დებულება AppGallery-სა და კონფიდენციალურობის შესახებ

ბოლო განახლება: 2020 წლის იანვარი

AppGallery არის სერვისი, რომლის მომწოდებელია ჰონკონგში რეგისტრირებული, Huawei-ს შვილობილი კომპანია Huawei Services (Hong Kong) Co., Limited (შემდგომში „ჩვენ“, „ჩვენს“ ან „ჩვენი“). ის უზრუნველყოფს განაწილების პლატფორმას, სადაც შეგიძლიათ დაათვალიეროთ, მოიპოვოთ წვდომა, ჩამოტვირთოთ და მართოთო უფასო და ფასიანი აპები.

მოცემულ დებულებაში აღწერილია:

1. რა მონაცემებს ვაგროვებთ თქვენ შესახებ?

2. როგორ ვიყენებთ თქვენს მონაცემებს?

3. რამდენი ხნით ვინახავთ თქვენს მონაცემებს?

4. როგორ ვაზიარებთ თქვენს მონაცემებს?

5. რა უფლებები და ვარიანტები გაქვთ?

6. როგორ შეგიძლიათ დაგვიკავშირდეთ?

7. როგორ განვაახლებთ ამ დებულებას?

1. რა მონაცემებს ვაგროვებთ თქვენ შესახებ?

AppGallery სერვისის ფარგლებში, ჩვენ შევაგროვებთ და გამოვიყენებთ თქვენს პერსონალურ მონაცემებს მხოლოდ ამ დებულებით განსაზღვრული მიზნებით. პერსონალური მონაცემები გულისხმობს ნებისმიერ ინფორმაციას, რომელიც საშუალებას გვაძლევს ამოგიცნოთ, როგორც მომხმარებელი.

ჩვენ შევაგროვებთ და დავამუშავებთ შემდეგ მონაცემებს:

HUAWEI ID ანგარიშის ინფორმაცია, როგორიცაა ანგარიშის სახელი (ელფოსტა ან ტელეფონის ნომერი), პროფილის სურათი, მეტსახელი, დაბადების თარიღი, ქვეყანა/რეგიონი, ანგარიშის იდენტიფიკატორი და ანგარიშის იდენტიფიკატორის სერვისის მარკერი.

ცნობები მოწყობილობაზე, როგორიცაა მოწყობილობის იდენტიფიკატორი (SN, UDID ან IMEI, თქვენი მოწყობილობის სისტემის ვერსიის მიხედვით), ენის პარამეტრები, მოწყობილობის მოდელი, მოწყობილობის ოპერაციული სისტემის ვერსია და ROM ვერსია, ეკრანის ზომა და გარჩევადობა, ქვეყნის მობილური კოდი, მიწოდების ქვეყანა.

ცნობები ქსელზე, როგორიცაა IP მისამართი, ქსელის ტიპი და ქსელის კავშირის სტატუსი.

სერვისის გამოყენების ინფორმაცია, როგორიცაა AppGallery-ს ვერსიის ნომერი და ჩამოტვირთვის წყარო, აპის გამოყენების ხანგრძლივობა, აპზე დაწკაპუნების და ექსპოზიციის დროები, აპის ძიების ისტორია, აპის ჩამოტვირთვისა და ინსტალაციის ისტორია და შედეგები, აპში შესვლის შედეგები, ინფორმაცია დაინსტალირებული აპების შესახებ ( როგორიცაა კატეგორიები და ვერსიები), წაშლილი აპების სია, აპის შესყიდვის ორდერის თანხა, ორდერის დრო, ორდერის ID, დაინსტალირებული აპების სია, მომხმარებლის ჯილდოების (საჩუქრების) ჩანაწერი, აპის კომენტარები, მომხმარებლის შეთანხმების ხელმოწერის ჩანაწერები, აპის პრომო არხის ID, აპის ვებგვერდის ბმული და სასურველთა სიაში არსებული აპლიკაციები.

ინფორმაცია თამაშის სერვისების შესახებ, როგორიცაა მოთამაშის ID, რეიტინგები, მიღწევები, მოთამაშის სტატისტიკა და თამაშის გამოყენების მონაცემები, რომლებსაც ვიღებთ თქვენ მიერ გაშვებული თამაშის აპის პროვაიდერისგან.

თუ თქვენ მოიგებთ პრიზს HUAWEI AppGallery-ის ერთ-ერთი პრომო აქციის დროს, თქვენი მიწოდების მისამართი და ტელეფონის ნომერი/ელფოსტის მისამართი დამუშავდება თქვენთვის პრიზის მოსაწოდებლად.

თუ HUAWEI AppGallery-ს იყენებთ სტუმრის რეჟიმში (თქვენი Huawei ID ანგარიშით შესვლის გარეშე), შეგროვდება და დამუშავდება შემდეგი მონაცემები:

ცნობები მოწყობილობაზე, როგორიცაა მოწყობილობის იდენტიფიკატორი — SN, UDID ან IMEI თქვენი მოწყობილობის სისტემის ვერსიის მიხედვით, — ენის პარამეტრები, მოწყობილობის ტიპი, მოწყობილობის ოპერაციული სისტემის ვერსია და ROM ვერსია, ეკრანის ზომა და გარჩევადობა, მიწოდების ქვეყანა.

ცნობები ქსელზე, როგორიცაა IP მისამართი, მობილური ქვეყნის კოდი (MCC), მობილური ქსელის კოდი (MNC), ქსელის ტიპი და ქსელის კავშირის სტატუსი.

სერვისის გამოყენების ინფორმაცია, როგორიცაა AppGallery-ის ვერსიის ნომერი, აპის გახსნის და დახურვის დრო, დაწკაპუნებები, ექსპოზიცია, აპის ძიების ისტორია, აპის ჩამოტვირთვისა და დაინსტალირების ისტორია, ინფორმაცია დაინსტალირებული აპების შესახებ (როგორიცაა აპების კატეგორიები და ვერსიები), დაინსტალირებული აპების სია, საოპერაციო ჟურნალები და შეცდომის ჟურნალები, აპის პრომო არხის ID, აპის ვებგვერდის ბმული და მომხმარებლის შეთანხმების ხელმოწერის ჩანაწერი.

თქვენთვის საჭირო სერვისების უზრუნველსაყოფად, AppGallery მოითხოვს ნებართვებს თქვენს ტელეფონზე წვდომისთვის, რათა მოიპოვოს ცნობები მოწყობილობაზე და თქვენს საცავზე წვდომისთვის, რათა მართოს საინსტალაციო პაკეტები. თქვენ, აგრეთვე, შეგიძლიათ მართოთ ნებართვები თქვენი მოწყობილობის პარამეტრებში.

2. როგორ ვიყენებთ თქვენს მონაცემებს?

თქვენთვის AppGallery სერვისების უზრუნველსაყოფად და სახელშეკრულებო ვალდებულებების შესასრულებლად, ჩვენ გვჭირდება თქვენი პერსონალური მონაცემების შეგროვება, რათა შეძლოთ თქვენი აპების დათვალიერება, მათზე წვდომა, მათი ჩამოტვირთვა, აპების მართვა და თამაშებთან დაკავშირებული ფუნქციების გამოყენება. ეს ასევე საშუალებას გვაძლევს, დავამუშაოთ თქვენი მონაცემები იდენტიფიკაციის, დავების მოგვარების, კლიენტებთან ურთიერთობის მართვის, მხარდაჭერისა და კომუნიკაციის, კლიენტების საჩივრების განხილვის, ტექმომსახურების, სისტემის განახლებების, პრობლემების დიაგნოზირებისა და გამოსწორების მიზნით.

გარდა ამისა, თქვენს პერსონალურ მონაცემებს, თქვენი თანხმობით ვიყენებთ შემდეგი მიზნებისთვის:

ანალიტიკური და განვითარების მიზნები, მათ შორის გაერთიანებული ჯგუფების შექმნა მომხმარებელთა სხვადასხვა ჯგუფების აქტივობების მიხედვით. ეს ასევე საშუალებას გვაძლევს, გავიგოთ ჩვენი მომხმარებლების, როგორც კლიენტების, საჭიროებები და გავაუმჯობესოთ ჩვენი ახლანდელი და მომავალი სერვისებისა და შეთავაზებების ხარისხი და მომხმარებლის გამოცდილება, ასევე შევაფასოთ კამპანიებისა და პრომო აქციების ეფექტურობა. მონაცემების ასეთ დამუშავებაზე უარის თქმა შეგიძლიათ ქვემოთ მოცემულ ნაწილში 5.6 აღწერილი წესით.

ჩვენი შემოთავაზებების, გაყიდვების აქციების და მარკეტინგული მიზნების შესახებ შესატყობინებლად, ასევე მარკეტინგული დანიშნულების გაერთიანებული სამიზნე ჯგუფების შესაქმნელად. კლიენტების სურვილების ცოდნა საშუალებას გვაძლევს, მიზნობრივად მივმართოთ ჩვენი შემოთავაზებები და შემოგთავაზოთ პროდუქტები და სერვისები, რომლებიც უკეთ დააკმაყოფილებს ჩვენი კლიენტების საჭიროებებსა და სურვილებს. მონაცემების ასეთ დამუშავებაზე უარის თქმა შეგიძლიათ ქვემოთ მოცემულ ნაწილში 5.6 აღწერილი წესით.

ჩვენ შეიძლება დავამუშაოთ თქვენი პერსონალური მონაცემები სერვისების პერსონალიზაციისთვის, რისთვისაც მოგაწვდით რეკომენდაციებს და მიზნობრივად გიჩვენებთ აპებს AppGallery-ში. მონაცემების ასეთ დამუშავებაზე უარის თქმა შეგიძლიათ ქვემოთ მოცემულ ნაწილში 5.6 აღწერილი წესით.

თუ მოწყობილობაში ჩართული გაქვთ HUAWEI რეკლამების პერსონალიზაცია, თქვენი დაინსტალირებული აპების კატეგორიები (როგორიცაა თამაშები, სოციალური მედია, სპორტი) გამოყენებული იქნება თქვენთვის უფრო რელევანტური რეკლამების უზრუნველსაყოფად HUAWEI Mobile Services-ში და მესამე მხარის აპებში HUAWEI რეკლამების პლატფორმის მეშვეობით. დამატებითი ინფორმაცია HUAWEI რეკლამებისა და თქვენი უფლებების შესახებ იხილეთ აქ (https://consumer.huawei.com/ minisite/cloudservice/ad/ privacy-statement.htm?country=HK&language=ka-ge).

ინფორმაციის უსაფრთხოების მიზნით, მათ შორის სერვისების სხვადასხვა ტიპის არასწორი გამოყენებისა და თაღლითობების აღმოჩენისა და აღკვეთისთვის, რათა მოგაწოდოთ უფრო უსაფრთხო და სანდო სერვისები.

თუ ჩართავთ თამაშის სერვისებს მესამე მხარის თამაშის აპში და მისცემთ აპს ნებართვა მიიღოს თქვენი თამაშის სერვისების მონაცემები (მოთამაშის ID, რეიტინგები, მიღწევები და მოთამაშის სტატისტიკა), თქვენი თამაშის სერვისების მონაცემები გადაცემული იქნება მესამე მხარის თამაშის აპში. შეგიძლიათ გააუქმოთ ასეთი ნებართვა ნებისმიერ დროს მოწყობილობის მენიუში: პარამეტრები > HUAWEI ID > კონფიდენციალურობის ცენტრი > ანგარიშზე წვდომის მართვა.

თუ დააკომენტარებთ AppGallery-ში ხელმისაწვდომ აპზე, ჩვენ გადავცემთ თქვენს კომენტარს და მეტსახელს აპები დეველოპერს თქვენი გამოხმაურებისა და შეფასებების საფუძველზე სერვისის გაუმჯობესების მიზნით.

როცა HUAWEI AppGallery-ს იყენებთ თქვენი HUAWEI ID-ში შესვლისას, თქვენს მოწყობილობაზე შესაძლოა გამოგიგზავნოთ push შეტყობინებები, რათა გაცნობოთ ახალი ხელმისაწვდომი აპების, მოვლენებისა და საჩუქრებთან დაკავშირებული აქტივობების შესახებ მას შემდეგ, რაც თანხმობას განაცხადებთ AppGallery-ს აპში. თანხმობის გასაუქმებლად ნებისმიერ დროს შეგიძლიათ გადახვიდეთ მენიუში AppGallery > მე > პარამეტრები და გამორთოთ შეტყობინებების მიღება.

ჩვენ, ასევე, შესაძლოა დავამუშაოთ თქვენი აპების შესყიდვის ორდერის თანხა, ორდერის დრო და ორდერის ID გადასახადებისა და საბუღალტრო მიზნებისთვის, როგორც მოითხოვს ჩვენთან მოქმედი კანონები და რეგულაციები.

3. რამდენი ხნით ვინახავთ თქვენს მონაცემებს?

თქვენს პერსონალურ მონაცემებს არ შევინახავთ იმაზე მეტი ხნით, ვიდრე საჭიროა ამ დებულებაში მითითებული მიზნებისთვის.

თქვენს მონაცემებს დავამუშავებთ და შევინახავთ თქვენთან, როგორც კლიენტთან ურთიერთობის პერიოდის მანძილზე. თუ წაშლით თქვენს HUAWEI ID ანგარიშს, წაიშლება მასთან დაკავშირებული ყველა პერსონალური მონაცემი და სერვისი, მათ შორის AppGallery-ს აპი. თუმცა, ჩვენ შევინახავთ:

აპის შესყიდვის ორდერის თანხას, ორდერის დროს და ორდერის ID-ს გადახდის თარიღიდან შვიდი (7) წლის განმავლობაში.

კლიენტებთან ურთიერთობის მართვისთვის დამუშავებულ პერსონალურ მონაცემებს, როგორიცაა მონაცემთა სუბიექტების მოთხოვნები, საჩივრები და კლიენტებთან ინტერაქციის ჩანაწერები, ბოლო ინტერაქციიდან ექვს (6) წლამდე ვადით.

კონტრაქტის მართვის მიზნებისთვის დამუშავებულ პერსონალურ მონაცემებს თქვენი HUAWEI ID-ის წაშლიდან სამამდე (3) წლის განმავლობაში.

პერსონალურ მონაცემებს, რომლებიც გამოიყენება სტატისტიკური ანალიზისა და პროდუქტის განვითარების, ასევე გაყიდვების აქციებისა და მარკეტინგული მიზნებისთვის, მათი შეგროვების თარიღიდან თორმეტ (12) თვემდე ვადით, თუ ამგვარი დამუშავების თაობაზე პრეტენზია არ გამოგითქვამთ.

თქვენს მისამართს და ტელეფონის ნომერს/ელფოსტის მისამართს ერთი (1) წლის განმავლობაში თქვენთვის პრიზის გამოგზავნის შემდეგ.

მონაცემთა სარეზერვო ასლებსა და აპის ჟურნალებს, რომელთა დამუშავებაც ხდება თქვენი მონაცემებისა და სერვისების უსაფრთხოების უზრუნველსაყოფად, მათი შექმნის თარიღიდან ექვს (6) თვემდე ვადით.

თუ გამორთავთ თამაშის სერვისებს, თქვენი მონაცემები წაიშლება ოცდაათი (30) დღის ვადაში, თუ არ არსებობს მონაცემების დამუშავების გაგრძელების კანონიერი საფუძველი, როგორც აღწერილია ქვემოთ. როცა სერვისს ვიზიტორის რეჟიმში იყენებთ, თქვენი ქსელისა და მოხმარების ინფორმაცია დამუშავდება შვიდი (7) დღის განმავლობაში.

როდესაც შენახვის პერიოდი ამოიწურება, ჩვენ წავშლით ან ანონიმურად ვაქცევთ თქვენს პერსონალურ მონაცემებს, თუ სხვაგვარად არ მოითხოვს მოქმედი კანონმდებლობა და ნორმები.

4. როგორ ვაზიარებთ თქვენს მონაცემებს?

თქვენს მონაცემებს ვინახავთ ჰონკონგში (ჩინეთი) და სინგაპურში მდებარე მონაცემთა ცენტრებში.

ჩვენი ტექმომსახურების ოპერაციებისთვის შეიძლება საჭირო გახდეს, მივიღოთ წვდომა თქვენს მონაცემებზე ინდოეთიდან და ჩინეთიდან. გარდა ამისა, თქვენი მონაცემები შეიძლება დამუშავდეს კლიენტთა მომსახურების ჩვენი ცენტრების მიერ, რომლებიც მდებარეობს, მაგალითად, მექსიკაში, ეგვიპტეში, სამხრეთ აფრიკაში, საუდის არაბეთში, პაკისტანში, მიანმარში, ინდოეთში და მალაიზიაში, თქვენი მდებარეობის მიხედვით.

თქვენს მონაცემებს ვაზიარებთ მხოლოდ:

თუ დააკომენტარებთ AppGallery-ში ხელმისაწვდომ აპს, ჩვენ გადავცემთ თქვენს კომენტარს, მეტსახელს, მოწყობილობის მოდელს და კომენტარის დროს აპის დეველოპერს სერვისის გაუმჯობესების და/ან პრობლემების მოგვარების მიზნით.

როდესაც ჩართავთ თამაშის სერვისებს და მესამე მხარის ტამაშის აპს მისცემთ ნებართვას დაამუშავოს თქვენი თამაშის სერვისების ინფორმაცია, თქვენი მოთამაშის ID, რეიტინგები, მიღწევები, შენაძენები და მოთამაშის სტატისტიკა გადაეცემა მესამე მხარის თამაშის აპს თამაშის ფუნქციების უზრუნველყოფის და ფუნქციონალობის გაუმჯობესების მიზნით.

თუ აირჩევთ თქვენი თამაშის სერვისების მონაცემების შენახვას Cloud-ში და გადართავთ სერვისის ქვეყანას/რეგიონს AppGallery-ში, თქვენ მიერ შენახული თამაშის შიდა მონაცემები შეიძლება გადაეცეთ Huawei-ის სხვა შვილობილ კომპანიებს, რომლებიც უზრუნველყოფენ Cloud სერვისებს და მდებარეობენ ჩინეთში ან ირლანდიაში (https://cloud.huawei.com/privacyStatementTransit), თქვენი HUAWEI ID-ის რეგისტრაციის ქვეყნის/რეგიონის მიხედვით.

როდესაც ეს საჭიროა სამართლებრივი პროცესის პასუხად ან კომპეტენტური ორგანოს მოთხოვნის საფუძველზე, მოქმედი კანონების შესაბამისად ან სამართლებრივ წარმოებასთან თუ პროცესთან დაკავშირებით.

როდესაც ეს საჭიროა ქონების (როგორიც არის სერვისის შეთანხმებები) გაერთიანების, შერწყმის, გაყიდვის ან სერვისის Huawei-ს ჯგუფის ორგანიზაციისა თუ სხვა კომპანიის მფლობელობაში გადასვლის პროცესის ფარგლებში.

5. რა უფლებები და ვარიანტები გაქვთ?

თქვენ გაქვთ შემდეგი უფლებები და ვარიანტები:

5.1 თქვენს მონაცემებზე წვდომა

AppGallery-სთან დაკავშირებით ჩვენ მიერ შეგროვებული და შენახული თქვენი პერსონალური მონაცემების ასლისა და აღწერილობის მოსათხოვად შეგიძლიათ თქვენს მოწყობილობაში გადახვიდეთ მენიუში: პარამეტრები > HUAWEI ID > კონფიდენციალურობის ცენტრი > თქვენი მონაცემების მოთხოვნა.

დამატებითი წვდომის მოთხოვნისთვის, მათ შორის ვიზიტორის რეჟიმში AppGallery-ს გამოყენებისას თქვენი მონაცემების ასლის მოთხოვნისთვის გთხოვთ, დაგვიკავშირდეთ (https://consumer.huawei.com/ uk/legal/privacy-questions).

5.2 თქვენი მონაცემების გასწორება

იმისათვის, რომ თქვენი მონაცემები ყოველთვის განახლებული და ზუსტი იყოს, შეგიძლიათ შეასწოროთ თქვენი მონაცემები მენიუში: პარამეტრები > HUAWEI ID.

თქვენი მიწოდების ინფორმაციის ნახვა და შეცვლა შეგიძლიათ მენიუში: AppGallery> მე > პარამეტრები > გადაცემის ინფორმაცია.

5.3 თქვენი მონაცემების პორტირება

თქვენ შეგიძლიათ მოახდინოთ იმ პერსონალური მონაცემების პორტირება, რომლებიც AppGallery-სთან დაკავშირებით მოგვაწოდეთ, გავრცელებული და მანქანით წაკითხვადი ფორმატით მენიუდან: პარამეტრები > HUAWEI ID > კონფიდენციალურობის ცენტრი > თქვენი მონაცემების მოთხოვნა.

ასევე შეგიძლიათ მოახდინოთ იმ პერსონალური მონაცემების პორტირება, რომელიც AppGallery-ში მოგვაწოდეთ, სერვისის სტუმრის რეჟიმში გამოყენებისას, გავრცელებული, მანქანით წაკითხვადი ფორმატით ჩვენთან დაკავშირებისგზით.

5.4 თქვენი მონაცემების წაშლა

თქვენ ნებისმიერ დროს შეგიძლიათ:

წაშალოთ თქვენი აპების ჩამოტვირთვისა და ინსტალაციის ისტორია, ასევე შენაძენების ჩანაწერები, მენიუდან: AppGallery > მე > შესყიდვის ისტორია.

წაშალოთ თქვენი საჩუქრების ჩანაწერები მენიუდან: AppGallery > მე > საჩუქრები.

წაშალოთ სასურველი აპების სიაში არსებული აპები მენიუში: AppGallery > მე > სასურველთა სია.

თქვენი მიწოდების ინფორმაციის წაშლა შეგიძლიათ მენიუში: AppGallery> მე > პარამეტრები > გადაცემის ინფორმაცია.

წაშალოთ თქვენი HUAWEI ID ანგარიში. შედეგად წაიშლება თქვენს HUAWEI ID ანგარიშთან დაკავშირებული ყველა პერსონალური მონაცემი და სერვისი, მათ შორის თქვენი პერსონალური მონაცემები AppGallery-ში.

შედავება თქვენი მონაცემების დამუშავების თაობაზე ნაწილში 5.6 აღწერილი წესით. თუ თქვენი პრეტენზია მართებულია და თქვენი მონაცემების დამუშავების გასაგრძელებლად იურიდიული საფუძველი აღარ გვაქვს, ჩვენ წავშლით შესაბამის მონაცემებს მოქმედი პრეტენზიის ფარგლებში.

დაგვიკავშირდით (https://consumer.huawei.com/ uk/legal/privacy-questions), თუ თვლით, რომ თქვენი პერსონალური მონაცემების დამუშავება უკანონოა და თქვენი მონაცემები უნდა წაიშალოს.

ჩვენ წავშლით ან ანონიმურად ვაქცევთ თქვენს პერსონალურ მონაცემებს გონივრულ ვადებში, თქვენს ზემოხსენებულ ქმედებებზე დაყრდნობით და შენახვის იმ პერიოდების შესაბამისად, რომლებიც აღწერილია ნაწილში 3.

5.5 თანხმობის გაუქმება

თუ თქვენ აირჩიეთ ჩვენგან პირდაპირი ელექტრონული მარკეტინგის მიღება, შეგიძლიათ გააუქმოთ თანხმობა მენიუში: AppGallery > მე > პარამეტრები და გამორთოთ შეტყობინებების მიღება.

თუ თქვენ ნებართვა მიეცით მესამე მხარის თამაშების აპებს მიიღონ თქვენი თამაშის სერვისების ინფორმაცია, შეგიძლიათ გააუქმოთ თქვენი თანხმობა მენიუში: პარამეტრები > HUAWEI ID > კონფიდენციალურობის ცენტრი > ანგარიშზე წვდომის მართვა.

5.6 პრეტენზიის გამოთქმა დამუშავებაზე

თუ გსურთ, უარი თქვათ თქვენი მონაცემების დამუშავებაზე ანალიზის, განვითარების ან გაყიდვებისა და მარკეტინგის მიზნებისთვის, გთხოვთ, დაგვიკავშირდეთ (https://consumer.huawei.com/ uk/legal/privacy-questions).

მოთხოვნისას გთხოვთ, მიუთითოთ მოთხოვნის ფარგლები და მოგვაწოდოთ თქვენი HUAWEI ID-ით შესვლისას გამოყენებული ელფოსტის მისამართი და ტელეფონის ნომერი, თუ სერვისს იყენებთ სისტემაში შესვლის რეჟიმში, ან თქვენი მოწყობილობის იდენტიფიკატორი, თუ AppGallery-ს იყენებთ სტუმრის რეჟიმში.

ჩვენ დაგიკავშირდებით თქვენი ვინაობის შესამოწმებლად, რათა განვაგრძოთ თქვენი მოთხოვნის დამუშავება.

5.7 დამუშავების შეზღუდვა

თუ გსურთ, შეზღუდოთ თქვენი პერსონალური მონაცემების დამუშავება, დაგვიკავშირდით (https://consumer.huawei.com/ uk/legal/privacy-questions). თქვენ გაქვთ უფლება, შეზღუდოთ თქვენი მონაცემების დამუშავება შემდეგ გარემოებებში:

თქვენი მონაცემები უკანონოდ მუშავდება, მაგრამ მათი წაშლა არ გსურთ.

თქვენ გაქვთ სამართლებრივი მოთხოვნა, რომელიც უნდა დაასაბუთოთ, განახორციელოთ ან დაიცვათ და ამისთვის გვთხოვეთ შეგვენახა თქვენი მონაცემები, როცა სხვა შემთხვევაში მათ არ შევინახავდით.

თქვენ განაცხადეთ თქვენი პერსონალური მონაცემების უზუსტობის შესახებ და თქვენი მონაცემების სიზუსტე ჩვენ მიერ შემოწმების პროცესშია.

თქვენი პრეტენზია ჩვენ მიერ შემოწმების პროცესშია.

მოთხოვნის გაკეთებისას, გთხოვთ, დააკონკრეტოთ მოთხოვნის ფარგლები და საფუძველი და მოგვაწოდოთ თქვენი ელფოსტის მისამართი ან ტელეფონის ნომერი, რომელიც თქვენს HUAWEI ID-ში შესასვლელად გამოიყენეთ.

ჩვენ დაგიკავშირდებით თქვენი ვინაობის შესამოწმებლად, რათა განვაგრძოთ თქვენი მოთხოვნის დამუშავება.

6. როგორ შეგიძლიათ დაგვიკავშირდეთ?

მითითება იმის შესახებ, თუ როგორ განახორციელოთ თქვენი, როგორც მონაცემთა სუბიექტის უფლებები, შეგიძლიათ იხილოთ ნაწილში 5. თუ გაქვთ შეკითხვები, შენიშვნები ან წინადადებები თქვენი, როგორც მონაცემთა სუბიექტის უფლებების ან ჩვენ მიერ თქვენი პერსონალური მონაცემების დამუშავების შესახებ, ან თუ გსურთ დაუკავშირდეთ ჩვენს მონაცემთა დაცვის ინსპექტორს, გთხოვთ, დაგვიკავშირდეთ (https://consumer.huawei.com/ uk/legal/privacy-questions).

ჩვენი სათაო ოფისის მისამართია: Huawei Services (Hong Kong) Co., Limited, Room 03, 9/F, Tower 6, the Gateway, No. 9 Canton Road, Tsim Sha Tsui, Kowloon, ჰონკონგი. რეგისტრაციის ნომერი 1451551.

თუ თვლით, რომ თქვენს პერსონალურ მონაცემებს ამ დებულების ან მონაცემთა დაცვის მოქმედი კანონების შესაბამისად არ ვამუშავებთ, შეგიძლიათ შეიტანოთ საჩივარი მონაცემთა დაცვის უწყებაში თქვენს ქვეყანაში/რეგიონში ან პერსონალურ მონაცემთა კონფიდენციალურობის კომისართან ჰონკონგში.

7. როგორ განვაახლებთ ამ დებულებას?

გირჩევთ, რეგულარულად შეამოწმოთ ამ დებულების უახლესი ვერსია აპის პარამეტრებში, ვინაიდან ის შეიძლება განვაახლოთ სათანადო დროს. იმ შემთხვევაში, თუ ამ დებულებაში არსებითი ცვლილებები შევა, ამის შესახებ წინასწარ გაცნობებთ შეტყობინებების დიალოგებით, push შეტყობინებებით, ელფოსტით თუ სხვა საშუალებებით, ცვლილების ხასიათიდან გამომდინარე.

მეტისჩვენება