Изјава за AppGallery и приватност
Последно ажурирање: јануари 2020 година
AppGallery е услуга што ја обезбедува Huawei Services (Hong Kong) Co., Limited, подружница на Huawei основана во Хонгконг (понатаму во текстот „ние“, „нас“ или „наш“). Таа ви овозможува платформа за дистрибуција каде што може да прелистувате, пристапувате, преземате и да управувате со бесплатните апликации и апликациите со плаќање.
Оваа Изјава опишува:
1. Кои податоци ги собираме за вас?
2. Како ги користиме вашите податоци?
3. Колку долго ги чуваме вашите податоци?
4. Како ги споделуваме вашите податоци?
5. Кои се вашите права и опции?
6. Како да контактирате со нас?
7. Како ја ажурираме оваа Изјава?
1. Кои податоци ги собираме за вас?
Како дел од услугата AppGallery, ќе ги собираме и ќе ги користиме вашите лични податоци само за целите наведени во оваа Изјава. Лични податоци се однесуваат на сите информации кои ни овозможуваат да ве идентификуваме вас како корисник.
Ќе ги собираме и обработуваме следниве податоци:
•Информации за Идентитетот на HUAWEI, како што се името на сметката (е-пошта или телефонски број), сликата на профилот, прекарот, роденденот, земјата/регионот, идентификаторот на сметката и сервисниот токен на идентификаторот на сметката.
•Информации за уредот, како се идентификаторот на уредот (како што е сериски број, UDID или IMEI, во зависност од верзијата на системот на уредот), поставките за јазикот, моделот на уредот, верзијата на оперативниот систем на уредот и верзијата на ROM, големината на екранот и резолуцијата, мобилниот код на земјата, земјата на испорака.
•Информации за мрежата, како што се ИП-адресата, типот на мрежата и статусот на мрежното поврзување.
•Информации за користење на услугата, како што се бројот на верзијата на AppGallery и изворот на преземањето, траењето на користењето на апликацијата, времињата на кликнување и изложеност на апликацијата, историјата на пребарување на апликацијата, историјата и резултатите на преземање и инсталирање на апликацијата, резултати за најава на апликацијата, информации за инсталирани апликации (како што се категории и верзија), список на одинсталирани апликации, сумата на нарачката при купување на апликацијата, времето на нарачка, ИД на нарачката, список на инсталирани апликации, записот од корисничките награди (подароци), коментарите во апликацијата, записите за потпишување на договорот за корисници, ИД на промотивниот канал на апликацијата, врска до веб-страницата на апликацијата и списокот на желби за апликации.
•Информации за Услуги за игри, како што се Идентитет на играчот, рангирања, достигнувања, статистиката за играчот и податоци за користење на играта што ги добиваме од давателот на услугата за играта што ја играте.
Ако освоите награда во една од промоциите на HUAWEI AppGallery, вашата адреса за испорака и телефонскиот број/адресата на е-пошта ќе се обработат за да ви се испорача наградата.
Ако ја користите HUAWEI AppGallery во режим на гостин (без да се најавувате на вашата сметка на Идентитет на Huawei), се собираат и се обработуваат следниве податоци:
•Информации за уредот, како што се идентификаторот на уредот, како што е сериски број, UDID или IMEI, во зависност од верзијата на системот на уредот, поставките за јазикот, типот на уредот, верзијата на оперативниот систем на уредот и верзијата на ROM, големината на екранот и резолуцијата, земјата на испорака.
•Информации за мрежата, како што е ИП-адресата, мобилниот код на земјата (MCC) и кодот на мобилната мрежа (MNC), типот на мрежата и статусот на мрежното поврзување.
•Информации за користење на услугата, како што е бројот на верзијата на AppGallery, времето на отворање и затворање на апликацијата, кликнувања, изложеност, историјата на пребарување за апликации, историјата и резултатите на преземање и инсталирање на апликации, информации за инсталирани апликации (како што се категории и верзија), списокот на инсталирани апликации, дневниците за работа и дневниците на грешки, ИД на промотивниот канал на апликацијата, врска до веб-страницата на апликацијата, како и записите за потпишување на договорот за корисници.
За да ви се обезбедат неопходните услуги, AppGallery бара дозволи за пристап до вашиот телефон за добивање информации за уредот и до вашата меморија за управување со пакетите за инсталација. Исто така, можете да управувате со дозволите во поставките за уредот.
2. Како ги користиме вашите податоци?
За да ви ги обезбедиме услугите на AppGallery и да ги исполниме договорните обврски, треба да ги собираме вашите лични податоци за да можете да прегледувате, пристапувате, преземате, управувате со апликациите и уживате во карактеристики поврзани со играта. Ова, исто така, ни овозможува да ги обработуваме вашите податоци за препознавање, спогодувања, управување на односот со корисниците, поддршка и комуникација, обработување на жалбите од корисниците, одржување, системски ажурирања, дијагностика и поправање проблеми.
Покрај тоа, ги користиме вашите лични податоци за следните намени со ваша согласност:
•За аналитички и развојни цели, што вклучува создавање збирни групи врз основа на различни активности за користење на корисничките групи. Тоа ни овозможува и да ги разбереме потребите на нашите корисници како клиенти и да го подобриме квалитетот на корисничкото искуство на нашите постојни и идни услуги и понуди, како и да ја оцениме ефикасноста на кампањите и промоциите. Може да поднесете приговор во врска со таквата обработка на податоците како што е опишано во Дел 5.6 подолу.
•За известување за нашите понуди, продажни промоции и маркетиншки цели, како и за создавање збирни целни групи за маркетинг. Познавањето на желбите на нашите клиенти ни овозможува да ги насочиме нашите понуди и да нудиме производи и услуги што подобро ги задоволуваат потребите и желбите на нашите клиенти. Може да поднесете приговор во врска со таквата обработка на податоците како што е опишано во Дел 5.6 подолу.
•Може да ги обработуваме вашите лични податоци за персонализирање услуги со обезбедување препораки и со прикажување целни апликации во AppGallery. Може да поднесете приговор во врска со таквата обработка на податоците како што е опишано во Дел 5.6 подолу.
•Ако на уредот е овозможено персонализација на Реклами од HUAWEI, категориите на вашите инсталирани апликации (како што се игри, социјални медиуми, спорт), ќе се користат за да ви се достават порелевантни реклами на HUAWEI Mobile Services и апликации од други производители од страна на платформата Реклами од HUAWEI. За повеќе информации за Реклами од HUAWEI и за вашите права, кликнете овде (https://consumer.huawei.com/ minisite/cloudservice/ad/ privacy-statement.htm?country=HK&language=mk-mk).
•За да се овозможи безбедност на информациите, вклучувајќи и откривање или спречување различни типови злоупотреба на услугите и измама, со цел да ви се обезбедат безбедни и сигурни услуги.
•Ако овозможите Услуги за игри во рамките на апликација за игра од друг производител и имате дадено одобрување апликацијата да ги добие вашите податоци за Услуги за игри (Идентитет на играчот, рангирања, достигнувања, статистиката за играчот), вашите податоци за Услуги за игри ќе бидат откриени на апликацијата за игра од друг производител. Може да го повлечете таквото одобрување во секое време така што ќе отидете до Нагодување > Идентитет на HUAWEI > Центар за приватност > Контролирајте го пристапот до сметката на вашиот уред.
•Ако коментирате на некоја апликација што е достапна во AppGallery, вашите коментар и прекар ќе ги откриеме на програмерот на апликацијата за да помогнеме да се подобри услугата врз основа на вашите повратни информации и оценки.
Кога ја користите HUAWEI AppGallery додека сте најавени со својот Идентитет на HUAWEI, може да испраќаме автоматски известувања до вашиот уред за да ве известиме за новите достапни апликации, настани и активности поврзани со подароци, откако ќе дадете согласност во апликацијата AppGallery. Може да ја повлечете вашата согласност во секое време така што ќе отидете до AppGallery > Јас > Нагодување и ќе оневозможите Известувања.
Исто така, може да ги обработуваме сумата на нарачките за купување во апликацијата, времето на нарачката, како и ИД на нарачката поради даночни и сметководствени цели, како што се бара според законите и прописите што важат за нас.
3. Колку долго ги чуваме вашите податоци?
Нема да ги задржиме вашите лични податоци подолго од тоа што е неопходно за намените наведени во оваа Изјава.
Ќе ги обработуваме и задржиме вашите податоци додека трае вашиот кориснички однос со нас. Ако ја избришете сметката на Идентитетот на HUAWEI, сите лични податоци и услуги поврзани со вашата сметка, вклучувајќи ја и апликацијата AppGallery, ќе се избришат. Сепак, ќе го задржиме следново:
•Сумата на нарачката за купување во апликацијата, времето на нарачката и ИД на нарачката, седум (7) години од датумот кога е извршено плаќањето.
•Личните податоци што се обработени за управување со односите со корисниците, како што се барања на субјектите на податоците, жалби и записи за комуникација со корисниците до шест (6) години од последната комуникација.
•Личните податоци што се обработени за управување со договор до три (3) години по бришењето на вашиот Идентитет на HUAWEI.
•Лични податоци што се обработени за статистичка анализа и развој на производи како и за промоција на продажба и маркетиншки цели најмногу дванаесет (12) месеци од датумот на собирањето, освен ако не поднесете приговор за таквата обработка.
•Вашата адреса и телефонскиот број/адресата на е-пошта една (1) година откако наградата ќе ви биде испратена.
•Резервните копии од податоци и дневниците од апликациите, коишто се обработуваат за да се овозможи безбедноста на вашите податоци и услуги, најмногу шест (6) месеци од датумот кога биле создадени.
•Ако ја оневозможите Услуги за игри, вашите податоци ќе се отстранат во рок од триесет (30) дена освен ако нема применлива законска основа за продолжување на обработката на податоците како што е опишано погоре. Кога ја користите услугата во режим на гостин, информациите за мрежата и информациите за користење ќе се обработуваат седум (7) дена.
Откако периодот на задржување ќе измине, ќе ги избришеме вашите лични податоци или ќе ги анонимизираме, освен ако не се бара поинаку со применливите закони и прописи.
4. Како ги споделуваме вашите податоци?
Ги чуваме вашите податоци во податочните центри што се наоѓаат во Хонгконг (Кина) и Сингапур.
Нашите операции за одржување може да бараат да пристапиме до вашите податоци од Индија и Кина. Покрај тоа, вашите податоци може да се обработуваат од нашите центри за грижа корисници што се наоѓаат, на пример, во Мексико, Египет, Јужна Африка, Саудиска Арабија, Пакистан, Мијанмар, Индија и Малезија, во зависност од вашата локација.
Ги споделуваме вашите податоци само во следниве случаи:
•Кога ќе коментирате на некоја апликација што е достапна во AppGallery, вашите коментар, прекар, модел на уредот и време на коментарот ќе ги откриеме на програмерот на апликацијата за да се подобри услугата и/или да се поправат проблемите.
•Кога ќе ја овозможите Услуги за игри и ќе одобрите апликација за игра од друг производител да ги обработува вашите информации за Услуги за игри, Идентитет на играчот, рангирања, достигнувања, купувањата и статистиката за играчот ќе бидат откриени на апликацијата за игра од друг производител за да ви ги обезбеди карактеристиките на играта и да го подобри вашето корисничко искуство.
•Кога ќе изберете да ги зачувате вашите податоци од Услуги за игри во Cloud и ќе ја префрлите земјата/регионот на услугата во AppGallery, податоците во играта што сте ги зачувале може да им бидат откриени на други подружници на Huawei, кои ви обезбедуваат услуги во Cloud и се наоѓаат или во Кина или во Ирска (https://cloud.huawei.com/privacyStatementTransit), во зависност од земјата/регионот на регистрација на вашиот Идентитет на HUAWEI.
•Кога е потребно како одговор на некој правен процес или барање од надлежен орган, во согласност со важечките закони или во врска со некоја правна постапка или процес.
•Кога е потребно, како дел од спојување, аквизиција, продажба на капитал (како што се договори за услуги) или пренесување на услугата на субјект во групацијата Huawei или на друга компанија.
5. Кои се вашите права и опции?
Ги имате следниве права и опции:
5.1 Пристапете до вашите податоци
Може да побарате копија и опис од вашите лични податоци што сме ги собрале и ги чуваме за вас во врска со AppGallery, така што ќе отидете до Нагодување > Идентитет на HUAWEI > Центар за приватност > Побарајте ги вашите податоци на уредот.
За барања за дополнителен пристап, вклучувајќи и барање копија од вашите податоци кога ја користите AppGallery во режим на гостин, контактирајте со нас (https://consumer.huawei.com/ uk/legal/privacy-questions).
5.2 Коригирајте ги вашите податоци
За да бидат вашите податоци ажурирани и точни, може да пристапите и да ги измените така што ќе отидете до Нагодување > Идентитет на HUAWEI.
Може да пристапите до вашите информации за испорака и да ги измените така што ќе отидете до AppGallery > Јас > Нагодување > Информации за испорака.
5.3 Префрлете ги вашите податоци
Може да ги пренесете личните податоци што сте ни ги доставиле во врска со AppGallery во честокористен формат и машински читлив формат така што ќе отидете до Нагодување > Идентитет на HUAWEI > Центар за приватност > Побарајте ги вашите податоци на уредот.
Исто така, може да ги пренесете личните податоци што сте ни ги доставиле во AppGallery, кога ја користите услугата во режим на гостин, во честокористен формат и машински читлив формат така што ќе контактирате со нас.
5.4 Избришете ги вашите податоци
Во секое време може да го направите следново:
•Да ја избришете историјата на преземања и инсталирања на апликации, како и записите од купувањето така што ќе отидете до AppGallery > Јас > Историја на купувања.
•Да ги избришете записите за подароци така што ќе отидете до AppGallery > Јас > Подароци.
•Да ги избришете апликациите од списокот на желби така што ќе отидете до AppGallery > Јас > Список на желби.
•Избришете ги вашите информации за испорака така што ќе отидете до AppGallery > Јас > Нагодување > Информации за испорака.
•Да ја избришете вашата сметка на Идентитетот на HUAWEI. Како резултат на тоа, сите лични податоци и услуги поврзани со вашата сметка на Идентитетот на HUAWEI ќе бидат избришани, вклучувајќи ги и личните податоци во AppGallery.
•Да поднесете приговор за обработката на вашите податоци како што е опишано во Дел 5.6. Ако вашиот приговор е валиден и ние повеќе немаме правна основа да продолжиме со обработката на податоците, ќе ги избришеме релевантните податоци во рамките на вашиот полноправен приговор.
•Контактирајте со нас (https://consumer.huawei.com/ uk/legal/privacy-questions) ако мислите дека обработката на вашите лични податоци е незаконска и дека вашите податоци треба да се избришат.
Ќе ги избришеме или ќе ги анонимизираме вашите лични податоци во разумен временски рок врз основа на горенаведените активности и во согласност со периодот на задржување како што е опишано во Дел 3.
5.5 Повлечете ја согласноста
Ако сте избрале да добивате директен електронски маркетинг од нас, може да ја повлечете вашата согласност така што ќе отидете до AppGallery > Јас > Нагодување и ќе оневозможите Примај известувања.
Ако сте овластиле апликации за игри од други производители да ги добиваат вашите информации од Услуги за игри, може да ја повлечете вашата согласност така што ќе отидете до Нагодување > Идентитет на HUAWEI > Центар за приватност > Контролирајте го пристапот до сметката.
5.6 Приговор на обработката
Ако сакате да поднесете приговор во врска со обработката на вашите податоци за аналитички цели, препораки, развој или продажба и маркетиншки цели, контактирајте со нас (https://consumer.huawei.com/ uk/legal/privacy-questions).
Кога ќе го доставите барањето, наведете го опсегот на барањето и дајте ни ја вашата адреса за е-пошта или телефонскиот број што сте го користеле за најава на Идентитетот на HUAWEI, ако сте ја користеле услугата во најавениот режим, или идентификаторот на уредот ако сте ја користеле AppGallery во режим на гостин.
Ќе контактираме со вас за да го потврдиме вашиот идентитет за да продолжиме со обработката на вашето барање.
5.7 Ограничете ја обработката
Ако сакате да ја ограничите обработката на вашите лични податоци, контактирајте со нас (https://consumer.huawei.com/ uk/legal/privacy-questions). Имате право да ја ограничите обработката на вашите податоци во следните околности:
•Ако вашите податоци се обработуваат незаконски, но не сакате да ги избришете.
•Ако имате законско барање што треба да го воспоставите, примените или одбраните и сте побарале од нас да ги чуваме вашите податоци, иако не би ги чувале во друг случај.
•Ако ја оспоривте точноста на вашите лични податоци и точноста на вашите податоци чека наше потврдување.
•Ако вашето барање за приговор е предмет на наш процес на потврдување.
Кога го поднесувате барањето, наведете ги опсегот и основата за барањето и дајте ни ги вашата адреса на е-пошта или телефонскиот број што сте ги користеле за најавување на вашиот Идентитет на HUAWEI.
Ќе контактираме со вас за да го потврдиме вашиот идентитет за да продолжиме со обработката на вашето барање.
6. Како да контактирате со нас?
Може да најдете совет за тоа како да ги примените своите права за податоците во Дел 5. Ако имате некакви прашања, коментари или предлози за вашите права како субјект на податоците или за обработката на вашите лични податоци од наша страна, или ако сакате да контактирате со нашиот службеник за заштита на податоците, контактирајте со нас (https://consumer.huawei.com/ uk/legal/privacy-questions).
Адреса на нашето седиште: Huawei Services (Hong Kong) Co., Limited, Room 03, 9/F, Tower 6, the Gateway, No. 9 Canton Road, Tsim Sha Tsui, Kowloon, Хонгконг. Регистарски број 1451551.
Ако сметате дека ние не ги обработуваме вашите лични податоци во согласност со оваа Изјава или применливите закони за заштита на податоците, може да поднесете жалба до вашата дирекција за заштита на податоците во вашата земја/регион или до службеникот за заштита на лични податоци во Хонгконг.
7. Како ја ажурираме оваа Изјава?
Препорачуваме редовно да проверувате за најнова верзија од оваа Изјава за поставки за апликации бидејќи може да ја промениме кога ќе биде потребно. Во случај на материјални измени на оваа Изјава, ќе ве известиме претходно преку дијалози за известување, автоматски пораки, е-пораки и така натаму, во зависност од природата на измената.