ཧྭ་ཝེའི་ཉེར་སྤྱོད་ཁྲོམ་ར་དང་གསང་བའི་སྐོར་གྱི་གསལ་བསྒྲགས།

གསར་བཅོས་བྱས་པའི་ཚེས་གྲངས། 2019ལོའི་ཟླ་12པའི་ཚེས་27ཉིན།

ཧྭ་ཝེའི་ཉེར་སྤྱོད་ཁྲོམ་རའི་ལས་སྒོ་ནི་ཝེའི་མཉེན་ཆས་ལག་རྩལ་ཚད་ཡོད་ཀུང་སི་(གཤམ་དུ་ང་ཚོའམ་ཧྭ་ཝེ་ཞེས་འབོད།)ཡིས་ཁྱེད་ལ་མཁོ་འདོན་བྱས་པ་ཞིག་ཡིན་ཞིང་། དེ་ཉེར་སྤྱོད་ཕབ་ལེན་དང་སྒྲིག་འཇུག དོ་དམ་བཅས་ལ་སྤྱོད་པའི་ལས་སྟེགས་ཤིག་རེད། ཧྭ་ཝེ་ཡིས་ཁྱེད་ཀྱི་མི་སྒེར་གྱི་ཆ་འཕྲིན་དང་སྒེར་གྱི་གསང་དོན་སྲུང་སྐྱོང་བྱ་རྒྱུར་ཧ་ཅང་མཐོང་ཆེན་བྱེད། ང་ཚོས་བཅའ་ཁྲིམས་ཀྱི་བླང་བྱ་དང་ལས་རིགས་ཀྱི་བྱང་ཆུབ་པའི་བདེ་འཇགས་ཚད་གཞི་གཞིར་བཟུང་ཁྱེད་ཀྱི་མི་སྒེར་གྱི་ཆ་འཕྲིན་ལ་དེ་མཚུངས་ཀྱི་བདེ་འཇགས་སྲུང་སྐྱོབ་བྱ་ཐབས་མཁོ་འདོན་བྱ་རྒྱུ་ཡིན།

•ང་ཚོས་ཁྱེད་ཀྱི་མི་སྒེར་གྱི་ཆ་འཕྲིན་འཚོལ་བསྡུ་བྱས་ཏེ། ཁྱེད་ཀྱིས་རང་གི་ཉེར་སྤྱོད་ཉོ་སྒྲུབ་དང་། ཕབ་ལེན། སྒྲིག་འཇུག་དང་དོ་དམ་བཅས་བྱེད་བདེ་བར་བྱེད།

•ང་ཚོས་མཉམ་ལས་རོགས་ཟླ་མཉམ་འབྲེལ་བྱས་ནས་ཁྱེད་ལ་ཕུན་སུམ་ཚོགས་པའི་ཉེར་སྤྱོད་དང་གྲངས་འཛིན་ཚོང་ཟོག་མཁོ་འདོན་བྱེད། ཁྱེད་ཀྱི་ཧྭ་ཝེའི་ཐོ་ཨང་གི་གཅེས་མིང་དང་། དཔྱད་གཏམ། མངགས་ཐོའི་ཆ་འཕྲིན་བཅས་འབྲེལ་ཡོད་མཉམ་ལས་རོགས་ཟླར་མཉམ་སྤྱོད་བྱས་ནས་ཁྱེད་ལ་དེ་བས་སྤུས་ལེགས་ཀྱི་ཞབས་ཞུ་མཁོ་འདོན་བྱེད།

•ཁྱེད་ཀྱིས་རོལ་རྩེད་ཞབས་ཞུ་ཁ་ཕྱེ་རྗེས་ང་ཚོས་ཁྱེད་ཀྱི་རོལ་རྩེད་བེད་སྤྱོད་སྐབས་ཀྱི་འབྲེལ་ཡོད་གྲངས་གཞི་བསྡུ་རུབ་བྱས་ནས་ཁྱེད་རང་ལ་བང་སྒྲིག་གི་པང་དང་གྲུབ་འབྲས་སོགས་ཀྱི་ཞབས་ཞུ་མཁོ་འདོན་བྱེད།

•ཁྱེད་རང་བྱེད་སྒོའི་ནང་ཞུགས་ནས་དངོས་རྫས་ཀྱི་བྱ་དགའ་ཐོབ་པའམ་ཡང་ན་ལག་རྟགས་དང་གཟིགས་སྐྱོང་སྤ་སེ་སོགས་ཀྱི་བྱ་དགའ་ཐོབ་སྐབས་ཁྱེད་རང་ལ་དངོས་རྫས་ཀྱི་བྱ་དགའ་སྤྲོད་ཆེད་ང་ཚོས་བྱེད་སྒོ་མཉམ་ལས་ཕྱོགས་དང་ཕྱོགས་གསུམ་པའི་ཟོག་འགྲེམས་ཀུང་སི་དང་མཉམ་དུ་ཁྱེད་ཀྱི་འབྲེལ་གཏུག་བྱེད་སྟངས་སོགས་ཀྱི་ཆ་འཕྲིན་མཉམ་སྤྱོད་བྱེད་དགོས། ཞིབ་ཕྲའི་སྐོར་གཞུང་དངོས་སུ་ཞིབ་བརྗོད་བྱས་པ་ཇི་བཞིན་ཡིན།

•ང་ཚོས་ཁྱེད་ཀྱི་ཧྭ་ཝེའི་ཐོ་ཨང་གི་ཆ་འཕྲིན་བེད་སྤྱོད་དང་། དེ་བཞིན་ཁྱེད་ཀྱིས་ཧྭ་ཝེའི་ཉེར་སྤྱོད་ཁྲོམ་རའི་ནང་བཤེར་འཚོལ་དང་། ཕབ་ལེན། བཀོལ་སྤྱོད་ཆ་འཕྲིན་གཞན་དག་བཅས་སྤྱད་ནས་རྩོལ་ནུས་ལེགས་བཅོས་བྱེད་པ་དང་འབྲེལ་ཁྱེད་ལ་མི་སྒེར་གྱི་ཁྱད་ཆོས་ལྡན་པའི་འོས་སྦྱོར་མཁོ་འདོན་བྱེད། ཞིབ་ཕྲའི་སྐོར་གཞུང་དངོས་སུ་ཞིབ་བརྗོད་བྱས་པ་ཇི་བཞིན་ཡིན།

•ཉེར་སྤྱོད་འདི་ཕྱིར་འཐེན་བྱས་རྗེས་རྒྱབ་སྟེགས་སུ་དྲ་རྒྱ་དང་སྦྲེལ་མཐུད་བྱས་ཏེ་ཞབས་ཞུ་ཁག་གཅིག་སྒྲུབ་དགོས་པ་དཔེར་ན། ཉེར་སྤྱོད་གསར་སྒྱུར་དང་། ཉེར་སྤྱོད་ཕབ་ལེན་སྒྲིག་སྦྱོར་སྔོན་མངག་དང་། ཆ་འཕྲིན་བསྡུ་ལེན་སོགས་རེད།

1. ང་ཚོས་ཇི་ལྟར་ཁྱེད་ཀྱི་མི་སྒེར་གྱི་ཆ་འཕྲིན་བསྡུ་རུབ་དང་བེད་སྤྱོད་བྱེད།

ཉེར་སྤྱོད་མིག་བཤར་དང་བཤེར་འཚོལ། ཕབ་ལེན། སྒྲིག་འཇུག བཤིག་ཕབ་བྱེད་པ།

ཁྱེད་རང་ཧྭ་ཝེའི་ཉེར་སྤྱོད་ཁྲོམ་རའི་ནང་ཞུགས་སྐབས་ཁྱེད་ཀྱིས་ང་ཚོའི་ཞབས་ཞུ་དང་རྩོལ་ནུས་རྒྱུན་གཏན་བཞིན་བེད་སྤྱོད་ཐུབ་པའི་འགན་ལེན་བྱ་ཆེད། ང་ཚོས་ཁྱེད་ཀྱིས་ཉེར་སྤྱོད་འདི་བེད་སྤྱོད་བྱས་པའི་འབྲེལ་ཡོད་ཆ་འཕྲིན་དང་། སྒྲིག་ཆས་ཀྱི་གསལ་བྱེད་རྟགས། བཀོལ་སྤྱོད་རྒྱུད་ཁོངས་ཀྱི་སྒྲིག་བཀོད་ཆ་འཕྲིན། སྒྲིག་ཆས་ཀྱི་མཁྲེགས་ཆས་ཆ་འཕྲིན། དྲ་རྒྱའི་ཆ་འཕྲིན། འཁོར་སྐྱོད་ཐོང་གཉེར་གྱི་ཆ་འཕྲིན། སྒྲིག་སྦྱོར་བྱས་ཟིནཔའི་ཉེར་སྤྱོད་རེའུ་མིག་དང་དེ་བཞིན་ཉེར་སྤྱོད་ཀྱི་གཞི་རྩའི་ཆ་འཕྲིན་བཅས་བསྡུ་རུབ་བྱེད།

ཁྱེད་ཀྱིས་ཧྭ་ཝེའི་ཐོ་ཨང་ཐོ་འཇུག་བྱས་རྗེས་ཁྱེད་ཀྱིས་རིན་སྤྲད་ནས་ཉེར་སྤྱོད་དང་གྲངས་འཛིན་ཚོང་ཟོག་ཉོ་བ་དང་། བྱེད་སྒོར་ཞུགས་པ། དཔྱད་གླེང་། གླེང་སྟེགས། ཉེར་སྤྱོད་མཉམ་སྤྱོད། རོལ་རྩེད་གསར་པ་སྔོན་མངགས་དང་བསམ་འདུན་ཤོག་བྱང་སོགས་ཀྱི་ཞབས་ཞུ་ཉམས་ལེན་བྱེད་ཆོག འབྲེལ་ཡོད་ཀྱི་མངགས་ཐོའི་ཆ་འཕྲིན་དེ་ལྟོས་ཟླའི་མཉམ་ལས་རོགས་ཟླར་བརྒྱུད་སྤྲོད་བྱས་ནས་ཁྱེད་ཀྱིས་འཛད་སྤྱོད་ལེགས་གྲུབ་བྱ་རྒྱུར་རོགས་རམ་བྱེད་པ་དང་དུས་མཚུངས་ཆ་འཕྲིན་དེ་དག་ཀྱང་ཁྱེད་ཀྱིས་ཉོས་པའི་ཚོང་ཟོག་ལ་པར་དབང་སྲུང་སྐྱོང་བྱ་རྒྱུར་སྤྱོད་རྒྱུ་རེད། གོང་གསལ་གྱི་ཆ་འཕྲིན་ཚང་མ་ཁྱེད་ཀྱི་ཧྭ་ཝེའི་ཐོ་ཨང་དང་སྦྲེལ་ནས་ཁྱེད་ཀྱི་སྒྲིག་ཆས་གཞན་དག་གི་ཐོག་ཏུ་གོམ་མཉམ་བྱེད་བདེ་བར་བྱེད་ལ། དུས་མཚུངས་སུ་ཁྱེད་ཀྱི་རོལ་རྩེད་གསར་པའི་ཁ་ཆད་དང་། རེ་སྨོན་ཐོ། དཔྱད་གཏམ། གླེང་སྟེགས། འབྲེལ་གཏུག་བྱེད་སྟངས་སོགས་ཁྱེད་ཀྱིས་ཕུལ་བའི་ཆ་འཕྲིན་རྣམས་ཧྭ་ཝེའི་རོལ་རྩེད་ལྟེ་གནས་སོགས་ཧྭ་ཝེ་ཡིས་མཁོ་འདོན་བྱས་པའི་ཉེར་སྤྱོད་རིགས་ཀྱི་ལས་སྟེགས་གཞན་དག་ཏུ་གོམ་མཉམ་བྱས་ཏེ་ཁྱེད་ཀྱིས་ལྟ་ཞིབ་དང་དོ་དམ་བྱེད་བདེ་བར་བྱེད།

བྱེད་སྒོ་དང་བྱ་དགའ་ལེན་པའི་ཞབས་ཞུ།

ང་ཚོས་ཁྱེད་ལ་ཕུན་སུམ་ཚོགས་པའི་བྱ་དགའི་དངོས་རྫས་གྲ་སྒྲིག་བྱས་ཡོད། དེའི་ནང་དངོས་རྫས་བྱ་དགའ་དང་། ལེགས་སྐྱེས། གཟིགས་སྐྱོང་སྤ་སེ་བཅས་ཚུད་ཡོད། ཁྱེད་རང་བྱེད་སྒོའི་ནང་ཞུགས་ནས་རག་ཐབས་བྱེད་ཆོག ང་ཚོས་ཁྱེད་ཀྱི་ལག་རྟགས་བརྗེ་སྤྲོད་ཨང་གྲངས་དང་། གཟིགས་སྐྱོང་ཤོག་འཛིན། ཧྭ་སྒོར་བཅས་རྟོག་བཟོའི་དངུལ་ལོར་གྱི་ཆ་འཕྲིན་དེ་རིགས་སོར་འཇོག་བྱས་ཏེ། ཁྱེད་ཀྱིས་ག་དུས་ཡིན་ནའང་ཁྱེད་ཀྱི་འཛད་སྤྱོད་ཟིན་ཐོ་དང་ལྷག་གྲངས་ལ་ལྟ་ཞིབ་བྱེད་བདེ་པོ་ཡོད། ཁྱེད་ལ་དངོས་རྫས་ཀྱི་བྱ་དགའ་སྤྲོད་ཆེད་ང་ཚོས་བསྡུ་རུབ་བྱེད་དགོས་པ་མ་ཟད་བྱེད་སྒོ་མཉམ་ལས་ཕྱོགས་དང་ཕྱོགས་གསུམ་པའི་ཟོག་འགྲེམས་ཀུང་སིར་ཁྱེད་ཀྱི་འབྲེལ་གཏུག་བྱེད་སྟངས་མཁོ་འདོན་བྱེད་དགོས།

ཉེར་སྤྱོད་ཀྱི་དཔྱད་བརྗོད་དང་གླེང་སྟེགས་ཀྱི་ཞབས་ཞུ།

ཁྱེད་ཀྱིས་ཕབ་ལེན་བྱས་ཟིན་པའི་ཉེར་སྤྱོད་ལ་སྐར་མ་རྒྱག་པ་དང་དཔྱད་གཏམ་སྤེལ་ཆོག་ལ། ཁྱེད་ཀྱིས་དགའ་པོ་བྱེད་པའི་ཉེར་སྤྱོད་གླེང་སྟེགས་ལ་ལྟ་ཞིབ་དང་དོ་ཁུར་བྱས་ཆོག་པ་མ་ཟད། ཁྱེད་ཀྱི་ལྟ་བ་ཡང་སྤེལ་ཆོག ང་ཚོས་ཁྱེད་ཀྱི་འབྲེལ་ཡོད་དཔྱད་གཏམ་དང་གླེང་སྟེགས་ཀྱི་ཆ་འཕྲིན་དག་ཁྱེད་ཀྱི་ཧྭ་ཝེའི་ཐོ་ཨང་འོག་ཉར་ཚགས་བྱ་རྒྱུ་ཡིན། ཁྱེད་ཀྱི་ཧྭ་ཝེའི་ཐོ་ཨང་གི་གཅེས་མིང་དང་མགོ་པར་གྱིས་ཐོག་མཐའ་བར་གསུམ་དུ་མི་ཚང་མར་མཐོང་ཐུབ་པར་བྱེད། དེ་དང་ཆབས་ཅིག་ཏུ་ཁྱེད་ཀྱི་ཧྭ་ཝེའི་ཐོ་ཨང་གི་གཅེས་མིང་དང་ཡོངས་བསྒྲགས་བྱས་པའི་དཔྱད་གཏམ་རིགས་ཀྱི་ཆ་འཕྲིན་བབ་མཚུངས་ཀྱི་མཉམ་ལས་རོགས་ཟླར་མཉམ་སྤྱོད་བྱས་ནས་ཁོང་ཚོར་ཞབས་ཞུ་དང་ཐོན་རྫས་ལེགས་སུ་གཏོང་རོགས་བྱེད། ཁྱེད་ཀྱི་གཞི་གྲངས་བདེ་འཇགས་དང་གསང་དོན་འགན་ལེན་བྱ་ཆེད། ང་ཚོས་མཉམ་ལས་རོགས་ཟླ་ལ་གཞི་གྲངས་བདེ་འཇགས་སྲུང་སྐྱོང་གི་གྲོས་མཐུན་བཞག་ནས་མཉམ་ལས་རོགས་ཟླས་ཁྱེད་ཀྱི་གཞི་གྲངས་སྲུང་སྐྱོང་བྱེད་པའི་འགན་འཁྲི་དང་། འོས་འགན། བླང་བྱ་བཅས་ཁ་གསལ་བཟོས་ཡོད།

ནང་དོན་མཉམ་སྤྱོད་ཞབས་ཞུ།

ཁྱེད་ཀྱིས་དགའ་པོ་བྱེད་པའི་ཉེར་སྤྱོད་དེ་སྤྱི་ཚོགས་འབྲེལ་བའི་སྟེགས་བུ་སྟེ། དཔེར་ན་སྐད་འཕྲིན་དང་པོད་འཕྲིན། ཡང་ན་དེ་མིན་གྱི་སྤྱི་ཚོགས་འབྲེལ་བའི་མཉེན་ཆས་སོགས་སུ་མཉམ་སྤྱོད་བྱས་ཆོག མཉམ་སྤྱོད་བྱེད་སྐབས་ལས་སྟེགས་དེ་དག་གིས་ཁྱེད་ཀྱི་མི་སྒེར་གྱི་ཆ་འཕྲིན་བསྡུ་རུབ་བྱེད་སྲིད་པས་བྱེ་བྲག་ཏུ་ཁྱེད་ཀྱིས་སྤྱི་ཚོགས་འབྲེལ་བའི་ལས་སྟེགས་ཀྱི་འབྲེལ་ཡོད་སྒེར་གསང་སྲིད་ཇུས་ལ་གཟིགས་རོགས་གནང་།

རོལ་རྩེད་གསར་པའི་ཁ་ཆད་དང་རེ་སྨོན་ཐོའི་ཞབས་ཞུ།

ང་ཚོས་ཁྱེད་ལ་རོལ་རྩེད་གསར་པའི་ཁ་ཆད་དང་རེ་སྨོན་ཐོའི་ཞབས་ཞུ་མཁོ་འདོན་བྱས་པ་དང་། ཁྱེད་ཀྱིས་དུས་ཐོག་ཏུ་སེམས་ཀྱི་རོལ་རྩེད་དམ་ཡང་ན་ཉེར་སྤྱོད་མྱོང་ཚོར་ཐུབ་རྒྱུར་སྟབས་བདེ་བསྐྲུན་ཡོད། དེའི་ཕྱིར་ང་ཚོས་ཁྱེད་ཀྱི་ཁ་ཆད་བྱས་པའི་ཟིན་ཐོ་དང་རེ་སྨོན་ཐོའི་ཆ་འཕྲིན་བསྡུ་རུབ་བྱེད་དགོས། ཁྱེད་ཀྱིས་སྔོན་མངགས་ལེགས་གྲུབ་དང་སྔོན་མངགས་བྱས་པའི་ཉེར་སྤྱོད་དྲ་ཞུགས་བྱས་རྗེས། ང་ཚོས་ WLAN དྲ་རྒྱའི་འོག་ཏུ་ཁྱེད་ལ་ཉེར་སྤྱོད་དེ་རང་འགུལ་གྱིས་ཕབ་ལེན་བྱེད་པ་མ་ཟད་སྒྲིག་འཇུག་བྱེད།

ཁྱིམ་མིས་མཉམ་སྤྱོད།

ང་ཚོས་ཁྱེད་ལ་ཁྱིམ་མིའི་མཉམ་སྤྱོད་ཞབས་ཞུ་མཁོ་འདོན་བྱས་ཡོད། ངོ་མཚར་ཆེ་བའི་ཉེར་་སྤྱོད་ཐེངས་གཅིག་ལས་ཉོ་མི་དགོས་པ་དང་། ཁྱེད་ཀྱི་ཐོ་ཨང་མཉམ་སྤྱོད་བྱེད་མི་དགོས་པར་ནང་མི་དང་མཉམ་སྤྱོད་བྱེད་ཆོག དེའི་ཆེད་དུ་ང་ཚོར་ཁྱེད་ཀྱི་ཁྱིམ་མིའི་ཆ་འཕྲིན་ཐོབ་དགོས།

ཁྱེད་རང་སྒྲིག་བཀོད་ནས་ཧྭ་ཝེའི་ཐོ་ཨང་། དེ་ནས་རྩིས་ཁྲ་ལྟེ་གནས།དེ་ནས་ཁྱིམ་མིས་མཉམ་སྤྱོད།དེ་ནས་ཉོས་པའི་རྣམ་གྲངས་མཉམ་སྤྱོད་ལ་ཕེབས་ནས་རྩོལ་ནུས་དེའི་ཁ་ཕྱེ་བའམ་ཡང་ན་ཁ་རྒྱག་ཆོག

སྤྱོད་མཁན་གྱི་ཞབས་ཞུའི་བརྡ་ཐོའི་གསལ་བརྡ།

ང་ཚོས་དགོས་ངེས་ཀྱི་དུས་སུ་བརྡ་ཐོའི་ཚན་པ་ནས་བྱེད་སྒོ་དང་བྱ་དགའ་ཐོབ་པ། དཔྱད་གཏམ་སོགས་ཀྱི་ཆ་འཕྲིན་སྟོན་པ་ཡིན། ཁྱེད་ཀྱིས་ངའི་ནས་སྒྲིག་བཀོད། དེ་ནས་བརྡ་ཐོའི་གསལ་བརྡ་ལ་ཕེབས་ནས་ཁ་རྒྱག་ཆོག

ང་ཚོས་བརྡ་ཐོའི་ཚན་པ་ནས་ཉེར་སྤྱོད་གསར་བཅོས་ཀྱི་ཆ་འཕྲིན་སྟོན་སྲིད། ཁྱེད་ཀྱིས་ངའི་ནས་སྒྲིག་བཀོད། དེ་ནས་ཉེར་སྤྱོད་གསར་སྒྱུར་གྱི་གསལ་འདེབས་སུ་ཕེབས་ནས་ཁ་རྒྱག་ཆོག

རོལ་རྩེད་དམ་ཉེར་སྤྱོད་ནང་གི་རམ་འདེགས་ཞབས་ཞུ།

ཁྱེད་ཀྱིས་རོལ་རྩེད་དམ་ཉེར་སྤྱོད་ལ་བློ་རྩེ་གཅིག་ཏུ་གཞོལ་ནས་མྱོང་རོལ་བྱ་བདེ་ཆེད། ང་ཚོས་རྒྱུད་ཁོངས་ཀྱི་རྒྱུན་སྤྱོད་སྒྲིག་བཀོད་དང་ཉེར་སྤྱོད་ཀྱི་རམ་འདེགས་ཀྱི་རྩོལ་ནུས་གཅིག་སྡུད་བྱས་ཡོད་ལ། ཁྱེད་རང་རོལ་རྩེད་དམ་ཉེར་སྤྱོད་ལས་ཕྱིར་འཐེན་བྱེད་སྐབས་མགྱོགས་མྱུར་ངང་སྒྲིག་བཀོད་བྱེད་མི་དགོས། དཔེར་ན། ཁྱེད་རང་རོལ་རྩེད་རྩེ་སྐབས་ཁྱེད་ཀྱིས་རོལ་རྩེད་ཀྱི་ནང་རོལ་ནས་ལྷོད་གཡེང་གི་ངང་ནས་སུན་པོ་མི་བཟོ་བ་དང་ཡོལ་ཕབ། རོལ་རྩེད་ཀྱི་མྱུར་ཚད་མགྱོགས་སུ་གཏོང་བ། མཐེབ་གནོན་གྱིས་རེག་ནོར་སྔོན་འགོག་བྱེད་པ་སོགས་རམ་འདེགས་ཞབས་ཞུ་ཉམས་སུ་མྱོང་ཆོག དེའི་ནང་ང་ཚོས་ཁྱེད་ཀྱིས་ཞབས་ཞུ་འདིའི་ཆ་འཕྲིན་བསྡུ་རུབ་བྱས་ནས་ཞབས་ཞུ་མུ་མཐུད་ལེགས་སྒྱུར་དང་ལེགས་བཅོས་བྱེད་པ་ཡིན།

ང་ཚོས་ད་དུང་ཁྱེད་ལ་རོལ་རྩེད་ཞབས་ཞུ་མཁོ་འདོན་བྱས་ཡོད། ཁྱེད་ཀྱིས་རོལ་རྩེད་ཀྱི་ཉེར་སྤྱོད་སྣ་ཚོགས་མྱོང་རོལ་བྱེད་སྐབས་ང་ཚོས་ཁྱེད་ལ་མཁོ་འདོན་བྱས་པའི་གྲུབ་འབྲས་དང་བང་སྒྲིག་གི་པང་། ཡིག་ཚགས་སོགས་རོལ་རྩེད་ཀྱི་རྒྱུན་སྤྱོད་རྩོལ་ནུས་སྤྱད་ཆོག ཁྱེད་ཀྱིས་རོལ་རྩེད་ཞབས་ཞུའི་ཁ་ཕྱེ་བ་མ་ཟད་ཕྱོགས་གསུམ་པའི་རོལ་རྩེད་ཉེར་སྤྱོད་ལ་ཧྭ་ཝེའི་ཐོ་ཨང་ནང་འཇུག་བྱ་རྒྱུའི་དབང་ཆ་སྤྲད་རྗེས་ང་ཚོས་ཁྱེད་ཀྱིས་རོལ་རྩེད་དེའི་ཉེར་སྤྱོད་ཁྲོད་ཐོན་པའི་རོལ་རྩེད་ཞབས་ཞུའི་གཞི་གྲངས་བསྡུ་རུབ་བྱེད་དགོས། དེའི་ནང་གྲུབ་འབྲས་དང་། ཨང་རིམ། ཡིག་ཚགས་ཉར་ཚགས་ཀྱི་ཆ་འཕྲིན། མངགས་ཐོའི་ཆ་འཕྲིན། དོན་རྐྱེན་གྱི་ཆ་འཕྲིན། དེ་བཞིན་ཁྱེད་ཀྱིས་ཞབས་ཞུ་དེ་བེད་སྤྱོད་པའི་ཆ་འཕྲིན་བཅས་ཚུད་ཡོད། དེའི་དམིགས་ཡུལ་ནི་ཁྱེད་རང་ལ་དེ་བས་སྤུས་ལེགས་ཀྱི་ཞབས་ཞུ་མཁོ་འདོན་བྱ་ཆེད་ཡིན།

ཁྱེད་ཀྱིས་རོལ་རྩེད་ཉེར་སྤྱོད་བཀོལ་སྤྱོད་བྱེད་སྐབས་ཐོན་པའི་ཨང་རིམ་ཆ་འཕྲིན་དེ་རོལ་རྩེད་ཉེར་སྤྱོད་ཀྱི་ཨང་རིམ་ཁྲོད་སྟོན་མི་སྲིད། གལ་ཏེ་ཁྱེད་ཀྱིས་སྤྱོད་མཁན་གཞན་གྱིས་ཁྱེད་ཀྱི་ཨང་རིམ་ཆ་འཕྲིན་ལ་བལྟ་ཐུབ་ཏུ་འཇུག་འདོད་ན། ཁྱེད་ཀྱིས་ཉེར་སྤྱོད་ལག་རོགས་ཀྱི་སྒྲིག་བཀོད་ཀྱི་ཁྲོད་ནས་རོལ་རྩེད་ཀྱི་འགུལ་རྣམ་བང་སྒྲིག་གི་པང་ནས་འགྲེམ་སྟོན་བྱེད་ཅེས་པའི་ཁ་ཕྱེ་བ་གདམ་ཆོག་པ་དང་། རྩོལ་ནུས་དེ་མིག་སྔར་ EMUI9.0 དང་དེ་ཡན་གྱི་པར་གཞི་ཁོ་ནར་སྤྱོད་ཆོག

རོལ་རྩེད་ཞབས་ཞུའི་རྩོལ་ནུས་སོར་བཞག་ལ་ཁ་བརྒྱབ་ཡོད། ཁྱེད་ཀྱིས་ཉེར་སྤྱོད་ཁྲོམ་རའི་ཁྲོད་ནས་ངའི་ནས་སྒྲིག་བཀོད་ལ་ཕེབས་ནས་རོལ་རྩེད་ཞབས་ཞུའི་ཁ་ཕྱེ་བའམ་ཁ་རྒྱག་ཆོག

གནད་དོན་དང་བསམ་འཆར་ལྡོག་འདྲེན་གྱི་ཞབས་ཞུ།

ཁྱེད་ཀྱིས་གནད་དོན་དང་བསམ་འཆར་ནས་གནད་དོན་དང་བསམ་འཆར་འདོན་ཆོག་པ་མ་ཟད། རྒྱུད་ཁོངས་ཀྱི་ཉིན་ཐོའི་ཆ་འཕྲིན་མཉམ་སྤྱོད་བྱེད་མིན་བདམས་ནས་ང་ཚོས་སྔར་ལས་ཡང་དག་པའི་སྒོ་ནས་གནད་དོན་ལ་བརྟག་དཔྱད་བྱེད་པར་སྟབས་བདེ་བསྐྲུན་དགོས། ཁྱེད་དང་འབྲེལ་གཏུག་བྱེད་ཆེད་ཁྱེད་ཀྱིས་ཁྱེད་ཀྱི་འབྲེལ་གཏུག་བྱེད་སྟངས་འབྲི་དགོས།

མགོ་སྐོར་གཡོ་འཕྲུལ་དང་དེ་མིན་གྱི་བྱ་སྤྱོད་ངན་པར་སྔོན་འགོག

ཧྭ་ཝེའམ་ཁྱེད་དང་། ཡང་ན་ཧྭ་ཝེའི་སྤྱོད་མཁན་གྱི་ཁེ་དབང་ལ་སྲུང་སྐྱོང་བྱ་ཆེད། ང་ཚོས་གོང་གསལ་གྱི་འཚོལ་བསྡུ་བྱས་པའི་ཆ་འཕྲིན་ལ་གཞིགས་ནས་ཉེན་ཁ་ཚོད་འཛིན་བྱས་ཏེ་མགོ་སྐོར་གཏོང་བ་སོགས་ཀྱི་ཁྲིམས་འགལ་བྱེད་སྤྱོད་སྔོན་འགོག་བྱ་རྒྱུ་ཡིན།

གལ་ཏེ་ཁྱེད་ཀྱིས་ཆ་འཕྲིན་འདི་དག་འདོན་སྤྲོད་མ་བྱས་ན། ང་ཚོས་ཁྱོད་ལ་གོང་གི་ཞབས་ཞུ་ཆ་ཚང་ཞིག་འདོན་སྤྲོད་བྱེད་མི་ཐུབ།

2. མི་སྒེར་གྱི་ཁྱད་ཆོས་ལྡན་པའི་འོས་སྦྱོར།

ང་ཚོས་ཁྱེད་ཀྱིས་ཉེར་སྤྱོད་འདི་བེད་སྤྱོད་བྱས་པའི་ཆ་འཕྲིན་དང་སྒྲིག་ཆས་ཀྱི་གསལ་བྱེད་རྟགས། IP གནས་ཡུལ། ཧྭ་ཝེའི་ཐོ་ཨང་གི་ཆ་འཕྲིན་བཅས་ལ་དབྱེ་ཞིབ་བྱེད་པ་བརྒྱུད་ནས་ཁྱེད་ལ་དེ་བས་དགའ་པོ་ཡོད་པའི་ནང་དོན་ཤེས་རྟོགས་བྱེད། དཔེར་ན། ཁྱེད་ཀྱིས་དེ་སྔོན་ཉེར་སྤྱོད་ཁྲོམ་རའི་ཁྲོད་ནས་བཤེར་འཚོལ་དང་མིག་བཤར། ཕབ་ལེན། གསར་བཅོས་སམ་དཔྱད་བརྗོད་བཅས་བྱས་པར་གཞིར་བཟུང་ནས་ང་ཚོས་ཁྱེད་རང་སྤྲོ་བ་ཡོད་སྲིད་པར་འདོད་པའི་ཉེར་སྤྱོད་འོས་སྦྱོར་བྱེད།
སྔར་བས་ཕུན་སུམ་ཚོགས་པའི་ནང་དོན་འོས་སྦྱོར་བྱ་ཆེད། ང་ཚོས་ཁྱེད་ཀྱི་སྒྲིག་ཆས་ཐོག་གི་ཉེར་སྤྱོད་འགོ་སློང་བ་དང་སྒྲིག་འཇུག སུབ་པ་དང་འབྲེལ་བའི་སྡོམ་རྩིས་ཀྱི་ཆ་འཕྲིན་བེད་སྤྱོད་བྱ་སྲིད། ཁྱེད་ཀྱིས་ཉེར་སྤྱོད་ཁྲོམ་རའི་ཁྲོད་ནས་ངའི་ནས་སྒྲིག་བཀོད། དེ་ནས་ཉེར་སྤྱོད་ཚོང་ར་ཞབས་ཞུ་མཚམས་བཞག་ཏུ་ཕེབས་ནས་མི་སྒེར་གྱི་ཁྱད་ཆོས་ལྡན་པའི་འོས་སྦྱོར་གྱི་བསད་སྤར་བརྒྱུད་ནས་ཞབས་ཞུ་དེའི་ཁ་རྒྱག་ཆོག

3. བྱིས་པར་སྲུང་སྐྱོབ་བྱེད་པ།

ཉེར་སྤྱོད་འདི་ནི་དར་མ་ཁོ་ནར་བཀོལ་སྤྱོད་བྱེད་པ་ཡིན། གལ་ཏེ་ཁྱེད་ནི་ནར་མ་སོན་པའི་མི་ཡིན་ན། ཁྱེད་ཀྱི་ལྟ་སྐྱོང་བྱེད་མིས་ཁྱེད་ཀྱིས་ཉེར་སྤྱོད་འདི་བཀོལ་སྤྱོད་བྱེད་པར་འཐད་པ་བྱུང་དགོས་པ་མ་ཟད་འབྲེལ་ཡོད་ཉེར་སྤྱོད་ཀྱི་ཞབས་ཞུའི་དོན་ཚན་ལ་འཐད་པ་བྱུང་དགོས། ཕ་མ་དང་ལྟ་སྐྱོང་བྱེད་མིས་ཀྱང་འོས་འཚམ་གྱི་སྔོན་འགོག་བྱེད་ཐབས་སྤྱད་ནས་ནར་མ་སོན་པའི་བྱིས་པར་སྲུང་སྐྱོབ་བྱེད་དགོས། དེས་ཉེར་སྤྱོད་འདིར་བཀོལ་སྤྱོད་བྱེད་པར་དོ་དམ་བྱེད་པ་འདུས།

4. ཕྱོགས་གསུམ་པ་དང་མཉམ་སྤྱོད།

ཁྱེད་ཀྱིས་རོལ་རྩེད་ཞབས་ཞུ་སྤྱོད་འགོ་ཚུགས་པ་མ་ཟད་ཕྱོགས་གསུམ་པའི་རོལ་རྩེད་ཉེར་སྤྱོད་ཀྱིས་རོལ་རྩེད་ཞབས་ཞུའི་གཞི་གྲངས་ལ་དོ་དམ་བྱེད་པའི་དབང་སྤྲོད་བྱེད་སྐབས། ཕྱོགས་གསུམ་པའི་རོལ་རྩེད་ཉེར་སྤྱོད་ཀྱིས་ཁྱེད་ཀྱིས་རོལ་རྩེད་དེ་སྤྱོད་སྐབས་ཐོན་པའི་རོལ་རྩེད་ཞབས་ཞུའི་གཞི་གྲངས་ལ་ལྟ་སྤྱོད་བྱས་ཏེ། ཁྱེད་ལ་རོལ་རྩེད་ཞབས་ཞུའི་འབྲེལ་ཡོད་རྩོལ་ནུས་མཁོ་འདོན་བྱེད་ཐུབ། ཁྱེད་རང་ཧྭ་ཝེའི་རྩིས་ཐོ་ཨང་ནས་སྒེར་གསང་ལྟེ་གནས། དེ་ནས་ཁྱེད་ཀྱི་ཐོ་ཨང་ལ་ལྟ་སྤྱོད་བྱེད་པར་ཚོད་འཛིན་དུ་ཕེབས་ནས་དབང་སྤྲོད་འདོར་ཆོག དེ་རྗེས་ཕྱོགས་གསུམ་གྱི་རོལ་རྩེད་ཉེར་སྤྱོད་ལ་ཁྱེད་ཀྱི་རོལ་རྩེད་ཞབས་ཞུའི་གཞི་གྲངས་ལ་ལྟ་སྤྱོད་བྱེད་དབང་མེད།

གཞན་ཡང་ང་ཚོར་ཁྱེད་ཀྱིས་ཉེར་སྤྱོད་ཁྲོམ་ར་བེད་སྤྱོད་གཏོང་སྐབས་ཐོན་པའི་མི་སྒེར་གྱི་གཞི་གྲངས་མིན་པའི་བསྡོམས་རྩིས་ཆ་འཕྲིན་ཁག་གཅིག་མཉམ་ལས་རོགས་ཟླ་(དཔེར་ན་ཉེར་སྤྱོད་གསར་སྤེལ་པ་དང་ཡང་ན་ནང་དོན་མཁོ་འདོན་ཚོང་པ།)ལ་མཁོ་འདོན་བྱས་ཏེ་ཁོང་ཚོས་དེའི་ཞབས་ཞུ་བེད་སྤྱོད་ཀྱི་མཚོན་ཚུལ་ལ་བསྡུར་ཞིབ་བྱས་ནས་པར་དབང་གི་དཔྱ་ཁྲལ་དང་བསྡོམས་རྩིས་ཀྱི་བླང་བྱ་སྐོང་བ་མ་ཟད་དེའི་ཉེར་སྤྱོད་དང་ཞབས་ཞུ་ལེགས་སུ་གཏོང་རྒྱུའི་འགན་འཁྲི་ཡོད། ཁྱེད་ཀྱི་གཞི་གྲངས་བདེ་འཇགས་དང་གསང་དོན་འགན་ལེན་བྱ་ཆེད། ང་ཚོས་མཉམ་ལས་རོགས་ཟླ་ལ་གཞི་གྲངས་བདེ་འཇགས་སྲུང་སྐྱོང་གི་གྲོས་མཐུན་བཞག་ནས་མཉམ་ལས་རོགས་ཟླས་ཁྱེད་ཀྱི་གཞི་གྲངས་སྲུང་སྐྱོང་བྱེད་པའི་འགན་འཁྲི་དང་། འོས་འགན། བླང་བྱ་བཅས་ཁ་གསལ་བཟོས་ཡོད།

5. ཁྱེད་ཀྱི་གཞི་གྲངས་ལ་དོ་དམ།

ཁྱེད་ཀྱིས་ཧྭ་ཝེའི་ཉེར་སྤྱོད་ཁྲོམ་ར་ནས་ངའི་ལ་ལྟ་སྤྱོད་བྱས་ཏེ། ཁྱེད་ཀྱི་མི་སྒེར་གྱི་ཆ་འཕྲིན་ལ་ལྟ་སྤྱོད་དང་བཟོ་བཅོས། སུབ་པའམ་ཡང་ན་མི་སྒེར་གྱི་ཆ་འཕྲིན་གྱི་སྤྱོད་དབང་གི་མོས་མཐུན་ཕྱིར་འཐེན་བྱེད་ཆོག

གལ་ཏེ་ཁྱེད་ཀྱིས་ཁྱེད་ཀྱི་གཞི་གྲངས་གྲུབ་ཆ་གཙོ་བོའི་ཁེ་དབང་ལ་སྔར་བས་རེ་བ་ཡོད་པའམ་ཡང་ན་དོགས་འདྲི་དང་བསམ་འཆར་གང་རུང་ཡོད་ན། གསལ་བསྒྲགས་འདིའི་ནང་གི་ཇི་ལྟར་ང་ཚོར་འབྲེལ་གཏུག་བྱེད་དགོས་ཞེས་པའི་ལེའུ་དང་ས་བཅད་ནང་བརྗོད་པའི་བྱེད་སྟངས་ལ་བརྟེན་ནས་ང་ཚོ་དང་འབྲེལ་བ་བྱེད་པ་དང་འབྲེལ་ཁྱེད་ཀྱི་འབྲེལ་ཡོད་དབང་ཆ་སྤྱོད་ཆོག

6. གཞི་གྲངས་གསོག་གནས་དང་དུས་བཅད།

ཁྱེད་ཀྱི་མངགས་ཐོའི་ཆ་འཕྲིན་དེ་ཁྱེད་ཀྱི་ཧྭ་ཝེའི་རྩིས་ཐོའི་ཨང་གྲངས་ཐོ་འགོད་བྱེད་སའི་ཞབས་ཞུའི་འཕྲུལ་ཆས་ཐོག་ཉར་ཚགས་བྱེད་ཀྱི་རེད། དེ་ལྟར་བྱས་ན་ཁྱེད་ཀྱིས་རྒྱལ་ཁབ་དང་ས་ཁུལ་གྱི་ཞབས་ཞུའི་ས་གནས་མི་འདྲ་བ་བདམས་ཀྱང་སྔར་བཞིན་ཁྱེད་ཀྱིས་ཉོས་པའི་དུས་གཏན་དུ་ཁྱེད་རང་ལ་དབང་བའི་ཉེར་སྤྱོད་དམ་ཉེར་སྤྱོད་ནང་གི་ཚོང་ཟོག་སོགས་བེད་སྤྱོད་བྱས་ཆོག

ཁྱེད་ཀྱིས་ཕྱོགས་གསུམ་པའི་རོལ་རྩེད་ཉེར་སྤྱོད་ཁྲོད་རོལ་རྩེད་ཞབས་ཞུ་ཡི་ཡིག་ཚགས་སུ་ཉར་བའི་རྩོལ་ནུས་བཀོལ་སྐབས། དེ་ནི་སྤྲིན་ཐོག་བར་སྟོང་གིས་ཁྱེད་ལ་འདོན་སྤྲོད་བྱས་པའི་སྤྲིན་ཐོག་བསྡུ་ཉར་གྱི་ཡིག་ཚགས་སུ་ཉར་བའི་ནུས་པ་ཡིན་ལ། དེ་དང་མཐུན་པའི་གཞི་གྲངས་དེ་ཁྱེད་ཀྱི་ཧྭ་ཝེའི་ཐོ་ཨང་ཐོ་འགོད་བྱེད་སའི་སྤྲིན་སྡེར་ཞབས་ཞུ་ཆས་སུ་གསོག་ཉར་བྱས་ཏེ། ཁྱེད་ཀྱིས་དུས་དང་རྣམ་པ་ཀུན་ཏུ་སྒྲིག་ཆས་མི་འདྲ་བའི་སྟེང་ནས་ཁྱེད་ཀྱི་ཧྭ་ཝེའི་རྩིས་ཐོའི་ཨང་གྲངས་ཐོ་འགོད་བྱས་རྗེས་ཁྱེད་ཀྱི་རོལ་རྩེད་ཞབས་ཞུའི་གཞི་གྲངས་དང་བདེ་བླག་གི་རོལ་མྱོང་རོལ་རྩེད་ཉེར་སྤྱོད་ལ་ལྟ་ཞིབ་བྱེད་ཐུབ།

དེ་ལས་གཞན་གོང་གི་གཞི་གྲངས་དེ་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་མངའ་ཁོངས་སུ་ཉར་ཚགས་བྱེད་པའི་ཞབས་ཞུ་ཆས་སུ་སྐྱེལ་གཏོང་བྱ་སྲིད།

ང་ཚོས་གསལ་བསྒྲགས་འདིའི་ནང་བརྗོད་པའི་དམིགས་ཡུལ་མངོན་འགྱུར་བྱེད་པར་དགོས་ངེས་ཀྱི་དུས་ཚོད་ནང་ཁྱེད་ཀྱི་མི་སྒེར་གྱི་ཆ་འཕྲིན་སོར་ཉར་བྱེད་པ་མ་ཟད། གཤམ་གྱི་སོར་བཞག་དུས་ཚོད་ལས་བརྒལ་རྗེས་ཁྱེད་ཀྱི་མི་སྒེར་གྱི་ཆ་འཕྲིན་སུབ་པའམ་མིང་མ་བཀོད་པར་ཐག་གཅོད་བྱེད། བཅའ་ཁྲིམས་དང་ཁྲིམས་སྲོལ་ལ་བླང་བྱ་གཞན་ཡོད་པ་ཕུད།

ཁྱེད་ཀྱི་སྒྲིག་ཆས་ཀྱི་གསལ་བྱེད་རྟགས་དང་ཧྭ་ཝེའི་ཐོ་ཨང་གི་ཆ་འཕྲིན། བཀོལ་སྤྱོད་རྒྱུད་ཁོངས་ཀྱི་སྒྲིག་བཀོད་ཆ་འཕྲིན།སྒྲིག་ཆས་ཀྱི་མཁྲེགས་ཆས་ཆ་འཕྲིན། འཁོར་སྐྱོད་ཚོང་གཉེར་ཁང་གི་ཆ་འཕྲིན། ཉེར་སྤྱོད་ཀྱི་གཞི་རྩའི་ཆ་འཕྲིན། སྒྲིག་འཇུག་བྱས་པའི་ཉེར་སྤྱོད་ཀྱི་རེའུ་མིག ཁྱེད་ཀྱིས་ཉེར་སྤྱོད་འདི་སྤྱད་པའི་ཆ་འཕྲིན་དང་། སྐྱེས་ཐུམ་བརྗེ་བའི་ཨང་གྲངས། གཟིགས་སྐྱོང་འཛིན་ཤོག འབྲེལ་གཏུག་བྱ་ཐབས། ཁྱེད་ཀྱིས་དཔྱད་གཏམ་དང་གླེང་སྟེགས་བཀོལ་བའི་སྐོར་གྱི་ཆ་འཕྲིན། གནད་དོན་དང་བསམ་འཆར་གྱི་ཆ་འཕྲིན། ཁ་ཆད་ཀྱི་ཟིན་ཐོ། རེ་སྨོན་ཐོའི་ཆ་འཕྲིན་དང་རོལ་རྩེད་ཞབས་ཞུའི་འབྲེལ་ཡོད་གཞི་གྲངས་(ཡིག་ཚགས་ཉར་གྲངས་གཞིའི་ཕུད་)ལོ་2ལ་ཉར་ཚགས་བྱ་རྒྱུ་རེད།

ཁྱེད་ཀྱི་ IP གནས་ཡུལ་དང་དྲ་རྒྱར་སྦྲེལ་སྟངས་དང་རིགས།དེ་བཞིན་ཉེར་སྤྱོད་ཁྲོམ་ར་ཁག་གཅིག་བེད་སྤྱོད་བྱས་པའི་འབྲེལ་ཡོད་ཆ་འཕྲིན་བཅས་ཉིན་7ལས་ཉར་ཚགས་མི་བྱེད།

ཁྱེད་ཀྱི་མངགས་ཐོའི་ཆ་འཕྲིན་ལོ་7ལ་ཉར་ཚགས་བྱེད་པ་མ་ཟད་ཁྱེད་ཀྱིས་མོས་མཐུན་བྱས་རྗེས་གསུབ་སྲིད།
དེ་མིན། ང་ཚོའི་ཐོན་རྫས་སམ་ཞབས་ཞུ་ལ་འཁོར་སྐྱོད་མཚམས་འཇོག་པའི་གནས་ཚུལ་བྱུང་སྐབས། ང་ཚོས་བརྡ་ཐོ་མཉམ་གཏོང་དང་སྤྱི་བསྒྲགས་ཀྱི་རྣམ་པ་ལྟར་ཁྱེད་ལ་བརྡ་ཐོ་གཏོང་སྲིད་པ་མ་ཟད། ལུགས་མཐུན་གྱི་དུས་ཡུན་ནང་ཁྱེད་ཀྱི་མི་སྒེར་གྱི་ཆ་འཕྲིན་གསུབ་པའམ་མིང་མི་འགོད་པའི་ཐོག་ནས་ཐག་གཅོད་བྱ་སྲིད།

7. ང་ཚོར་ཇི་ལྟར་འབྲེལ་གཏུག་བྱེད་དགོས།

ང་ཚོས་མི་སྒེར་གྱི་ཆ་འཕྲིན་སྲུང་སྐྱོང་གི་ཆེད་བསྐོས་སྡེ་ཁག(ཡང་ན་མི་སྒེར་གྱི་ཆ་འཕྲིན་སྲུང་སྐྱོང་གི་ཆེད་བཏང་མི་སྣ་)བཙུགས་ཡོད་ལ། ཁྱེད་ཀྱིས་སྒེར་གསང་གནད་དོན (https://consumer.huawei.com/ cn/legal/privacy-questions/)་ལ་ལྟ་སྤྱོད་བྱེད་པ་བརྒྱུད་ནས་དེ་དང་འབྲེལ་གཏུག་བྱེད་ཆོག ང་ཚོས་གང་མགྱོགས་སྒོས་ལན་འདེབས་སྲིད།

གལ་ཏེ་ཁྱེད་ཀྱིས་ང་ཚོའི་ལན་ལ་ཡིད་མི་ཚིམ་པ་དང་། ལྷག་པར་དུ་ང་ཚོའི་མི་སྒེར་གྱི་ཆ་འཕྲིན་ཐག་གཅོད་བྱེད་པའི་བྱ་སྤྱོད་ཀྱིས་ཁྱེད་ཀྱི་ཁྲིམས་མཐུན་ཁེ་དབང་ལ་གནོད་འཚེ་བཏང་ཚེ། ཁྱེད་ཀྱིས་ད་དུང་བདག་སྤྲོད་བྱེད་དབང་ཡོད་པའི་མི་དམངས་ཁྲིམས་ཁང་ལ་གཏུག་བཤེར་བྱེད་པ་དང་། ལས་རིགས་རང་གཅུན་མཐུན་ཚོགས་སམ་ཡང་ན་སྲིད་གཞུང་གི་འབྲེལ་ཡོད་དོ་དམ་ལས་ཁུངས་ལ་ཞུ་གཏུག་བྱེད་པ་སོགས་ཕྱི་རོལ་གྱི་ཐབས་ལམ་བརྒྱུད་ནས་ཐག་གཅོད་བྱས་ཆོག ཁྱེད་ཀྱིས་ཀྱང་ང་ཚོར་འབྲེལ་ཡོད་ཞུ་གཏུག་ཐབས་ལམ་གྱི་ཆ་འཕྲིན་རྒྱུས་ལོན་བྱེད་ཐུབ།

ཧྭ་ཝེ་ཡིས་ཐོག་མཐའ་བར་གསུམ་དུ་ང་ཚོའི་སྒེར་གསང་སྲིད་ཇུས་ལ་བརྩི་སྲུང་བྱས་ནས་ཁྱེད་ཀྱི་ཆ་འཕྲིན་འཚོལ་སྡུད་དང་བེད་སྤྱོད་བྱ་རྒྱུ་ཡིན། ང་ཚོའི་སྒེར་གསང་སྲིད་ཇུས་ཀྱི་སྐོར་ནས་ཧྭ་ཝེའི་འཛད་སྤྱོད་པའི་ལས་སྒོའི་གསང་དོན་གསལ་བསྒྲགས་(https://consumer.huawei.com/ cn/legal/privacy-policy/) ལ་གཟིགས་ཆོག