Заява аб AppGallery і прыватнасці

Апошняе абнаўленне: студзень 2020 года

AppGallery — гэта сэрвіс, які забяспечваецца Huawei Services (Hong Kong) Co., Limited даччынай кампаніяй Huawei, зарэгістраванай у Ганконгу (тут і далей — «мы», «нас» або «наш»). Гэты сэрвіс прадстаўляе платформу для распаўсюджвання, дзе вы можаце атрымліваць доступ да бясплатных і платных праграм, праглядаць і спампоўваць іх, а таксама кіраваць імі.

Гэта Заява апісвае наступнае:

1. Якія даныя пра вас мы збіраем?

2. Як мы выкарыстоўваем вашы даныя?

3. Як доўга мы захоўваем вашы даныя?

4. Як мы дзелімся вашымі данымі?

5. Якія ў вас ёсць правы і магчымасці?

6. Як з намі звязацца?

7. Як мы абнаўляем гэту Заяву?

1. Якія даныя пра вас мы збіраем?

У рамках сэрвісу AppGallery мы будзем збіраць і выкарыстоўваць вашы асабістыя даныя толькі ў мэтах, вызначаных у гэтай Заяве. Да асабістых даных адносіцца любая інфармацыя, якая дазваляе ідэнтыфікаваць вас як карыстальніка.

Мы будзем збіраць і апрацоўваць наступныя даныя:

Інфармацыя ўліковага запісу HUAWEI ID: імя ўліковага запісу (адрас электроннай пошты ці нумар тэлефона), выява профілю, псеўданім, дата нараджэння, краіна/рэгіён, ідэнтыфікатар уліковага запісу і токен сэрвісу ідэнтыфікатара ўліковага запісу.

Інфармацыя аб прыладзе: ідэнтыфікатар прылады (напрыклад, серыйны нумар, UDID або IMEI у залежнасці ад версіі сістэмы прылады), моўныя налады, мадэль прылады, версія аперацыйнай сістэмы і ROM, памер і раздзяляльнасць экрана, мабільны код краіны, краіна дастаўкі.

Інфармацыя аб сетцы: IP-адрас, тып сеткі і стан падключэння да сеткі.

Інфармацыя аб выкарыстанні сэрвісу: нумар версіі AppGallery і крыніца спампавання, працягласць выкарыстання праграмы, націскі і час прагляду ў праграме, гісторыя пошуку ў праграме, гісторыя і вынікі спампавання і ўстаноўкі праграм, вынікі ўваходу ў праграму, інфармацыя аб устаноўленых праграмах (напрыклад, катэгорыі і версіі), спіс выдаленых праграм, сума заказу пакупкі ў праграме, час заказу, ідэнтыфікатар заказу, спіс устаноўленых праграм, запісы аб узнагародах карыстальніка (падарунках), каментарыі да праграм, запіс аб падпісанні пагаднення з карыстальнікам, ідэнтыфікатар рэкламнага канала праграмы, спасылка на вэб-старонку праграмы і праграмы для кіравання спісамі жаданняў.

Інфармацыя аб Гульнявых сэрвісах: ідэнтыфікатар гульца, рангі, дасягненні, гульнявая статыстыка і даныя аб выкарыстанні гульні, якія мы атрымліваем ад пастаўшчыка праграмы, пакуль вы гуляеце.

Калі вы выйграеце прыз у адной з рэкламных акцый HUAWEI AppGallery, адрас дастаўкі і нумар тэлефона (або адрас электроннай пошты) неабходна будзе апрацаваць, каб даставіць вам прыз.

Калі вы выкарыстоўваеце HUAWEI AppGallery у рэжыме наведвальніка (не выконваючы ўваход праз уліковы запіс Huawei ID), будуць збірацца і апрацоўвацца наступныя даныя:

Інфармацыя аб прыладзе: ідэнтыфікатар прылады (напрыклад, серыйны нумар, UDID або IMEI у залежнасці ад версіі сістэмы вашай прылады), моўныя налады, тып прылады, версія аперацыйнай сістэмы прылады і версія ROM, памер і раздзяляльнасць экрана, краіна дастаўкі.

Інфармацыя аб сетцы: IP-адрас, мабільны код краіны (MCC), код сеткі мабільнай сувязі (MNC), тып сеткі і стан падключэння да сеткі

Інфармацыя аб выкарыстанні сэрвісу: нумар версіі AppGallery, час адкрыцця і закрыцця праграмы, націсканні, час прагляду, гісторыя пошуку ў праграме, гісторыя спампавання і ўстаноўкі праграм, інфармацыя аб ўстаноўленых праграмах (напрыклад, катэгорыі і версіі), спіс устаноўленых праграм, журналы, у тым ліку журналы памылак, ідэнтыфікатар рэкламнага канала праграмы, спасылка на вэб-старонку праграмы і запіс аб падпісанні пагаднення з карыстальнікам.

Каб забяспечваць вам неабходныя сэрвісы, AppGallery патрабуюцца дазволы на доступ да тэлефона для атрымання інфармацыі аб прыладзе, а таксама да сховішча — для кіравання ўстановачнымі пакетамі. Вы таксама можаце кіраваць дазволамі ў наладах прылады.

2. Як мы выкарыстоўваем вашы даныя?

Для забеспячэння сэрвісаў AppGallery і выканання кантрактных абавязацельстваў мы павінны збіраць вашы асабістыя даныя, каб вы маглі атрымліваць доступ да сваіх праграм, праглядаць і спампоўваць іх, кіраваць імі і карыстацца функцыямі, звязанымі з гульнямі. Гэта таксама дазваляе нам апрацоўваць вашы даныя для ідэнтыфікацыі, кіравання ўзаемадзеяннем з кліентамі і ўрэгулявання спрэчак, падтрымкі і камунікацыі, вырашэння скарг ад кліентаў, тэхнічнай падтрымкі, абнаўлення сістэмы, дыягностыкі і выпраўлення няспраўнасцей.

Акрамя таго, з вашай згоды мы выкарыстоўваем вашы асабістыя даныя ў наступных мэтах:

Мэты аналізу і развіцця, у тым ліку стварэнне агрэгаваных груп на падставе актыўнасці груп карыстальнікаў. Гэта таксама дазваляе нам лепш разумець патрэбы карыстальнікаў, павышаць якасць існуючых і будучых сэрвісаў і прапаноў, паляпшаць уражанні ад іх выкарыстання і ажыццяўляць ацэнку эфектыўнасці рэкламных кампаній і акцый. Вы можаце пярэчыць супраць такой апрацоўкі даных, як апісана ў раздзеле 5.6 ніжэй.

Камунікацыя наконт нашых прапаноў, маркетынгавых акцый і маркетынгавых мэт, а таксама стварэнне агрэгаваных мэтавых груп у маркетынгавых інтарэсах. Веданне пераваг кліентаў дазваляе нам накіроўваць прапановы і прапаноўваць тыя прадукты і сэрвісы, якія найлепшым чынам адпавядаюць патрэбам нашых кліентаў. Вы можаце пярэчыць супраць такой апрацоўкі даных, як апісана ў раздзеле 5.6 ніжэй.

Мы можам апрацоўваць вашы асабістыя даныя для персаналізацыі сэрвісаў праз стварэнне рэкамендацыі і праз адлюстраванне таргетаваных праграм у AppGallery. Вы можаце пярэчыць супраць такой апрацоўкі даных, як апісана ў раздзеле 5.6 ніжэй.

Калі вы ўключылі персаналізацыю Рэкламы HUAWEI на сваёй прыладзе, катэгорыі ўстаноўленых у вас праграм (напрыклад, гульні, сацыяльныя сеткі, спорт) будуць выкарыстоўвацца платформай Рэкламы HUAWEI для таго, каб прапаноўваць вам у мабільных сэрвісах HUAWEI і старонніх праграмах рэкламу, якая лепей адпавядае вашым інтарэсам. Каб атрымаць больш падрабязную інфармацыю аб Рэкламе HUAWEI і вашых правах, націсніце сюды (https://consumer.huawei.com/ minisite/cloudservice/ad /privacy-statement.htm?country=HK&language=be-by).

Мэты інфармацыйнай бяспекі, у тым ліку выяўленне або прадухіленне розных тыпаў выкарыстання сэрвісаў не па прызначэнні і махлярства, для прадстаўлення бяспечных і надзейных сэрвісаў.

Калі вы ўключаеце Гульнявыя сэрвісы ў гульне старонняга распрацоўшчыка і дазваляеце праграме атрымліваць даныя Гульнявых сэрвісаў (ідэнтыфікатар гульца, рангі, дасягненні і гульнявую статыстыку), даныя Гульнявых сэрвісаў будуць раскрывацца старонняй гульне. Вы можаце ў любы час адклікаць гэты дазвол, для гэтага прайдзіце на прыладзе ў меню «Налады > HUAWEI ID > Цэнтр прыватнасці > Кантраляваць доступ да ўліковага запісу».

Калі вы пакідаеце каментарый аб праграме, даступнай у AppGallery, мы будзем раскрываць змест каментарыя і ваш псеўданім распрацоўшчыку праграмы, каб дапамагчы палепшыць сэрвіс на падставе вашых водгукаў і ацэнак.

Калі вы выкарыстоўваеце HUAWEI AppGallery, выканаўшы ўваход з дапамогай HUAWEI ID, мы можам адпраўляць push-апавяшчэнні на вашу прыладу, каб паведамляць вам пра новыя даступныя праграмы, падзеі і дзеянні, звязаныя з падарункамі, пасля таго як вы далі адпаведную згоду ў праграме AppGallery. Вы можаце ў любы час адклікаць сваю згоду. Для гэтага прайдзіце ў меню «AppGallery > Я > Налады» і адключыце «Атрымліваць апавяшчэнні».

Мы таксама можам апрацоўваць суму заказу пакупкі ў праграме, час заказу і ідэнтыфікатар заказу для мэт бухгалтарскіх разлікаў і падаткаабкладання ў адпаведнасці з заканадаўствам, якому вы падпарадкоўваецеся.

3. Як доўга мы захоўваем вашы даныя?

Мы будзем захоўваць вашы асабістыя даныя толькі на тэрмін, неабходны ў мэтах, вызначаных у гэтай Заяве.

Мы будзем апрацоўваць і захоўваць даныя на працягу ўсяго тэрміну ўзаемаадносін з кліентам. Калі вы выдаліце ўліковы запіс HUAWEI ID, усе асабістыя даныя і сэрвісы, звязаныя з вашым уліковым запісам, уключаючы праграму AppGallery, будуць выдалены. Тым не менш, мы захаваем:

Суму заказу пакупкі ў праграме, час заказу і ідэнтыфікатар заказу — на 7 (сем) гадоў пасля выканання плацяжу.

Асабістыя даныя, якія апрацоўваюцца з мэтай кіравання ўзаемаадносінамі з кліентамі, напрыклад, запыты суб’екта даных, прэтэнзіі і запісы аб узаемадзеянні з кліентамі, — на перыяд да 6 (шасці) гадоў з даты апошняга ўзаемадзеяння.

Асабістыя даныя, якія апрацоўваюцца ў мэтах кіравання кантрактамі, — на перыяд да 3 (трох) гадоў пасля выдалення HUAWEI ID.

Асабістыя даныя, якія апрацоўваюцца для мэт статыстычнага аналізу і распрацоўкі, а таксама рэкламных акцый і маркетынгавых мэт, — на перыяд да 12 (дванаццаці) месяцаў з моманту збору, калі вы не адмовіліся ад такой апрацоўкі.

Ваш адрас і нумар тэлефона (або адрас электроннай пошты) — на 1 (адзін) год пасля адпраўкі вам прыза.

Рэзервовыя копіі даных і журналы праграм, якія апрацоўваюцца для гарантавання бяспекі вашых даных і сэрвісаў, — на перыяд да 6 (шасці) месяцаў з моманту стварэння.

Калі вы адключыце Гульнявыя сэрвісы, вашы даныя будуць выдалены на працягу 30 (трыццаці) дзён, калі няма адпаведных законных падстаў працягваць апрацоўку даных, як апісана вышэй. Пры выкарыстанні сэрвісу ў рэжыме наведвальніка інфармацыя аб сетцы і выкарыстанні будзе апрацоўвацца на працягу 7 дзён.

Адразу пасля заканчэння перыяду захоўвання мы выдалім або зробім ананімнымі вашы асабістыя даныя, калі іншае не патрабуецца дзеючым заканадаўствам ці правіламі.

4. Як мы дзелімся вашымі данымі?

Вашы даныя захоўваюцца ў цэнтрах апрацоўкі даных, размешчаных у Ганконгу (Кітай) і Сінгапуры.

Для выканання работ па тэхнічным абслугоўванні нам можа спатрэбіцца атрымаць доступ да вашых даных з Індыі і Кітая. Акрамя таго, вашы даныя таксама могуць апрацоўвацца нашымі лакальнымі цэнтрамі абслугоўвання кліентаў, напрыклад, у Мексіцы, Егіпце, Паўднёва-Афрыканскай Рэспубліцы, Саудаўскай Аравіі, Іране, Пакістане, М’янме, Індыі і Малайзіі ў залежнасці ад краіны, дзе вы знаходзіцеся.

Мы дзелімся вашымі данымі толькі ў наступных выпадках:

Калі вы пакідаеце каментарый аб праграме, даступнай у AppGallery, то ваш каментарый, псеўданім, мадэль прылады і час каментарыя будуць раскрывацца распрацоўшчыку праграмы для паляпшэння сэрвісу і (або) выпраўлення праблем.

Калі вы ўключаеце Гульнявыя сэрвісы і даяце старонняй гульне дазвол на апрацоўку інфармацыі Гульнявых сэрвісаў, то ідэнтыфікатар гульца, рангі, дасягненні, пакупкі і гульнявая статыстыка будуць раскрывацца старонняй гульнявой праграме для таго, каб прадстаўляць вам функцыі, звязаныя з гульнёй, і паляпшаць вашы ўражанні ад выкарыстання.

Калі вы выбераце захоўваць даныя Гульнявых сэрвісаў у воблаку і пераключыце краіну або рэгіён сэрвісу ў AppGallery, то гульнявыя даныя, якія вы захавалі, могуць раскрывацца даччыным кампаніям Huawei, якія забяспечваюць працу воблачных сэрвісаў і знаходзяцца ў Кітаі або Ірландыі (https://cloud.huawei.com/privacyStatementTransit) ў залежнасці ад краіны або рэгіёна рэгістрацыі вашага HUAWEI ID.

Па неабходнасці ў рамках судовага працэсу або ў адказ на запыт кампетэнтнага органа ў адпаведнасці з дзеючым заканадаўствам, а таксама ў сувязі з судовым працэсам.

Па неабходнасці пры аб’яднанні, набыцці, продажы актываў (напрыклад, па сэрвісных пагадненнях) або пры пераходзе абслугоўвання да кампаніі групы Huawei або іншай кампаніі.

5. Якія ў вас ёсць правы і магчымасці?

Вы маеце наступныя правы і магчымасці:

5.1 Атрымліваць доступ да вашых даных

Вы можаце запытаць копію і апісанне сваіх асабістых даных, сабраных і захаваных намі ў сувязі з выкарыстаннем вамі AppGallery. Для гэтага на прыладзе прайдзіце ў меню «Налады > HUAWEI ID > Цэнтр прыватнасці > Запытаць свае даныя».

Каб дадаткова запытаць доступ, у тым ліку запытаць копію вашых даных, падчас выкарыстання AppGallery у рэжыме наведвальніка, звяжыцеся з намі (https://consumer.huawei.com/ uk/legal/privacy-questions).

5.2 Змяняць вашы даныя

Для падтрымання актуальнасці і дакладнасці вашых даных вы можаце атрымаць да іх доступ і рэдагаваць іх. Для гэтага на прыладзе прайдзіце ў меню «Налады > HUAWEI ID».

Вы можаце атрымаць доступ да інфармацыі аб дастаўцы і змяняць яе. Для гэтага прайдзіце ў меню «AppGallery > Я > Налады > Інфармацыя аб дастаўцы».

5.3 Перадаваць вашы даныя

Вы можаце перадаваць свае асабістыя даныя, прадстаўленыя нам у сувязі з выкарыстаннем AppGallery, у папулярным і чытэльным для машыны фармаце. Для гэтага на прыладзе прайдзіце ў меню «Налады > HUAWEI ID > Цэнтр прыватнасці > Запытаць свае даныя».

Каб перадаць асабістыя даныя, якія вы паведамілі нам у AppGallery, выкарыстоўваючы сэрвіс у рэжыме наведвальніка, у папулярным і чытэльным для машыны фармаце, звяжыцеся з намі.

5.4 Выдаляць вашы даныя

Вы можаце ў любы час:

Выдаліць гісторыю спампавання і ўстаноўкі праграм, а таксама запісы аб пакупках у меню «AppGallery > Я > Гісторыя пакупак».

Выдаліць запісы аб падарунках у меню «AppGallery > Я > Падарункі».

Выдаліць праграмы са спіса жаданняў у меню «AppGallery > Я > Спіс жаданняў».

Выдаліць інфармацыю аб дастаўцы можна ў меню «AppGallery > Я > Налады > Інфармацыя аб дастаўцы».

Выдаліць свой уліковы запіс HUAWEI ID. У выніку ўсе асабістыя даныя і сэрвісы, звязаныя з вашым уліковым запісам HUAWEI ID, будуць сцёрты, уключаючы вашы асабістыя даныя ў AppGallery.

Пярэчыць супраць апрацоўкі даных, як апісана ў раздзеле 5.6. Калі ваша аспрэчванне абгрунтавана і ў нас больш няма законных падстаў працягваць апрацоўку, мы сатром адпаведныя даныя, закранутыя аспрэчваннем.

Звяжыцеся з намі (https://consumer.huawei.com/ uk/legal/privacy-questions), калі вы лічыце, што апрацоўка вашых асабістых даных незаконная і яны павінны быць сцёрты.

Пры неабходнасці мы выдалім ці зробім ананімнымі вашы асабістыя даныя ў абгрунтаваны перыяд часу, на аснове вашых папярэдніх дзеянняў і ў адпаведнасці з перыядамі захоўвання, вызначанымі ў раздзеле 3.

5.5 Адклікаць згоду

Калі вы пагадзіліся атрымліваць электронныя паведамленні прамога маркетынгу ад нас, то можаце адклікаць сваю згоду, для гэтага на прыладзе прайдзіце ў меню «AppGallery > Я > Налады» і адключыце «Атрымліваць апавяшчэнні».

Калі вы дазволілі старонняй гульнявой праграме атрымліваць інфармацыю Гульнявых сэрвісаў, то можаце адклікаць сваю згоду. Для гэтага прайдзіце ў меню «Налады > HUAWEI ID > Цэнтр прыватнасці > Кантраляваць доступ да ўліковага запісу».

5.6 Пярэчыць супраць апрацоўкі

Калі вы хочаце пярэчыць супраць апрацоўкі сваіх даных у мэтах аналізу, стварэння рэкамендацый, развіцця або продажаў і маркетынгу, звяжыцеся з намі (https://consumer.huawei.com/ uk/legal/privacy-questions).

Перад адпраўкай запыту вызначыце яго аб’ём і паведаміце адрас электроннай пошты або нумар тэлефона, якімі вы карысталіся для ўваходу ў HUAWEI ID (калі для карыстання сэрвісам вы выканалі ўваход), або ідэнтыфікатар прылады (калі вы карысталіся AppGallery у рэжыме наведвальніка).

Мы звяжамся з вамі, каб праверыць вашу асобу для апрацоўкі запыту.

5.7 Абмежаваць апрацоўку

Калі вы хочаце абмежаваць апрацоўку сваіх асабістых даных, звяжыцеся з намі (https://consumer.huawei.com/ uk/legal/privacy-questions). Вы маеце права патрабаваць абмежавання апрацоўкі сваіх даных у наступных абставінах:

Вашы даныя апрацоўваюцца незаконна, але вы не хочаце выдаляць іх.

У вас ёсць іскавая заява, якую вам трэба падаць, выканаць або абараніць, і вы прасілі нас захоўваць вашы даныя, якія мы б не захоўвалі ў іншым выпадку.

Вы паставілі пад сумненне дакладнасць сваіх асабістых даных, і цяпер яна чакае нашай праверкі.

Ваш запыт на аспрэчванне падлягае нашай праверцы.

Пры выкананні запыту вызначыце яго аб’ём і падставы і паведаміце адрас электроннай пошты ці нумар тэлефона, якімі вы карысталіся для ўваходу ў HUAWEI ID.

Мы звяжамся з вамі, каб праверыць вашу асобу для апрацоўкі запыту.

6. Як з намі звязацца?

Інструкцыю аб тым, як выконваць вашы правы як суб’екта даных, можна знайсці ў раздзеле 5. Калі ў вас ёсць пытанні, каментарыі або прапановы аб вашых правах як суб’екта даных або аб апрацоўцы вашых асабістых даных, ці калі вы хочаце звярнуцца да нашага ўпаўнаважанага па абароне даных, звяжыцеся з намі (https://consumer.huawei.com/ uk/legal/privacy-questions).

Адрас нашага галоўнага офіса: Huawei Services (Hong Kong) Co., Limited, Room 03, 9/F, Tower 6, the Gateway, No. 9 Canton Road, Tsim Sha Tsui, Kowloon, Hong Kong. Рэгістрацыйны нумар 1451551.

Калі вы лічыце, што мы не апрацоўваем вашы асабістыя даныя ў адпаведнасці з гэтай Заявай або дзеючым заканадаўствам па абароне даных, вы можаце падаць скаргу ў орган па абароне даных у вашай краіне ці рэгіёне або ўпаўнаважанаму па прыватнасці асабістых даных у Ганконгу.

7. Як мы абнаўляем гэту Заяву?

Мы рэкамендуем рэгулярна правяраць апошнюю версію гэтай Заявы ў наладах праграмы, таму што час ад часу мы яе абнаўляем. У выпадку ўнясення істотных змен у гэту Заяву мы апавясцім вас загадзя з дапамогай дыялогавага акна, push-паведамлення, электроннай пошты і г. д. у залежнасці ад характару змены.

Паказаць больш