សេចក្ដីថ្លែងការណ៍អំពី AppGallery និង​ឯកជនភាព

បានធ្វើ​បច្ចុប្បន្នភាព​ចុងក្រោយនៅ៖ ខែមករា ឆ្នាំ 2020

AppGallery គឺជាសេវាកម្ម​មួយ​ដែល​ផ្ដល់​ជូន​ដោយ​ Huawei Services (Hong Kong) Co., Limited ជាបុត្រសម្ព័ន្ធមួយរបស់ Huawei ដែលបានចុះឈ្មោះក្នុង​បញ្ជីពាណិជ្ជកម្ម​នៅហុងកុង (ចាប់ពីពេល​នេះតទៅ​ហៅកាត់ថា "យើង" ឬ "របស់​យើង​")។ វាផ្ដល់ជូន​អ្នកនូវ​វេទិកា​ចែកចាយ​ ដែល​អ្នកអាច​រកមើល ចូលប្រើ ទាញយក និងគ្រប់គ្រង​កម្មវិធី​ឥតគិតថ្លៃ និងដែលបានបង់ប្រាក់។

សេចក្តីថ្លែងការណ៍នេះរៀបរាប់អំពី៖

1. តើទិន្នន័យអ្វីខ្លះ​ដែល​យើងប្រមូលអំពីអ្នក?

2. តើយើងប្រើ​ទិន្នន័យរបស់អ្នក​ដោយ​របៀបណា?

3. តើយើងរក្សាទុកទិន្នន័យរបស់អ្នកយូរប៉ុនណា?

4. តើយើងចែករំលែក​ទិន្នន័យរបស់អ្នក​ដោយ​របៀបណា?

5. តើសិទ្ធិ និងជម្រើសរបស់អ្នកមានអ្វីខ្លះ?

6. តើត្រូវទាក់ទងមកយើងដោយរបៀបណា?

7. តើយើងធ្វើបច្ចុប្បន្នភាពសេចក្តីថ្លែងការណ៍នេះ​ដោយរបៀបណា?

1. តើទិន្នន័យអ្វីខ្លះដែលយើងប្រមូលអំពីអ្នក?

ជាផ្នែកមួយនៃសេវាកម្ម AppGallery យើង​នឹងប្រមូល និង​ប្រើ​ប្រាស់​ទិន្នន័យផ្ទាល់ខ្លួនរបស់​អ្នក​សម្រាប់​​តែ​គោលបំណង​ដូចដែល​មាន​ចែង​នៅក្នុងសេចក្តី​ថ្លែងការណ៍​នេះប៉ុណ្ណោះ។ ទិន្នន័យ​ផ្ទាល់ខ្លួនសំដៅលើ​ព័ត៌មានទាំងឡាយ​ដែលអាច​ឱ្យយើង​សម្គាល់ថាអ្នក​ជាអ្នកប្រើម្នាក់។

យើងនឹងប្រមូល និងដំណើរការទិន្នន័យដូចខាងក្រោម៖

ព័ត៌មានគណនី HUAWEI ID ដូចជា ឈ្មោះ​គណនី (អ៊ីមែល ឬលេខទូរស័ព្ទ) រូបភាពប្រវត្តិរូប ឈ្មោះហៅក្រៅ ថ្ងៃកំណើត ប្រទេស/តំបន់ អង្គសម្គាល់​គណនី និង​ថូខិន​សេវាកម្ម​អង្គសម្គាល់​គណនី។

ព័ត៌មានឧបករណ៍ដូចជា អង្គសម្គាល់​ឧបករណ៍ (ដូចជា SN, UDID ឬ IMEI អាស្រ័យ​លើ​កំណែ​ប្រព័ន្ធ​ឧបករណ៍​របស់អ្នក), ការកំណត់​ភាសា, ម៉ូដែល​ឧបករណ៍, កំណែ​ប្រព័ន្ធ​ប្រតិបត្តិការ និង​កំណែ ROM, ទំហំ និង​គុណភាពបង្ហាញ​អេក្រង់, កូដប្រទេស​សម្រាប់​ហៅទូរស័ព្ទ ​ប្រទេស​ដឹកជញ្ជូន។

ព័ត៌មានបណ្ដាញដូចជា អាសយដ្ឋាន IP, ប្រភេទបណ្ដាញ និង​ស្ថានភាព​នៃ​ការតភ្ជាប់បណ្ដាញ។

ព័ត៌មានអំពីការប្រើប្រាស់សេវាកម្មដូចជា លេខកំណែ AppGallery និង​ប្រភពទាញយក រយៈពេលប្រើប្រាស់កម្មវិធី ការចុចលើកម្មវិធី និង​ពេលវេលាបង្ហាញឱ្យគេឃើញ ប្រវត្តិ​ស្វែងរក​កម្មវិធី ប្រវត្តិ និង​លទ្ធផល​នៃ​ការទាញយក និង​ការដំឡើង​កម្មវិធី លទ្ធផល​នៃការចុះឈ្មោះចូល​កម្មវិធី ព័ត៌មានកម្មវិធីដែលបានដំឡើង (ដូចជាប្រភេទ និងកំណែ) បញ្ជី​កម្មវិធី​ដែល​បានដក​ការដំឡើង​ចេញ បរិមាណ​នៃ​ការបញ្ជាទិញ​កម្មវិធី ពេលវេលា​នៃការបញ្ជាទិញ ID នៃការបញ្ជាទិញ បញ្ជីកម្មវិធីដែលបាន​ដំឡើង កំណត់ត្រា​អំពី​រង្វាន់ (កាដូ) អ្នកប្រើ មតិលើកម្មវិធី កំណត់ត្រា​អំពី​ការចុះកិច្ចព្រមព្រៀងអ្នកប្រើ ID បណ្ដាញ​ផ្សព្វផ្សាយ​កម្មវិធី តំណ​ទៅកាន់​ទំព័របណ្ដាញ​កម្មវិធី និង​កម្មវិធីបញ្ជីប្រាថ្នា។

ព័ត៌មានសេវាកម្មហ្គេមដូចជា ID អ្នកលេង ចំណាត់ថ្នាក់ សមិទ្ធផល ស្ថិតិអ្នកលេង និងទិន្នន័យប្រើប្រាស់ហ្គេមដែលយើងទទួលពីក្រុមហ៊ុនផ្ដល់កម្មវិធីហ្គេមដែលអ្នកកំពុងលេង។

ប្រសិនបើ​អ្នក​ឈ្នះ​រង្វាន់ ក្នុងអំឡុង​ពេល​ផ្សព្វផ្សាយ​ណាមួយ​របស់ HUAWEI AppGallery អាសយដ្ឋាន​ដឹកជញ្ជូន និង​លេខទូរស័ព្ទ​/​អាសយដ្ឋាន​អ៊ីមែល​របស់អ្នក​នឹង​ត្រូវបាន​ដំណើរការ ដើម្បី​ផ្ដល់​រង្វាន់​ដល់អ្នក។

ប្រសិនបើ​អ្នក​ប្រើ HUAWEI AppGallery នៅក្នុង​ម៉ូដភ្ញៀវ (ដោយមិន​ចុះឈ្មោះ​ចូល​គណនី Huawei ID របស់​អ្នកទេ) ទិន្នន័យ​ដូចខាងក្រោម​ត្រូវ​បានប្រមូល និង​ដំណើរការ៖

ព័ត៌មានឧបករណ៍ដូចជា អង្គសម្គាល់​ឧបករណ៍ដូចជា SN, UDID ឬ IMEI អាស្រ័យ​លើ​កំណែ​ប្រព័ន្ធ​ឧបករណ៍​, ការកំណត់​ភាសា, ប្រភេទ​ឧបករណ៍, កំណែ​ប្រព័ន្ធ​ប្រតិបត្តិការ និង​កំណែ ROM, ទំហំ និង​គុណភាពបង្ហាញ​អេក្រង់, ប្រទេស​ដឹកជញ្ជូនរបស់​អ្នក។

ព័ត៌មានបណ្ដាញដូចជា អាសយដ្ឋាន IP, លេខកូដប្រទេសទូរស័ព្ទចល័ត (MCC), លេខកូដ​បណ្ដាញទូរស័ព្ទចល័ត (MNC), ប្រភេទបណ្ដាញ និង​ស្ថានភាព​នៃ​ការតភ្ជាប់បណ្ដាញ។

Service usage informationដូចជា លេខកំណែ AppGallery, ពេលបើក និងបិទ​កម្មវិធី, ការចុច, ការឃើញ, ប្រវត្តិ​ស្វែងរក​កម្មវិធី, ប្រវត្តិ​ទាញយក និង​ដំឡើង​កម្មវិធី, ព័ត៌មានកម្មវិធីដែលបានដំឡើង (ដូចជាប្រភេទ និងកំណែ), បញ្ជី​កម្មវិធី​ដែល​បានដំឡើង, កំណត់ត្រាប្រតិបត្តិការ និង​កំណត់ត្រាកំហុស, ID បណ្ដាញ​ផ្សព្វផ្សាយ​កម្មវិធី, តំណ​ទៅកាន់​ទំព័របណ្ដាញ​កម្មវិធី និង​កំណត់ត្រា​នៃការចុះឈ្មោះក្នុង​កិច្ចព្រមព្រៀងអ្នកប្រើ។

ដើម្បីផ្ដល់​សេវាកម្មចាំបាច់ដល់​អ្នក AppGallery តម្រូវ​ឱ្យមាន​ការអនុញ្ញាត​ឱ្យ​ចូលប្រើ​ទូរស័ព្ទ​របស់អ្នក ដើម្បី​ទទួលបាន​ព័ត៌មានឧបករណ៍ និង​ឧបករណ៍ផ្ទុកទិន្នន័យរបស់អ្នក ដើម្បីគ្រប់គ្រង​កញ្ចប់ដំឡើង។ អ្នកក៏អាច​គ្រប់គ្រង​ការអនុញ្ញាត​នៅក្នុង​ការកំណត់​ឧបករណ៍​របស់អ្នក​បានផងដែរ។

2. តើយើងប្រើទិន្នន័យរបស់អ្នកដោយរបៀបណា?

ដើម្បី​ផ្ដល់​សេវាកម្ម AppGallery ដល់អ្នក និង​បំពេញ​កាតព្វកិច្ច​ក្នុងកិច្ចសន្យា យើង​តម្រូវឱ្យមានការប្រមូល​ទិន្នន័យផ្ទាល់ខ្លួន​របស់អ្នក ដើម្បីឱ្យ​អ្នក​អាចរកមើល ចូលប្រើ ទាញយក គ្រប់គ្រង​កម្មវិធីរបស់អ្នក និងរីករាយជាមួយលក្ខណៈពិសេសដែលពាក់ព័ន្ធនឹងហ្គេម។ វាក៏អាចឱ្យ​យើង​ដំណើរការ​ទិន្នន័យរបស់អ្នក​សម្រាប់​ការកំណត់អត្តសញ្ញាណ ការដោះស្រាយ ការគ្រប់គ្រង​ទំនាក់ទំនងអតិថិជន ការគាំទ្រ និង​ការធ្វើទំនាក់ទំនង ការដោះស្រាយបណ្ដឹង​របស់អតិថិជន ការជួសជុលថែទាំ បច្ចុប្បន្នភាពប្រព័ន្ធ ការវិនិច្ឆ័យ និង​ការដោះស្រាយបញ្ហាផងដែរ។

លើសពីនេះទៀត យើងប្រើប្រាស់ទិន្នន័យ​ផ្ទាល់​ខ្លួន​របស់​អ្នក​សម្រាប់​គោលបំណង​នានា​ដោយមាន​ការយល់ព្រម​ពីអ្នក៖

គោលបំណងវិភាគ និង​អភិវឌ្ឍន៍រួមមាន​ការបង្កើត​ក្រុមរួម ដោយផ្អែកលើ​សកម្មភាព​ប្រើប្រាស់របស់ក្រុមអ្នកប្រើ​ខុសៗគ្នា។ វាក៏អនុញ្ញាតឲ្យយើងយល់ដឹងអំពីតម្រូវការរបស់អ្នកប្រើ​របស់យើងក្នុង​នាមជាអតិថិជន និង​ធ្វើឲ្យគុណភាព និងបទ​ពិសោធ​ន៍​​អ្នកប្រើសេវាកម្ម និង​ការផ្ដល់ជូន​របស់យើងនាពេលបច្ចុប្បន្ន និងនាពេល​អនាគតប្រសើរឡើង ក៏ដូចជា​វាយតម្លៃ​ប្រសិទ្ធភាព​នៃ​យុទ្ធនាការ និង​ការផ្សព្វផ្សាយ​ផងដែរ។ អ្នកអាចជំទាស់នឹងការដំណើរការទិន្នន័យបែបនេះដូចបានរៀបរាប់នៅក្នុង ផ្នែកទី 5.6 នៅខាងក្រោមនេះ។

ការជូនដំណឹង​អំពីគោលបំណងនៃការផ្ដល់ជូន ការផ្សព្វផ្សាយការលក់ និងការធ្វើ​ទី​ផ្សារ​របស់យើង ព្រមទាំងសម្រាប់ការបង្កើត​ក្រុមគោល​ដៅរួមសម្រាប់ការធ្វើទីផ្សារផងដែរ។ ការដឹងអំពីចំណង់ចំណូលចិត្តរបស់អតិថិជន ធ្វើឲ្យយើង​អាចកំណត់គោលដៅ​នៃការផ្ដល់ជូន​របស់យើង ព្រមទាំង​ផ្ដល់ជូនផលិតផល និង​សេវាកម្មដែលបំពេញតាម​តម្រូវការ និង​ការចង់បាន​របស់អតិថិជន​របស់យើង​កាន់តែប្រសើរឡើង។ អ្នកអាចជំទាស់នឹងការដំណើរការទិន្នន័យបែបនេះដូចបានរៀបរាប់នៅក្នុង ផ្នែកទី 5.6 នៅខាងក្រោមនេះ។

យើងអាចនឹង​ដំណើរការទិន្នន័យ​ផ្ទាល់ខ្លួន​របស់​អ្នក​ស​ម្រា​ប់​​ការកំណត់​សេវាកម្មដែលមានលក្ខណៈ​ផ្ទាល់ខ្លួន​ដោយ​ផ្ដល់​ការ​ណែ​នាំ និង​​ដោយ​បង្ហាញ​កម្មវិធីដែលបានកំណត់គោលដៅ​នៅក្នុង AppGallery។ អ្នកអាចជំទាស់នឹងការដំណើរការទិន្នន័យបែបនេះដូចបានរៀបរាប់នៅក្នុង ផ្នែកទី 5.6 នៅខាងក្រោមនេះ។

ប្រសិនបើអ្នក​បាន​បើក​ការកំណត់​ការផ្សាយពាណិជ្ជកម្មតាម HUAWEI ឱ្យមាន​លក្ខណៈ​ផ្ទាល់ខ្លួន​នៅលើ​ឧបករណ៍​របស់អ្នក ប្រភេទកម្មវិធីដែលបានដំឡើងរបស់អ្នក (ដូចជាហ្គេម បណ្ដាញសង្គម កីឡា) នឹងត្រូវបានប្រើដើម្បីផ្ដល់​ការផ្សាយពាណិជ្ជកម្ម​ដែល​កាន់តែពាក់ព័ន្ធ​ដល់អ្នក​នៅលើ HUAWEI Mobile Services និង​កម្មវិធីរបស់ភាគីទីបី​ដោយប្រព័ន្ធ​ផ្សាយពាណិជ្ជកម្មតាម HUAWEI។ សម្រាប់ព័ត៌មានបន្ថែមអំពីការផ្សាយពាណិជ្ជកម្មតាម Huawei និងអំពីសិទ្ធិរបស់អ្នក សូមចុចត្រង់នេះ (https://consumer.huawei.com/ minisite/cloudservice/ad/ privacy-statement.htm?country=HK&language=km-kh) ។

គោលបំណងសន្តិសុខព័ត៌មានរួមមានការរកឃើញ ឬ​ការ​ទប់ស្កាត់​ប្រភេទ​ផ្សេងៗនៃការប្រើប្រាស់សេវាកម្មមិនត្រឹមត្រូវ និង​ការគៃបន្លំ ដើម្បីផ្ដល់ជូនសេវាកម្ម​ដែល​មាន​សុវត្ថិ​ភាព និងអាចទុកចិត្តបានដល់អ្នក។

ប្រសិនបើអ្នកបើកសេវាកម្មហ្គេមនៅក្នុងកម្មវិធីហ្គេមរបស់ភាគីទីបី និងបានផ្ដល់ការអនុញ្ញាតឱ្យកម្មវិធីទទួលទិន្នន័យសេវាកម្មហ្គេមរបស់អ្នក (ID អ្នកលេង ចំណាត់ថ្នាក់ សមិទ្ធផល និងស្ថិតិអ្នកលេង) ទិន្នន័យសេវាកម្មហ្គេមរបស់អ្នកនឹងត្រូវបានបញ្ចេញទៅកម្មវិធីហ្គេមរបស់ភាគីទីបីនោះ។ អ្នកអាច​ដកសិទ្ធិអនុញ្ញាត​បែបនេះ​បានគ្រប់ពេលវេលា​ដោយ​ចូលទៅកាន់ការកំណត់ > HUAWEI ID > មជ្ឈមណ្ឌលឯកជនភាព > គ្រប់គ្រងការចូលប្រើគណនីនៅលើឧបករណ៍របស់អ្នក។

ប្រសិនបើ​អ្នកផ្ដល់មតិនៅលើ​កម្មវិធី​ដែលមាននៅក្នុង AppGallery យើង​នឹង​បញ្ចេញ​មតិ និង​ឈ្មោះហៅក្រៅ​របស់អ្នក​ទៅ​អ្នកអភិវឌ្ឍន៍​កម្មវិធី ដើម្បី​ជួយ​កែលម្អ​សេវាកម្ម ដោយផ្អែកលើ​មតិត្រឡប់ និង​ការផ្ដល់ចំណាត់ថ្នាក់​របស់អ្នក។

នៅពេល​អ្នក​កំពុងប្រើ HUAWEI AppGallery ខណៈពេល​ចុះឈ្មោះ​ចូល​ដោយប្រើ HUAWEI ID របស់អ្នក យើងអាច​ផ្ញើ​ការជូនដំណឹងជំ​រុញ​ទៅ​ឧបករណ៍​របស់​អ្នក ដើម្បី​ជូនដំណឹង​អ្នក​អំពី​កម្មវិធី ព្រឹត្តិការណ៍ និង​សកម្មភាព​ពាក់ព័ន្ធ​នឹង​កាដូ​ដែលមានថ្មីៗ បន្ទាប់​ពី​អ្នក​បានផ្ដល់​ការយល់ព្រម​ក្នុង​កម្មវិធី AppGallery ហើយ។ អ្នក​អាច​ដក​ការយល់ព្រម​របស់អ្នក​បានគ្រប់ពេលវេលា ដោយចូលទៅកាន់ AppGallery > ខ្ញុំ > ការកំណត់ រួចបិទ ការជូនដំណឹង

យើងក៏អាចនឹង​ដំណើរការ​បរិមាណនៃការបញ្ជាទិញ​កម្មវិធី ពេល​វេលា​នៃការបញ្ជាទិញ និង​ ID នៃការបញ្ជាទិញ​របស់អ្នកសម្រាប់​គោល​បំណងផ្ញើទូរសារ និង​គណនេយ្យ​ដូចដែលតម្រូវ​​ដោយ​ច្បាប់ និងបទប្បញ្ញត្តិ​ដែល​អនុវត្ត​ចំពោះយើង។

3. តើយើងរក្សាទុកទិន្នន័យរបស់អ្នកយូរប៉ុនណា?

យើងនឹងរក្សាទុក​ទិន្នន័យផ្ទាល់ខ្លួនរបស់អ្នក​មិនឱ្យយូរជាងភាពចំាំបាច់សម្រាប់​គោលបំណង​ដែលបានកំណត់ក្នុងសេចក្ដីថ្លែងការណ៍នេះ​ឡើយ។

យើងនឹងដំណើរការ និងរក្សាទុកទិន្នន័យរបស់អ្នក​ក្នុង​រយៈពេលទាំងមូល​នៃទំនាក់ទំនង​អថិជនរបស់​អ្នកជាមួយយើង​​។ ប្រសិនបើ​អ្នក​លុប​គណនី HUAWEI ID របស់អ្នក ទិន្នន័យផ្ទាល់ខ្លួន និង​សេវាកម្ម​ទាំងអស់ពាក់ព័ន្ធ​នឹង​គណនី​របស់អ្នករួមទាំង​កម្មវិធី AppGallery នឹង​ត្រូវបាន​លុបចេញ។ ទោះជាយ៉ាងណា យើងនឹងរក្សាទុក៖

បរិមាណ​នៃការបញ្ជាទិញ​កម្មវិធី ពេលវេលា​នៃការបញ្ជាទិញ និង ID នៃការបញ្ជាទិញរយៈពេល​ប្រាំពីរ (7) ឆ្នាំ ចាប់ពី​កាលបរិច្ឆេទ​ដែល​ការបង់ប្រាក់​ត្រូវបានធ្វើឡើង។

ទិន្នន័យផ្ទាល់ខ្លួន​ដែល​ដំណើរការ​សម្រាប់​ការគ្រប់គ្រង​ទំនាក់ទំនង​អតិថិជនដូចជា សំណើ​របស់​កម្មវត្ថុទិន្នន័យ បណ្ដឹង និង​កំណត់ត្រា​អំពីអន្តរកម្ម​ជាមួយ​អតិថិជន​រយៈពេល​រហូតដល់​ប្រាំមួយ (6) ឆ្នាំ គិតចាប់ពី​អន្តរកម្មចុងក្រោយ។

ទិន្នន័យផ្ទាល់ខ្លួន​ដែល​ដំណើរការ​សម្រាប់​គោលបំណង​គ្រប់គ្រង​កិច្ចសន្យា​រយៈពេល​រហូត​ដល់​បី (3) ឆ្នាំ បន្ទាប់ពី HUAWEI ID របស់អ្នក​ត្រូវបាន​លុប។

ទិន្នន័យផ្ទាល់ខ្លួន​ដែលត្រូវបានដំណើរការ​សម្រាប់ការវិភាគ​ស្ថិតិ និង​ការអភិវឌ្ឍ​ផលិតផល​ក៏ដូចជា គោលបំណងនៃការផ្សព្វ​ផ្សាយ​ការលក់ និងការធ្វើទីផ្សារ​រយៈពេលដប់ពីរ (12) ខែបន្ទាប់ពី​កាលបរិច្ឆេទ​ប្រមូល លុះត្រាតែអ្នក​ជំទាស់នឹងការដំណើរការ​បែបនេះ។

អាសយដ្ឋាន និង​លេខទូរស័ព្ទ/អាសយដ្ឋាន​អ៊ីមែល​របស់អ្នក​រយៈពេល​មួយ (1) ឆ្នាំ បន្ទាប់ពី​រង្វាន់​ត្រូវបានផ្ញើ​ទៅអ្នក។

ការបម្រុងទុកទិន្នន័យ និងកំណត់ត្រាកម្មវិធីដែលត្រូវ​បានដំណើរ​ការ​ដើម្បី​ធានា​សន្តិសុខសេវាកម្ម និងទិន្នន័យរបស់​អ្នក​រយៈពេលរហូតដល់​ប្រាំមួយ (6) ខែគិតចាប់ពី​កាល​បរិច្ឆេទ​ដែលពួកវាត្រូវបានបង្កើត។

ប្រសិនបើអ្នកបិទសេវាកម្មហ្គេម ទិន្នន័យរបស់អ្នកនឹងត្រូវបានលុបក្នុងរយៈពេលសាមសិប (30) ថ្ងៃ លុះត្រាតែមានមូលហេតុស្របច្បាប់ដែលពាក់ព័ន្ធសម្រាប់បន្តដំណើរការទិន្នន័យដូចដែលបានរៀបរាប់ខាងលើ។ នៅពេល​កំពុងប្រើ​សេវាកម្មនេះ​នៅក្នុង​ម៉ូដ​ភ្ញៀវ ព័ត៌មាន​បណ្ដាញ និង​ព័ត៌មាន​អំពី​ការប្រើប្រាស់​របស់​អ្នក​នឹង​ត្រូវ​បាន​ដំណើរការ​រយៈពេលប្រាំពីរ (7) ថ្ងៃ។

នៅពេលរយៈពេលរក្សាទុកផុតសុពលភាព យើងនឹងលុប ឬធ្វើឱ្យ​ទិន្នន័យ​ផ្ទាល់ខ្លួន​របស់អ្នកទៅជាអនាមិកលុះត្រាតែតម្រូវផ្សេងពីនេះ​ដោយច្បាប់ និងបទប្បញ្ញត្តិជាធរមាន។

4. តើយើងចែករំលែកទិន្នន័យរបស់អ្នកដោយរបៀបណា?

យើងរក្សាទុកទិន្នន័យរបស់អ្នកនៅ​ក្នុងមជ្ឈមណ្ឌល​ទិន្នន័យដែលមាន​មូលដ្ឋាន​ស្ថិតនៅហុងកុង (ប្រទេសចិន) និងសិង្ហបុរី។

ប្រតិបត្តិការថែទាំជួសជុលរបស់យើង​អាចនឹង​តម្រូវ​ឲ្យ​យើង​ចូលប្រើ​ទិន្នន័យរបស់អ្នកពីប្រទេសឥណ្ឌា និងចិន។ លើសពីនេះ ទិន្នន័យ​របស់​អ្នក​ក៏​អាច​នឹង​ត្រូវបាន​ដំណើរការ​ដោយ​មជ្ឈមណ្ឌលថែទាំ​អតិថិជន​របស់​យើង​នៅម៉ិកស៊ិក អេហ្ស៊ីប អាហ្វ្រិកខាងត្បូង អារ៉ាប៊ីសាអ៊ូឌីត ប៉ាគីស្ថាន មីយ៉ាន់ម៉ា ឥណ្ឌា និង​ម៉ាឡេស៊ី អាស្រ័យ​លើទីតាំង​របស់អ្នក។

យើងចែករំលែកទិន្នន័យរបស់អ្នកតែ៖

នៅពេលអ្នក​ផ្ដល់មតិ​នៅលើ​កម្មវិធី​ដែលមាននៅក្នុង AppGallery មតិ ឈ្មោះហៅក្រៅ ម៉ូដែលឧបករណ៍ និងពេលវេលានៃការផ្ដល់មតិ​របស់អ្នក​នឹង​ត្រូវ​បាន​បញ្ចេញ​ទៅ​អ្នកអភិវឌ្ឍន៍​កម្មវិធី ដើម្បីកែលម្អ​សេវាកម្ម និង/ឬ​ដោះស្រាយ​បញ្ហា។

នៅពេលអ្នកបើកសេវាកម្មហ្គេម និងផ្ដល់ការអនុញ្ញាតឱ្យកម្មវិធីហ្គេមរបស់ភាគីទីបីដំណើរការព័ត៌មានសេវាកម្មហ្គេមរបស់អ្នក ID អ្នកលេង ចំណាត់ថ្នាក់ សមិទ្ធផល ការទិញ និងស្ថិតិអ្នកលេងរបស់អ្នកនឹងត្រូវបានបញ្ចេញទៅកម្មវិធីហ្គេមរបស់ភាគីទីបីនោះ ដើម្បីផ្ដល់ជូនលក្ខណៈពិសេសរបស់ហ្គេមដល់អ្នក និងកែលម្អបទពិសោធន៍លេងហ្គេមរបស់អ្នក។

នៅពេល​អ្នកជ្រើសរើសរក្សាទុកទិន្នន័យសេវាកម្មហ្គេមនៅលើ Cloud របស់អ្នក ហើយអ្នកបានប្ដូរប្រទេស/តំបន់សេវាកម្មនៅក្នុង AppGallery នោះទិន្នន័យក្នុងហ្គេមដែលអ្នកបានរក្សាទុកអាចនឹងត្រូវបានបញ្ចេញទៅក្រុមហ៊ុន​បុត្រ​សម្ព័ន្ធរបស់ Huawei ដែលផ្ដល់ជូនអ្នកនូវសេវាកម្ម Cloud និងស្ថិតនៅចិន ឬអៀរឡង់ (https://cloud.huawei.com/privacyStatementTransit) ផ្អែកលើប្រទេស/តំបន់នៃ​ការចុះឈ្មោះ HUAWEI ID របស់អ្នក។

នៅពេលមានការតម្រូវឲ្យមានការឆ្លើយតបនឹងដំណើរការច្បាប់ ឬសំណើពីអាជ្ញាធរ​មានសមត្ថកិច្ច យោងតាម​ច្បាប់ជាធរមាន ឬពាក់ព័ន្ធ​នឹង​ដំណើរការ ឬនីតិវិធីច្បាប់។

នៅពេលមានការតម្រូវ​​ជាផ្នែកមួយ​នៃការបញ្ចូល លទ្ធកម្ម ការលក់​ទ្រព្យសកម្ម (ដូចជាកិច្ចព្រមព្រៀងសេវាកម្ម) ឬការធ្វើ​អន្តរកាល​សេវាកម្ម​ទៅឱ្យ​ក្រុមហ៊ុនរបស់ Huawei ឬក្រុមហ៊ុនមួយផ្សេងទៀត។

5. តើសិទ្ធិ និងជម្រើសរបស់អ្នកមានអ្វីខ្លះ?

អ្នកមានសិទ្ធិ និងជម្រើសដូចខាងក្រោម៖

5.1 ចូលប្រើទិន្នន័យរបស់អ្នក

អ្នកអាចស្នើសុំច្បាប់ចម្លង និងការពណ៌នា​អំពី​ទិន្នន័យផ្ទាល់ខ្លួនរបស់អ្នក ដែលយើងបានប្រមូល និង​រក្សា​ទុកពាក់ព័ន្ធ​នឹង AppGallery ដោយ​ចូលទៅកាន់ការកំណត់ > HUAWEI ID > មជ្ឈមណ្ឌលឯកជនភាព > ស្នើសុំ​​ទិន្នន័យរបស់អ្នកនៅលើឧបករណ៍របស់អ្នក។

សម្រាប់សំណើ​សុំចូលប្រើ​បន្ថែម រួមទាំង​ការស្នើសុំ​ច្បាប់ចម្លង​នៃ​ទិន្នន័យ​របស់​អ្នក នៅពេល​អ្នក​កំពុងប្រើ AppGallery នៅក្នុងម៉ូដ​ភ្ញៀវ សូមទាក់ទង​មកយើង (https://consumer.huawei.com/ uk/legal/privacy-questions)។

5.2 កែតម្រូវទិន្នន័យរបស់អ្នក

ដើម្បីរក្សាទិន្នន័យរបស់អ្នកឲ្យមានបច្ចុប្បន្នភាព និង​ត្រឹមត្រូវ អ្នកអាចចូលប្រើ និង​កែតម្រូវទិន្នន័យ​របស់អ្នកបានដោយចូលទៅកាន់ការកំណត់ > HUAWEI ID

អ្នក​អាច​ចូលប្រើ និង​កែសម្រួល​ព័ត៌មាន​អំពីការដឹកជញ្ជូន​របស់អ្នក​បាន​ដោយ​ចូលទៅកាន់ AppGallery > ខ្ញុំ > ការកំណត់ > ព័ត៌មានអំពីការដឹកជញ្ជូន

5.3 ផ្ទេរទិន្នន័យរបស់អ្នក

អ្នកអាចផ្ទេរ​ទិន្នន័យ​ផ្ទាល់ខ្លួន​ដែល​អ្នក​បាន​ផ្ដល់ឱ្យ​យើងពាក់ព័ន្ធ​នឹង AppGallery ក្នុង​ទ្រង់ទ្រាយដែល​អាច​អាន​បានដោយម៉ាស៊ីន និងប្រើប្រាស់ជាទូទៅ ដោយចូលទៅកាន់ការកំណត់ > HUAWEI ID > មជ្ឈមណ្ឌលឯកជនភាព > ស្នើសុំ​​ទិន្នន័យរបស់អ្នកនៅលើឧបករណ៍របស់អ្នក។

អ្នក​ក៏​អាច​ផ្ទេរ​ទិន្នន័យ​ផ្ទាល់ខ្លួន​របស់​អ្នក​ដែល​អ្នក​បានផ្ដល់​ឱ្យ​យើង​ក្នុង AppGallery នៅពេល​កំពុងប្រើ​សេវាកម្ម​ក្នុង​ម៉ូដភ្ញៀវ ក្នុង​ទ្រង់ទ្រាយដែល​អាច​អាន​បានដោយម៉ាស៊ីន និងប្រើប្រាស់ជាទូទៅ ដោយទាក់ទង​មកយើង។

5.4 លុបទិន្នន័យរបស់អ្នកចេញ

នៅគ្រប់ពេលវេលា អ្នកអាច៖

លុបប្រវត្តិនៃការទាញយក និង​ការដំឡើង​កម្មវិធី​របស់អ្នក និង​កំណត់ត្រា​ការទិញដោយចូលទៅកាន់ AppGallery > ខ្ញុំ > ប្រវត្តិនៃការទិញ

លុប​កំណត់ត្រាកាដូ​របស់អ្នក​ដោយចូលទៅកាន់ AppGallery > ខ្ញុំ > កាដូ

លុបកម្មវិធី​នៅក្នុង​បញ្ជីប្រាថ្នា​ដោយចូលទៅកាន់ AppGallery > ខ្ញុំ > បញ្ជីប្រាថ្នា

លុប​ព័ត៌មាន​ដឹកជញ្ជូន​របស់អ្នក​បាន​ដោយ​ចូលទៅកាន់ AppGallery > ខ្ញុំ > ការកំណត់ > ព័ត៌មានអំពីការដឹកជញ្ជូន

លុបគណនី HUAWEI ID របស់អ្នក។ ជាលទ្ធផល ទិន្នន័យ​ផ្ទាល់ខ្លួន និងសេវាកម្មទាំងអស់​ដែល​ពាក់ព័ន្ធ​ជា​មួយគណនី HUAWEI ID របស់អ្នក​នឹងត្រូវ​បានលុបចេញ ព្រមទាំងទិន្នន័យ​ផ្ទាល់ខ្លួនរបស់អ្នក​នៅក្នុង AppGallery ផងដែរ។

ការជំទាស់នឹងការដំណើរការ​ទិន្នន័យ​របស់អ្នក ដូចបានរៀបរាប់​ក្នុងផ្នែកទី 5.6។ ប្រសិនបើការជំទាស់របស់អ្នកមានសុពលភាព ហើយ​យើ​ង​លែងមាន​មូលដ្ឋាន​ផ្លូវច្បាប់​ក្នុងការបន្ត​ការដំណើរការទិន្នន័យ​របស់អ្នកទៀត នោះ​យើងនឹងលុប​ទិន្នន័យពាក់ព័ន្ធ​នៅក្នុង​ការជំទាស់មានសុពលភាពរបស់អ្នកចេញ។

ទាក់ទងមកយើង (https://consumer.huawei.com/ uk/legal/privacy-questions) ប្រសិនបើ​អ្នក​គិតថា ការដំណើរការ​ទិន្នន័យ​ផ្ទាល់​ខ្លួន​របស់អ្នកគឺខុសច្បាប់ ហើយ​ទិន្នន័យ​របស់អ្នកគួរតែត្រូវបាន​លុបចេញ។

យើងនឹងលុបចេញ ឬធ្វើ​ទិន្នន័យ​ផ្ទាល់​ខ្លួន​របស់​អ្នកឲ្យទៅជាអនាមិក​ក្នុងរយៈពេល​សមហេតុផល​ដោយផ្អែកលើសកម្មភាពដែលបានបញ្ជាក់ពីមុនរបស់អ្នក ហើយស្របតាមរយៈ​ពេលរក្សា​ទុក​ ដូច​បានរៀបរាប់នៅក្នុង ផ្នែកទី 3។

5.5 ដកការយល់ព្រមរបស់អ្នក

ប្រសិនបើអ្នក​បានជ្រើសរើស​ទទួល​ការធ្វើទីផ្សារ​ដោយផ្ទាល់​តាមប្រព័ន្ធ​អេឡិចត្រូនិក​ពីយើង អ្នក​អាច​ដកការយល់ព្រមរបស់អ្នកបាន​ ដោយចូល​ទៅកាន់ AppGallery > ខ្ញុំ > ការកំណត់ រួចបិទទទួលការជូនដំណឹង

ប្រសិនបើអ្នកបានផ្ដល់ការអនុញ្ញាតឱ្យកម្មវិធីហ្គេមរបស់ភាគីទីបីទទួលព័ត៌មានសេវាកម្មហ្គេមរបស់អ្នក អ្នកអាច​ដកការយល់ព្រមរបស់អ្នកបាន ដោយចូលទៅកាន់ការកំណត់ > HUAWEI ID > មជ្ឈមណ្ឌលឯកជនភាព > គ្រប់គ្រងការចូលប្រើគណនី

5.6 ជំទាស់នឹងការដំណើរការ

ប្រសិនបើអ្នក​ចង់ជំទាស់នឹងការដំណើរការ​ទិន្នន័យរបស់អ្នក​សម្រាប់គោលបំណងដូចជាការវិភាគ ការណែនាំ ​ការអភិវឌ្ឍ ឬការលក់ និង​ការធ្វើទីផ្សារ សូមទាក់ទងមកយើង (https://consumer.huawei.com/ uk/legal/privacy-questions)។

នៅពេល​ធ្វើ​ការស្នើសុំ សូម​បញ្ជាក់​វិសាលភាព​នៃសំណើនោះ និងផ្ដល់​អាសយដ្ឋាន​អ៊ីមែល ឬ​លេខទូរស័ព្ទ​របស់​អ្នក​ដែល​អ្នក​បានប្រើ​ដើម្បី​ចុះឈ្មោះចូលទៅ HUAWEI ID របស់​អ្នក​ដល់យើង ប្រសិនបើ​អ្នក​បានប្រើ​សេវាកម្មនេះ​ក្នុង​ម៉ូដចុះឈ្មោះចូល ឬ​អង្គសម្គាល់​ឧបករណ៍​របស់​អ្នក ប្រសិនបើ​អ្នក​បាននឹងកំពុងប្រើ AppGallery ក្នុង​ម៉ូដ​ភ្ញៀវ។

យើងនឹងទាក់ទងទៅអ្នក ដើម្បី​ផ្ទៀងផ្ទាត់អត្តសញ្ញាណរបស់អ្នក​ ដើម្បីបន្ត​ដំណើរការសំណើ​របស់អ្នក។

5.7 រឹតបន្តឹងលើការដំណើរការ

ប្រសិនបើ​អ្នក​ចង់​រឹតបន្ដឹង​លើ​ការដំណើរការ​ទិន្នន័យផ្ទាល់ខ្លួន​របស់​អ្នក សូមទាក់ទងមកយើង (https://consumer.huawei.com/ uk/legal/privacy-questions)។ អ្នកមានសិទ្ធិរឹតបន្តឹងលើការដំណើរការទិន្នន័យរបស់អ្នកក្រោម​កាលៈទេសៈដូចខាងក្រោម៖

ទិន្នន័យរបស់អ្នកត្រូវបានដំណើរការដោយខុសច្បាប់ ប៉ុន្តែអ្នកមិនចង់លុបវាចេញ​ទេ។

អ្នកមានការទាមទារស្របច្បាប់ដែលអ្នកត្រូវការបង្កើត អនុវត្ត ឬការពារ ហើយអ្នកបានស្នើសុំ​ឱ្យយើងរក្សា​ទិន្នន័យរបស់អ្នក នៅពេល​យើងនឹងមិនរក្សាវា។

អ្នក​បានជំទាស់នឹង​ភាពត្រឹមត្រូវនៃ​ទិន្នន័យផ្ទាល់ខ្លួន​របស់អ្នក ហើយ​ភាពត្រឹមត្រូវ​នៃ​ទិន្នន័យ​របស់អ្នក​កំពុងរង់ចាំ​ការផ្ទៀងផ្ទាត់​របស់យើង។

សំណើសុំជំទាស់របស់អ្នកកំពុងរង់ចាំការផ្ទៀងផ្ទាត់ពីយើង។

នៅពេលធ្វើការស្នើសុំ​ សូម​បញ្ជាក់អំពីវិសាលភាព​​ និងមូល​ហេតុ​សម្រាប់​ការស្នើសុំ និង​ផ្ដល់ឲ្យយើងនូវអាសយដ្ឋាន​អ៊ីមែល ឬលេខ​ទូរស័ព្ទ​ដែល​អ្នក​បានប្រើ ដើម្បី​ចុះឈ្មោះចូលទៅ​ HUAWEI ID របស់អ្នក។

យើងនឹងទាក់ទងទៅអ្នក ដើម្បី​ផ្ទៀងផ្ទាត់អត្តសញ្ញាណរបស់អ្នក​ ដើម្បីបន្ត​ដំណើរការសំណើ​របស់អ្នក។

6. តើត្រូវទាក់ទងមកយើងដោយរបៀបណា?

អ្នកអាចរកមើលការណែនាំអំពីរបៀបប្រើប្រាស់សិទ្ធិជាកម្មវត្ថុទិន្នន័យរបស់អ្នកបាននៅក្នុងផ្នែកទី 5។ ប្រសិនបើអ្នកមានសំណួរ មតិ ឬយោបល់ទាំងឡាយ​អំពីសិទ្ធិជាកម្មវត្ថុទិន្នន័យ​របស់អ្នក ឬការដំណើរការទិន្នន័យផ្ទាល់ខ្លួនរបស់អ្នកដោយយើង ឬ​ប្រសិនបើ​អ្នក​ចង់​ទាក់​ទង​មក​មន្ត្រី​ការពារ​ទិន្នន័យ​របស់​យើង សូមទាក់ទងមកយើង (https://consumer.huawei.com/ uk/legal/privacy-questions)។

អាសយដ្ឋានការិយាល័យកណ្ដាល​របស់យើង៖ Huawei Services (Hong Kong) Co., Limited, Room 03, 9/F, Tower 6, the Gateway, No. 9 Canton Road, Tsim Sha Tsui, Kowloon, ហុងកុង។ លេខចុះបញ្ជី 1451551។

ប្រសិនបើអ្នកជឿថា យើងមិនដំណើរការទិន្នន័យផ្ទាល់​ខ្លួនរបស់អ្នក​ដោយ​អនុលោមតាមសេចក្តីថ្លែងការណ៍​នេះ ឬ​ច្បាប់​ស្ដីពីការ​ការពារទិន្នន័យ​ជាធរមានទេ អ្នកអាច​ដាក់​បណ្តឹងទៅអាជ្ញាធរការពារទិន្នន័យនៅក្នុងប្រទេស/តំបន់របស់អ្នក ឬស្នង​ការការពារទិន្នន័យនៅហុងកុង។

7. តើយើងធ្វើបច្ចុប្បន្នភាពសេចក្តីថ្លែងការណ៍នេះដោយរបៀបណា?

យើងលើកទឹកចិត្តឱ្យអ្នកពិនិត្យរកមើលកំណែចុងក្រោយបង្អស់នៃ​សេចក្តីថ្លែងការណ៍នេះ​ជាទៀងទាត់នៅក្នុង​​ការកំណត់​កម្មវិធី ដោយសារតែយើងអាចធ្វើបច្ចុប្បន្នភាព​វាតាម​ពេលសមរម្យ។ ក្នុងករណីដែលមានការផ្លាស់ប្ដូរជាសារវន្តមកលើសេចក្ដីថ្លែងការណ៍នេះ យើងនឹងជូនដំណឹងដល់អ្នកជាមុនតាមវិធីនានាដូច​ជា ប្រអប់សន្ទនានៃការជូនដំណឹង សារជំរុញ អ៊ីមែលជាដើម អាស្រ័យទៅតាម​លក្ខណៈនៃការ​ផ្លាស់ប្ដូរ។

បង្ហាញ​ច្រើន​ទៀត