limda tushuntirilgan tartibda e’tiroz bildirishingiz mumkin.
•Agar qurilmangizda HUAWEI Ads moslashtirish funksiyasi yoqilgan boʻlsa, oʻrnatilgan ilovalaringiz turkumlaridan (masalan, oʻyinlar, ijtimoiy tarmoq, sport) sizga HUAWEI Mobile Services xizmatida hamda tashqi ilovalarda HUAWEI Ads platformasi orqali moslangan reklamalarni taqdim etish uchun foydalaniladi. HUAWEI Ads va huquqlaringiz haqida batafsil maʼlumot olish uchun bu yerga (https://consumer.huawei.com/ minisite/cloudservice/ad/ privacy-statement.htm?country=HK&language=uz-uz) bosing.
•Axborot xavfsizligini ta’minlash maqsadlarida, jumladan, xizmatlarni sizga xavfsiz va ishonchli tarzda taqdim etish uchun xizmatlardan turli g‘arazli maqsadlarda foydalanilishi va firibgarlik holatlarini aniqlash yoki oldini olish.
•Agar biror tashqi oʻyin ilovasida Game Services xizmatini yoqsangiz hamda ilovaning Game Services maʼlumotlaringizni olishiga ruxsat bersangiz (oʻyinchi ID, reytinglar, yutuqlar hamda oʻyinchi statistikasi), Game Services maʼlumotlaringiz tashqi oʻyin ilovasiga oshkor etiladi. Siz istalgan payt qurilmangizda Sozlamalar > HUAWEI ID > Maxfiylik markazi > Hisobga kirish nazorati rukniga kirib, roziligingizni bekor qilishingiz mumkin.
•Agar AppGallery ichida biror ilova haqidagi izohingiz mavjud boʻlsa, fikr-mulohaza va baholashlaringizga asosan ushbu xizmatni rivojlantirishga yordam berish uchun izoh va nikingizni ilova dasturchisiga oshkor qilamiz.
HUAWEI AppGallery ilovasidan HUAWEI ID hisobingizga kirgan holda foydalansangiz, AppGallery ilovasida rozilik berganingizdan keyin biz yangi chiqqan ilovalar, tadbir va hadyalarga oid ilovalar haqida xabar berish uchun qurilmangizga push-bildirishnomalar yuborishimiz mumkin. Siz istalgan payt AppGallery > Men > Sozlamalar rukniga kirib, Bildirishnomalar bandini faolsizlantirish orqali roziligingizni bekor qilishingiz mumkin.
Shuningdek, biz sizning ilovalarni xarid qilish buyurtmalari soni, buyurtma vaqti va ID haqidagi ma’lumotlaringizni bizga nisbatan tatbiq qilinadigan qonun va qoidalar talabiga muvofiq, soliq va buxgalteriya maqsadlari uchun qayta ishlashimiz ham mumkin.
3. Maʼlumotlaringiz qancha muddat saqlanadi?
Shaxsiy ma’lumotlaringiz ushbu Bayonnomada keltirilgan maqsadlar uchun zaruriy muddatdan ortiq saqlanmaydi.
Biz bilan mijozlik aloqalaringiz mobaynida maʼlumotlaringizni qayta ishlaymiz va saqlaymiz. Agar HUAWEI ID hisobingizni o‘chirib tashlasangiz, hisobingizga aloqador barcha shaxsiy maʼlumot va xizmatlar, jumladan, AppGallery ilovasi oʻchirib tashlanadi. Lekin, quyidagi ma’lumotlar saqlab turiladi:
•Ilova xarid buyurtmasi miqdori, buyurtma vaqti va buyurtma ID toʻlov amalga oshirilgan vaqtdan boshlab 7 (yetti) yil.
•Ma’lumotlar yuzasidan soʻrovlar, shikoyatlar hamda mijozlar bilan aloqalar haqidagi qaydlar kabi mijozlar bilan aloqalarni boshqarish uchun qayta ishlangan shaxsiy ma’lumotlar eng oxirgi muloqot sanasidan boshlab 6 (olti) yilgacha saqlanadi.
•Kontaktlar boshqaruvi maqsadlarida qayta ishlangan shaxsiy ma’lumotlar HUAWEI ID hisobingiz oʻchirib tashlanganidan keyin 3 (uch) yilgacha saqlanadi.
•Statistik tahlil va mahsulotni rivojlantirish, shuningdek, savdoni tashkillashtirish va marketing maqsadlarida foydalanilgan shaxsiy ma’lumotlar, olingan vaqtidan boshlab 12 (oʻn ikki) oy davomida siz bunday saqlashga eʼtiroz bildirguningizga qadar.
•Manzilingiz va telefon raqami/email manzilingiz – mukofot sizga yuborilganidan keyin 1 (bir) yil.
•Maʼlumotlar zaxiralari va xizmatlaringiz xavfsizligini taʼminlash maqsadida qayta ishlangan zaxiralar va ilova jurnallari – yaratilgan sanasidan boshlab (6) oygacha.
•Agar Game Services xizmatini faolsizlantirsangiz, maʼlumotlaringiz 30 (oʻttiz) kun ichida oʻchirib tashlanadi. Bu maʼlumotlarni yuqorida keltirilganidek qayta ishlashda davom etishga qonuniy asos mavjud boʻlgan holatlar bundan mustasno. Bu xizmatdan mehmon sifatida foydalanganda, tarmoq haqidagi axborot va foydalanish axborotingiz 7 (yetti) kun ichida qayta ishlanadi.
Saqlash muddati tugagach, shaxsiy ma’lumotlaringiz o‘chirib yuboriladi yoki anonimlashtiriladi. Amaldagi qonun va qoidalarda talab qilingan holatlar bundan mustasno.
4. Ma’lumotlaringizni qanday ulashamiz?
Biz maʼlumotlaringizni Gonkong (Xitoy) va Singapurda joylashgan maʼlumot markazlarida saqlaymiz.
Bizning profilaktika operatsiyalarimiz ma’lumotlaringizga Hindiston va Xitoydan kirishni talab qilishi mumkin. Shuningdek, manzilingizga qarab maʼlumotlaringiz Meksika, Misr, Janubiy Afrika Respublikasi, Saudiya Arabistoni, Pokiston, Myanma, Hindiston va Malayziyada joylashgan mijozlarga xizmat markazlarimiz tomonidan qayta ishlanishi ham mumkin.
Biz faqat quyidagi holatlarda ma’lumotlaringizni ulashamiz:
•AppGallery ichidagi ilovaga izoh qoldirganingizda, xizmatni rivojlantirish va/yoki muammolarni tuzatish uchun fikr-mulohaza, nikingiz, qurilma modeli va izoh qoldirilgan vaqt ilova dasturchisiga oshkor qilinadi.
•Game Services xizmatini yoqqaningizda va tashqi oʻyin ilovasining Game Services axborotingizni qayta ishlashiga ruxsat berganingizda, sizning oʻyinchi ID, reyting, yutuq, xaridlar haqidagi axborotlaringiz hamda oʻyinchi statistikangiz sizga oʻyin funksiyalarini taqdim etish hamda oʻyin taassurotingizni yaxshilash uchun tashqi oʻyin ilovasiga oshkor qilinadi.
•Game Services maʼlumotlaringizni Cloud xizmatidagi xotira joyingizda saqlashni tanlaganingizda hamda AppGallery ilovasida xizmat mamlakat/mintaqasini almashtirganingizda, oʻyin ichida saqlagan maʼlumotlaringiz sizga Cloud xizmatlarini taqdim etadigan hamda HUAWEI ID hisobingiz registratsiya qilingan mamlakat/mintaqaga qarab Xitoy yoki Irlandiyada (https://cloud.huawei.com/privacyStatementTransit) joylashgan boshqa Huawei filiallariga oshkor etilishi mumkin.
•Amaldagi qonunlar va sud faoliyatiga doir huquqiy jarayon yoki vakolatli organ talabiga javoban.
•Birlashish, sotib olish, aktivlarning sotilishi (xizmat kelishuvi kabi) yoki xizmatlarni Huawei guruhi yoki boshqa bir kompaniyaga oʻtkazish jarayonlarining bir qismi sifatida maʼlumotlarni ulashish talab qilinganida.
5. Huquq va imkoniyatlaringiz nimalardan iborat?
Siz quyidagi huquq va imkoniyatlarga egasiz:
5.1 Ma’lumotlaringizni olish
Siz qurilmangizda Sozlamalar > HUAWEI ID > Maxfiylik markazi > Maʼlumotlarni yuklab olish rukniga kirib, AppGallery xizmatiga oid biz tomonimizdan olingan shaxsiy ma’lumotlaringiz nusxasi va tavsifini olish uchun so‘rov yuborishingiz mumkin.
AppGallery ilovasidan mehmon sifatida foydalanganda qoʻshimcha kirish ruxsati, jumladan, maʼlumotlaringizdan nusxa olish soʻrovini yuborish uchun bizga murojaat qiling (https://consumer.huawei.com/ uk/legal/privacy-questions).
5.2 Ma’lumotlaringizni tahrirlash
Ma’lumotlaringizni aniq va dolzarb holda saqlash uchun Sozlamalar > HUAWEI ID rukniga kiring va ularni tahrirlang.
Yetkazib berish axborotingizga AppGallery > Men > Sozlamalar > Yetkazish axboroti rukni orqali kirish va tahrirlashingiz mumkin.
5.3 Ma’lumotlaringizni uzatish
Qurilmangizda Sozlamalar > HUAWEI ID > Maxfiylik markazi > Maʼlumotlarni yuklab olish yuklab olish rukniga kirib bizga taqdim qilgan AppGallery xizmatiga oid shaxsiy maʼlumotlaringizni odatdagi keng foydalaniladigan va kompyuter formatiga oʻgirishingiz mumkin.
Shuningdek, ushbu xizmatdan mehmon sifatida foydalanganda, bizga taqdim qilgan shaxsiy maʼlumotlaringizni AppGallery ilovasida bizga murojaat qilish orqali keng foydalaniladigan, kompyuter formatiga oʻgirishingiz mumkin.
5.4 Ma’lumotlaringizni o‘chirib tashlash
Siz istalgan payt quyidagilarni bajarishingiz mumkin:
•Qurilmangizda AppGallery > Men > Xaridlar tarixi. rukniga kirib, ilovalarni yuklab olish va oʻrnatishlar tarixi hamda xaridlar haqidagi qaydlarni oʻchirib tashlash.
•AppGallery > Men > Hadyalar. rukniga kirib, hadyalar haqidagi qaydlaringizni oʻchirib tashlash.
•AppGallery > Men > Istaklar rukniga kirib, istaklar roʻyxatidagi ilovalarni oʻchirib tashlash.
•AppGallery > Men > Sozlamalar > Yetkazish axboroti rukniga kirib, yetkazib berish axborotingizni oʻchirib tashlash.
•HUAWEI ID hisobingizni o‘chirib tashlashingiz mumkin. Natijada HUAWEI ID hisobingizga biriktirilgan barcha shaxsiy ma’lumot va xizmatlar, jumladan, AppGallery ilovasidagi shaxsiy ma’lumotlaringiz ham o‘chirib yuboriladi.
•Shaxsiy ma’lumotlaringizning qayta ishlanishi yuzasidan 5,6-bo‘limda tushuntirilgan tartibda e’tiroz bildirish. Agar e’tirozingiz asosli deb topilsa va biz ma’lumotlaringizni qayta ishlash uchun ortiq qonuniy asosga ega bo‘lmasak, tegishli e’tirozingiz qamroviga kiruvchi ma’lumotlarni o‘chirib tashlaymiz.
•Agar shaxsiy ma’lumotlaringizning qayta ishlanishini noqonuniy deb hisoblasangiz, bizga murojaat qiling (https://consumer.huawei.com/ uk/legal/privacy-questions) va ma’lumotlaringiz tozalab tashlanadi.
Biz sizning yuqoridagi harakatlaringiz hamda 3-bo‘limda keltirilgan saqlash muddatiga asosan shaxsiy ma’lumotlaringizni kechiktirmasdan o‘chirib tashlaymiz yoki anonimlashtiramiz.
5.5 Roziligingizni bekor qilish
Agar bizdan bevosita elektron marketing materiallarini olishga rozilik bergan boʻlsangiz, AppGallery > Men > Sozlamalar rukniga kirish va Bildirishnomalarni olish bandini faolsizlantirish orqali ushbu roziligingizni bekor qilishingiz mumkin.
Agar tashqi oʻyin ilovalarining Game Services axborotingizni olishiga ruxsat bergan boʻlsangiz, Sozlamalar > HUAWEI ID > Maxfiylik markazi > Hisobga kirish nazorati rukniga kirib, roziligingizni bekor qilishingiz mumkin.
5.6 Qayta ishlashga eʼtiroz bildirish
Agar sizga tegishli ma’lumotlarning tahlil, tavsiya, mahsulotlarni rivojlantirish yoki savdo va marketing maqsadlarida qayta ishlanishiga e’tiroz bildirishni xohlasangiz, bizga murojaat qiling (https://consumer.huawei.com/ uk/legal/privacy-questions).
Murojaat qilishda soʻrovingiz qamrovini koʻrsating va agar ushbu xizmatdan hisobingizga kirgan holda foydalangan boʻlsangiz, HUAWEI ID hisobingizga kirishda foydalangan e-pochta manzili yoki telefon raqamingizni, agar AppGallery ilovasidan mehmon sifatida foydalangan boʻlsangiz, qurilmangiz identifikatorini bizga taqdim qiling.
Biz so‘rovingizni qayta ishlashni boshlash uchun shaxsingizni tasdiqlash maqsadida siz bilan bog‘lanamiz.
5.7 Qayta ishlashni cheklash
Agar shaxsiy maʼlumotlaringizning qayta ishlanishini cheklashni xohlasangiz, bizga murojaat qiling (https://consumer.huawei.com/ uk/legal/privacy-questions). Siz quyidagi holatlarda ma’lumotlaringizning qayta ishlanishini cheklash huquqiga egasiz:
•Ma’lumotlaringiz noqonuniy ravishda qayta ishlangan, lekin siz ularni o‘chirib tashlashni istamaysiz.
•Sizning aniqlash, amalga oshirish yoki muhofaza qilish yuzasidan qonuniy talabingiz bor va siz bizdan aks holda saqlanmaydigan ma’lumotlaringizni saqlab turishni so‘ragansiz.
•Siz shaxsiy maʼlumotlaringizning toʻgʻriligiga eʼtiroz bildirdingiz hamda ma’lumotlaringizning toʻgʻriligi haqidagi axborot bizning tasdiqlashimizni kutmoqda.
•E’tiroz yuzasidan murojaatingiz natijasi bizning tekshiruv jarayonimizga bog‘liq.
So‘rov yuborishda uning qamrovi va asoslarini ko‘rsating hamda HUAWEI ID hisobingizga kirish uchun foydalangan email manzili yoki telefon raqamingizni bizga yuboring.
Biz so‘rovingizni qayta ishlashni boshlash uchun shaxsingizni tasdiqlash maqsadida siz bilan bog‘lanamiz.
6. Biz bilan qanday aloqa qilinadi?
Axborot yuzasidan huquqlaringizdan qanday foydalanish haqidagi yoʻriqnomalarni 5-boʻlimda olishingiz mumkin. Agar axborot subyekti sifatidagi huquqlaringiz yoki shaxsiy maʼlumotlaringizning biz tomonimizdan qayta ishlanishi borasida savollaringiz boʻlsa yoki Axborot muhofazasi boʻyicha xodimimiz bilan bogʻlanishni xohlasangiz, bizga murojaat qiling (https://consumer.huawei.com/ uk/legal/privacy-questions).
Bizning shtab-kvartiramiz manzili: Huawei Services (Hong Kong) Co., Limited, Room 03, 9/F, Tower 6, the Gateway, No. 9 Canton Road, Tsim Sha Tsui, Kowloon, Hong Kong. Registratsiya raqami 1451551.
Agar shaxsiy axborotlaringizni qayta ishlashda ushbu Bayonnoma shartlari yoki amaldagi qonunlarga biz tomonimizdan rioya qilinmayapti, deb hisoblasangiz, u holda mamlakat/mintaqangizdagi mahalliy axborotni muhofaza qilish organi yoki Gonkongdagi Shaxsiy ma’lumotlarni himoya qilish boʻyicha Komissarga shikoyat bilan murojaat qilishingiz mumkin.
7. Mazkur Bayonnomani qanday yangilaymiz?
Biz ushbu Bayonnomani zaruratga qarab yangilab borishimiz mumkinligi sababli, sizga ilova sozlamalaridan uning oxirgi versiyasini muntazam ravishda tekshirib turishni tavsiya qilamiz. Agar ushbu Bayonnomaga biror o‘zgartirish kiritilsa, biz bu haqda qurilmangizga o‘zgarishning xarakteriga qarab qalqib chiquvchi muloqot oynasi, bildirishnoma, xat va boshqa shaklda ogohlantirish yuboramiz.