Whakaaetanga Kaiwhakamahi a AppGallery
Whakahōunga whakamutunga: Hereturikōkā 2019
1. Mō Mātou
E whakahaerehia ana te taupānga pūkoro AppGallery me ngā hāngai hangarau me ngā taumahinga hāngai me ana hangarau, taumahinga hāngai (huihui katoa, ko "Ngā Ratonga") e Huawei Services (Hong Kong) Co., Limited (ka kīia mai i konei ko "Huawei", ko "mātou" rānei) he kamupene i manatōpūtia i raro i ngā ture o Hongipua, me tana tari rēhita i te Rūma 03, 9/F, Tower 6, the Gateway, No. 9 Canton Road, Tsim Sha Tsui, Kowloon, Hongipua. me te tau kamupene 1451551. I roto i tēnei Whakaaetanga (e tautohua ana i raro), e kōrero ana "koe" me te "kaiwhakamahi" ki ngā tāngata e whakamahi ana, e uru atu hoki/rānei ki Ngā Ratonga.
2. Te Kaupapa o tēnei Aratohu
Ko tēnei whakaaetanga kaiwhakamahi, tā mātou tauākī tūmataitinga me ētahi atu kaupapahere i whakaputaina, i whakawāteahia mai rānei mā, e pā ana rānei ki Ngā Ratonga (huihui katoa, ko tēnei "Whakaaetanga") ko ngā ture me ngā here e hāngai ana ki a koe mō tō whakamahi, me te uru atu, ki Ngā Ratonga.
Ka taea e koe te tā mātou tauākī tūmataitinga te tiro mā te haere ki Ahau > Mō i AppGallery.
E whakamōhio ana tēnei Whakaaetanga ki a koe ko wai mātou, ka pēhea tā mātou tuku i ngā Ratonga ki a koe, he aha ngā mahinga e whakaaetia ana, kāore e whakaaetia ana rānei, e pā ana rānei ki ngā Ratonga, ka aha mēnā he raruraru ratonga, me ētahi atu mōhiohio hira. Mā te uru atu, te whakamahi rānei i Ngā Ratonga, kei te whakauru atu koe ki tētahi whakaaetanga mana ā-ture me mātou, ā, e whakaae ana koe ki tēnei Whakaaetanga. Ki te kore koe e whakaae ki tēnei Whakaaetanga, kaua rawa koe e uru atu, e whakamahi rānei i Ngā Ratonga.
3. Āheitanga
Me pakeke atu koe i te taipakeke e tika ana mō te mana ā-ture e noho ana koe hei whakauru ki tētahi kirimana (ka kīia mai i konei ko te "Taipakeke Kirimana"). Ko ngā tangata kāore anō kia tae ki te Taipakeke Kirimana, i raro iho rānei ki te whakamahi i ngā ratonga a Huawei engari me hanga e ō rātou mātua, kaitiaki rānei he pūkete tamariki mā rātou me te whakaae ki te Reta Whakaaetanga mō te pūkete HUAWEI ID.
Mēnā he pakeke atu koe i te Taipakeke Kirimana, mēnā rānei ko koe te matua, kaitiaki ā-ture rānei o tētahi tamaiti i hangaia e koe he pūkete tamaiti māu, e whakaae ana koe ka:
(a) Ka herekore, mutunga-kore hoki te whakaū kia tutuki ngā herenga katoa i roto i te Whakaaetanga;
(b) Me utu i ngā moni katoa e tika ana ki a Huawei i raro, e ai rānei ki te Whakaaetanga; me
(c) Hei herenga motuhake, matua hoki, e whakaae anō koe ka inihua herekoretia e koe, ā, tē taea te takahuri, i a Huawei mō ngā hapanga, utu, whakapaunga, kerēme, taunahatanga rānei ka pā mai, i whakapipia rānei e Huawei nā tō kore i ū ki ō herenga i raro i tētahi, te katoa rānei o ngā ture, tō kōpaetanga rānei.
E whakaae anō koe ko ō herenga hei kaiwhakaoati, hei kaiinihua hoki ko ērā o tētahi tangata here matua, ā, kei reira ēnei ahakoa ka koremana te katoa, he wāhanga rānei, tē taea rānei te Whakaatanga te uruhi.
E whakaae anō koe kāore he pānga ki ō taunahatanga hei kaiwhakaoati me te kaiinihua, kāore hoki/rānei e wetekia mai i koe nā tētahi o ēnei: (a) te whakakore, whakarerekē, tuku mana, whakakapi ki taha kē, te tuku mana rānei nā mātou mō ō mātou tika katoa, ētahi rānei, me ngā herenga hoki/rānei kei te Whakaaetanga; (b) te whakakore, tuku rānei i te wā e Huawei i raro i te Whakaaetanga; (c) te kerēme, uruhi rānei i te utunga a Huawei; (d) te whakarite me tētahi rōpū kē; (e) te mahi, te mahue ki waho rānei e whai pānga pea (he wāhanga, te katoa rānei), te tuku hoki/rānei i ō taunahatanga i raro i te Whakaaetanga; (f) te kore e tutuki i a koe ō mana te utu i te wā e tika ana; (g) ngā whakaaturanga ki a koe mai i a Huawei e ai ki te tukutanga o ō herenga i raro i te Whakaaetanga ahakoa te katoa, he wāhanga rānei, ngā whakaaturanga ki a koe e pā ana ki te whai taunga e ai ki ō taunahatanga, ahakoa te katoa, he wāhanga rānei, me (h) tō matenga.
4. Te uru atu ki Ngā Ratonga
Ka tukuna atu ki a koe he raihana whāiti, tāuke-kore, whakawhiti-kore, tuku-kore, ā, ka taea te whakakore hei uru atu me te whakamahi i Ngā Ratonga, e ai ki, me te ū hoki ki tēnei Whakaaetanga.
Hei uru atu, whakamahi rānei i Ngā Ratonga, me mātua whai koe i tētahi HUAWEI ID. Mō ngā taipitopito atu anō mō tō HUAWEI ID, huaki HUAWEI ID ka haere ki Ngā tautuhinga > Mō > Whakaaetanga Kaiwhakamahi HUAWEI ID.
5. Ngā Ratonga
Ka tukuna e Ngā Ratonga te kaiwhakamahi e whakamahi ana i a AppGallery ki te hoko, te tikiake taupānga hoki/rānei i hangaia e Huawei, e ngā kaiwhakawhanake rōpū kē rānei ("Ngā Kaiwhakawhanake").
Ka tukuna pea koe e Huawei ki te tikiake taupānga mō te koreutu, ā, me utu rānei koe mō te taupānga, ka mutu kei te taha te utu taupānga i te taupānga i roto i a AppGallery.
Ina hoko koe, tikiake hoki/rānei i tētahi taupānga mai i AppGallery, ka whiwhi (raihana) i a koe
(a) Mai i a Huawei tonu, mō ngā taupānga anake i waihangatia e Huawei, tērā rānei
(b) Mai i tētahi Kaiwhakawhanake.
E whakaae ana koe ka herea koe ki te whakauru ki ngā whakaaetanga wehe kē (pērā i tētahi Whakaaetanga Raihana Kaiwhakamahi, "EULA", ētahi atu whakaaetanga rānei) me Huawei, Ngā Kaiwhakawhanake hoki/rānei hei tikiake me te whakamahi i ā mātou/rātou taupānga e wātea ana i AppGallery. E raihanatia ana ngā taupānga katoa ki ngā Kaiwhakamahi, kāore i te hokona.
6. Ngā Ratonga Rōpū Kē
Mā te whakamahi i ngā taupānga me ngā ratonga rōpū kē mā Ngā Ratonga, e āhukahuka ana koe kei te whakauru atu koe ki tētahi kirimana me ngā kaiwhakawhanake rōpū kē (i konei ka kīia ko te "Kaiwhakawhanake") hei tuku taupānga, ā, mōu te whakaaetanga ratonga, te whakaaetanga raihana kaiwhakamahi ("EULA") hoki/rānei i whakatauhia e te Kaiwhakawhanake. Kāore a Huawei i roto i te EULA i waenga i a kōrua ko te Kaiwhakawhanake. E tino tūtohu ana mātou kia āta pānuitia e koe ngā ihirangi o ngā whakaaetanga Kaiwhakawhanake, ngā EULA me ngā kaupapahere tūmataitinga. Kāore a Huawei i te āhei, te herea rānei ki te whakahaere, whakamātau rānei i ngā ihirangi o ngā taupānga me ngā ratonga Kaiwhakawhanake, ā, nō reira kāore he taunaha ki te takahia ō motika nā tō whakamahi i ērā.
Kāore i a Huawei te kawenga mō ngā ihirangi, te wāteatanga rānei o ngā taupānga, ratonga rānei a te Kaiwhakawhanake, ā, kāore hoki i a ia te kawenga, ahakoa pēhea, mō ngā ihirangi, pānui hokohoko, hua, ratonga, ētahi atu rauemi rānei kua whakawāteahia mai e ngā Kaiwhakawhanake. Ki te mea kāore koe e ū ki tēnei Whakaaetanga, ngā EULA a te Kaiwhakawhanake rānei, ngā whakaaetanga, ngā kaupapahere tūmataitinga hoki/rānei, ka taea e te Kaiwhakawhanake ki te kōkiri i a koe ki te ture, ā, ka whakaritea pea a Huawei ki te āwhina i te Kaiwhakawhanake, ngā mana kāwanatanga hoki/rānei. Kei runga i a koe te kawenga whānui ā-ture i aua āhuatanga me te inihua, ā, kāore a Huawei e raru e ai ki ngā ngaronga, makeretanga, kerēme rānei ki a mātou.
Ko ngā wenewene ka pupū ake i te tikiake, ko te tuku raihana, te whakamahi hoki / rānei i ngā taupānga Kaiwhakawhanake. Nō reira, kāore he kawenga o Huawei. Kāore a Huawei e tuku tautoko kiritaki mō ngā pūmanawa rōpū kē, hangarau rānei. Mēnā e hiahia tautoko ana koe, me whakapā atu ki te Kaiwhakawhanake.
Kei tēnā Kaiwhakawhanake, kei tēnā Kaiwhakawhanake te kawenga whānui mō ā rātou taupānga, ihirangi taupānga, me ngā whakapūmau ka puta i a rātou. Ina pupū ake he wenewene, ko te pūtāhui a te kaiwhakawhanake, tētahi atu whakaaetanga hāngai rānei a te EULA, tētahi atu whakaaetanga rānei i waenga i a kōrua ko te Kaiwhakawhanake e pā ana ki taua taupānga, kei runga ake te mana o tērā i tēnei Whakaaetanga.
7. Whakaaetanga Hokotanga
Kāore he pānga o tēnei Wāhanga (Whakaaetanga Hokotanga) ki ngā taupānga koreutu.
Kei roto i te utu tapeke mō tētahi hokonga i tukuna mō Ngā Ratonga ko:
(a) Ko te utu o te taupānga, āhuahira, whakamohoa rānei;
(b) Ngā utu kāri nama hāngai; me
(c) Ngā hokonga, whakamahi, rawa me ngā ratonga ("GST"), tāpiri uara (VAT), tētahi atu tāke ōrite, i raro ture hāngai e ai ki te pāpātanga tāke i te wā o tō hokotanga mai. Ko ngā utu katoa e whakaaturia ana ki Ngā Ratonga ko ngā utu he VAT kei roto, engari ia e mārama ana te kī (ka mutu ina whakaaetia ana e te ture paetata) kāore he VAT.
E āhukahuka koe me te whakaae kei a Huawei, ngā Kaiwhakawhanake hoki/rānei te motika ki te whakahāngai i te utu mō tētahi taupānga, hokonga rō taupānga rānei, ā, me te whakamōhio atu ki a koe mō aua whakahāngai utu i te wā e tika ana i mua i te hoko taupānga. Ina mana ana tētahi whakahāngai utu, me mātua whakaae koe ki te utu hōu kia taea tonu ai te taupānga te whakamahi. Kei a koe te motika ki te whakamutu i te whakamahi i tēnei Ratonga ki te kore koe e whakaae ki tētahi whakahāngai utu hōu.
Ngā Motika Whakakorenga:
Mēnā he kainoho koe i Hapanihi, ka taea e koe tō hokonga te whakakore me te kore tuku pūtake i roto i te tekau mā whā (14) rā mai i te rā i whiwhi koe i te whakaūnga e whakaae ana mātou ki tō ota.
Kia ū ai ki te wā tatū whakakorenga, me mātua tuku atu e koe tō kōrero whakakorenga i mua i te mōnehutanga o te 14 rā. Mēnā e hiahia ana koe ki te whakakore i tō hokonga, me whakapā mai ki te Ratonga Kiritaki a Huawei. mā te whakamahi i ngā mōhiohio whakapā kei roto i tō īmēra whakaūnga. Kei a koe anō te motika ki te tono mō te whakakorenga mā te whakakī i te puka whakakorenga kei tā mātou paetukutuku.
Ina tutuki te whakakorenga, ka whakakorea e mātou te ratonga o te taupānga i hokona e koe me te whakahoki moni ki a koe i roto i te tekau mā whā (14) rā mai i te rā i whiwhi koe i te pānui whakakorenga. I tēnei wā, kāore e taea e koe te taupānga te whakamahi. Mō te whakahoki moni, ka whakamahia anō e mātou taua tikanga utu i whakamahia e koe mō te ota tuatahi, engari rawa mēnā he whakaaetanga kē tā tāua. I roto i te wā, ka whakahēhia pea e Huawei tētahi tono whakahokinga moni mēnā ka kitea e Huawei tētahi tinihanga, whakahokinga moni teka, tētahi atu whanonga rāwekeweke e āhei ai a Huawei ki te tuku pānui tautohe.
Mēnā he kainoho koe nō te Whetereihana o Rūhia, ka taea e koe tō hokonga te whakakore me te kore tuku pūtake i roto i te whitu (7) rā mai i te rā i whiwhi koe i te whakaūnga e whakaae ana mātou ki tō ota.
Kia ū ai ki te wā tatū whakakorenga, me mātua tuku atu e koe tō kōrero whakakorenga i mua i te mōnehutanga o te 7 rā. Mēnā e hiahia ana koe ki te whakakore i tō hokonga, me whakapā mai ki te Ratonga Kiritaki a Huawei. mā te whakamahi i ngā mōhiohio whakapā kei roto i tō īmēra whakaūnga. Kei a koe anō te motika ki te tono mō te whakakorenga mā te whakakī i te puka whakakorenga kei tā mātou paetukutuku.
Ina tutuki te whakakorenga, ka whakakorea e mātou te ratonga o te taupānga i hokona e koe me te whakahoki moni ki a koe i roto i te tekau (10) rā mai i te rā i whiwhi koe i te pānui whakakorenga. I tēnei wā, kāore e taea e koe te taupānga te whakamahi. Mō te whakahoki moni, ka whakamahia anō e mātou taua tikanga utu i whakamahia e koe mō te ota tuatahi, engari rawa mēnā he whakaaetanga kē tā tāua. I roto i te wā, ka whakahēhia pea e Huawei tētahi tono whakahokinga moni mēnā ka kitea e Huawei tētahi tinihanga, whakahokinga moni teka, tētahi atu whanonga rāwekeweke e āhei ai a Huawei ki te tuku pānui tautohe.
Ka kitea e koe he Kaupapahere Moni Whakahoki mā te haere ki Ahau > Āwhina > FAQ i AppGallery.
8. Haumarutanga Pūkete
Me mātua whakarite ka noho muna, matatapu hoki tō ingoakaiwhakamahi HUAWEI ID, ā, kaua rawa koe e tiri me tētahi atu. E tūtohu ana mātou kia kōwhiria e koe he kupuhipa taikaha, ā, kia rokirokitia ki tētahi wāhi pai. Kei a koe te kawenga mō te tiaki i tō kupuhipa kia haumaru, ā, e whakaae ana koe kāore i a mātou te taunahatanga mō ngā ngaronga, makeretanga, taunahatanga, kerēme rānei ahakoa te aha, ka hua ake i tō tuku i ō taipitopito HUAWEI ID ki tētahi rōpū kē.
Mēnā ki tō whakaaro kei te whakamahia e tangata kē ō mōhiohio HUAWEI ID, me wawe te whakamōhio mai mā te whakamahi i ngā mōhiohio hoapā i roto i tēnei Whakaaetanga. Kaua rawa koe e whakamahi i te HUAWEI ID a tētahi kē hei uru atu ki Ngā Ratonga. Me mātua whai koe i ngā mahi tika hei pare i ō mōhiohio pūkete HUAWEI ID me ō mōhiohio tauwhitinga mō te ārai i te whakamahinga pokanoa a ngā rōpū kē.
9. Ngā wāhanga o te Whakamahi
Mā te uru atu me te whakamahi i Ngā Ratonga, ka whakahaere koe me te whakaae atu mā tētahi āhuatanga ā-ture, matatika hoki e ai ki tēnei Whakaaetanga.
I konei e āhukahuka ana koe me te whakaae e kore rawa e whakamahia e koe Ngā Ratonga ki te tare rauemi, te whakauru rānei ki tētahi mahi hīanga, whakatūrara, kerēme takahi motika, kino, mōtekoteko, takahi, anuanu, whakaweti, nonoti, heitara, weriweri, whakatuma, turekore, whakakino, karihika, takahi tūmataitinga, tētahi atu mea anuanu rānei e pā ana ki tō whakamahi i Ngā Ratonga me te kore whakatepenga, ngā mahi takawaenga mahinga turekore, he whakaatu atahanga hōkakatanga, whakatairanga whakarekereke, aukatitanga, he turekore, e whara ai te tangata, he rawa rānei, e puta ai he taunahatanga kōti, taihara rānei i raro i ngā ture hāngai, tae atu me te kore whakatepenga, ngā rauemi kāore nei e āhei koe ki te pōhi, tare rānei, e takahi rānei aua pōhitanga, tarenga rānei i te matataputanga, ngā motika rawa hinengaro hoki/rānei o ngā rōpū kē.
Engari rawa mēnā kua āta whakamāramahia i roto i tēnei Whakaaetanga, e ai rānei ki ngā ture hāngai, e whakaae ana koe me te whakamātau:
(a) Kia kaua e tangohia mai he manatārua, moko, ētahi atu pānui ā-kaipupuri mai i tētahi wāhanga o Ngā Ratonga;
(b) Kia kaua e whakaputa anō, te whakarerekē, whakakē rānei, te katoa, he wāhanga rānei o Ngā Ratonga, te whakaae rānei, he wāhanga rānei kia whakahiatohia, kia whakatōpūtia rānei ki ētahi atu taupānga, pūmanawa rānei;
(c) Kia kaua e uru atu, uru poka rānei, te raweke rānei i tētahi wāhanga o Ngā Ratonga, ngā pūnaha hāngai rānei, whatunga rānei;
(d) Kia kaua e wetewete, wāwāhi, raweke whakamuri, waihanga mahi pārōnaki rānei e ai ki te katoa, he wāhanga rānei o Ngā Ratonga, te whakamātau rānei ki te mahi i tēnei ki tua atu i te whānuitanga e whakaaetia ana e ngā ture hāngai;
(e) Kia kaua e tohatoha e tohatoha, raihana, rīhi, hoko, hoko anō, whakawhiti, whakaatu tūmatanui, whakamahi tūmatanui, tare, roma, pāho, e mahi nanakia rānei ki Ngā Ratonga;
(f) Kia kaua e whakarato, e whakawātea rānei i te katoa, he wāhanga rānei o Ngā Ratonga (tae atu ki te waehere ahanoa me te pūtake), ahakoa te āhua ki tētahi tangata me te kore whai whakaaetanga ā-tuhi i mua;
(g) Kia kaua e tāwhai i tētahi tangata, e rūkahu, e aweke rānei i tō pānga ki tētahi tangata, hinonga rānei;
(h) Kia kaua e whakamahi turekore i Ngā Ratonga (tētahi wāhanga rānei), mō tētahi take turekore, mā tētahi āhuatanga kāore i te ōrite rānei ki tēnei Whakaaetanga, te mahi tinihanga, kino rānei, me te kore e whāiti, mā te urutomo pokanoa, te kōkuhu waehere kino rānei, tae atu ki ngā wheori, ngā raraunga kino rānei, ki Ngā Ratonga (ki ngā paetukutuku rānei e tūhono ana ki Ngā Ratonga), tētahi pūnaha mahi rānei;
(i) Kia kaua e takahi i ō mātou motika rawa hinengaro, ō ngā rōpū kē rānei e pā ana ki tō uru, whakamahi hoki/rānei i Ngā Ratonga;
(j) Kia kaua e kohikohi i ngā mōhiohio kaiwhakamahi i Ngā Ratonga, te uru rānei ki Ngā Ratonga, ā mātou pūnaha, te whakamahi i ngā tikanga aunoa (hei tauira, ngā pūhauhake), te whakamātau rānei ki te wetemuna i ngā tarenga ki, mai rānei i ngā tūmau e whakahaere ana i Ngā Ratonga;
(k) Kia kaua e waihanga, tautoko, whakamahi rānei i te pūmanawa, ngā pūrere, hōputu, mīhini karetao, tētahi atu āhuatanga, tukanga rānei (me ngā kaingōki, ngā mono-mai me ngā tāpiri-ake pūtirotiro, tētahi atu hangarau, tikanga ā-ringa hoki) hei waruwaru i Ngā Ratonga, te tārua kōtaha rānei me ētahi atu raraunga mai i Ngā Ratonga;
(l) Kaua e apo ā-ohanga i Ngā Ratonga me te kore whai i tā mātou whakaaetanga ā-tuhi i mua;
(m) Kia kaua Ngā Ratonga hei whakauru ki ngā tauwhitinga pakihi turekore, pērā i te hokohoko pū, whakapōauau, ngā matū takahi ture, ngā pūmanawa tāhae, ētahi atu tuemi rāhui;
(n) Kia kaua e tuku mōhiohio petipeti, te whakatītina i ētahi atu rānei ki te petipeti ahakoa pēhea;
(o) Kia kaua e inoi i ngā mōhiohio takiuru, te uru rānei ki tētahi pūkete nā tētahi kē;
(p) Kia kaua e whakauru ki ngā mahi horoi moni, ngā tuku tōmua moni turekore, ngā kaupapa hokohoko whangarima;
(q) Kia kaua e whakamātau, takawaenga, whakatītina rānei i ngā takahitanga ki tēnei Whakaaetanga (tētahi wāhanga rānei i roto); kia
(r) Kia kaua hoki e whakamahi i Ngā Ratonga ahakoa te āhua e taea ai te tūkino, mono, poke, tūrākaha, raweke, whakararu rānei Ngā Ratonga, ā mātou pūnaha, haumarutanga, te whakapōrearea rānei i ētahi atu kaiwhakamahi, ngā pūnaha rorohiko rānei a ētahi atu, te urutomo pokanoa rānei ki Ngā Ratonga, Ā Mātou Ihirangi (e whakamāramahia ana i raro), ngā raraunga rānei.
(s) Kaua e mahia tētahi mahi e hāngai ana ki ērā i runga ake.
10. Te Whakamahitanga o Ā Mātou Ihirangi
Ka mau tonu i a mātou, ā mātou kaihoko hoki/rānei ngā motika katoa, taitara me te kaingākau ki ngā mōhiohio (ahakoa te āhua me te kore kuputuhi whāititanga, whakairoiro, ataata me te ororongo) ngā atahanga, ata, ngā taupānga, hoahoa, pūmanawa, hōtuhi, papatono, manatārua, moko, ingoa hokohoko, waitohu, me ētahi atu rauemi me ngā ratonga e wātea ana i runga, mā Ngā Ratonga rānei, tae atu ki te āhua (huihui katoa ko "Ā Mātou Ihirangi"). Me mōhio koe e parea ana Ā Mātou Ihirangi e te manatārua, moko, ngā tika pātengi raraunga, tika ahurei me ētahi atu ture rawa hinengaro me te ahumahi i raro i ngā ture ā-motu me ngā tiriti ā-ao. Kāore e whakawhiti mai ki a koe i tō urunga, whakamahinga hoki/rānei o Ngā Ratonga, tētahi atu tangata rānei te mana rangatira, ētahi atu motika rānei i roto, ki Ngā Ratonga rānei, ngā ihirangi rānei, engari rawa mēnā e whakapūtātia ana i roto i tēnei Whakaaetanga.
Kaua rawa koe e whakarerekē, tārua, tango, whakakē, tāpiri atu rānei ki Ā Mātou Ihirangi, te hoko, tārua, toha, tuku raihana rānei, mau kino rānei i Ā Mātou Ihirangi. Mēnā e hiahia ana koe ki te whakaputa anō, tango, hanga anō, tohatoha, te whakamahi rānei i Ā Mātou Ihirangi, me mātua whakapā mai i mua me te whai i tā mātou whakaae ā-tuhi i mua engari anō mēnā kua āta whakaritea mai i roto i tēnei Whakaaetanga. Kāore tēnei i te whakararuraru i ngā motika e mau ana koe i raro i ngā ture whaimana hāngai.
Mēnā ki tō whakapono e takahia ana e Ngā Ratonga, tētahi wāhanga rānei o Ngā Ratonga te manatārua, moko, raihana, muna tauhokohoko, ētahi atu tika rawa hinengaro, he māharahara rānei ōu e pā ana ki Ngā Ratonga, me whakamōhio mai mā te whakamahi i ngā mōhiohio whakapā kei raro i roto i tēnei Whakaaetanga.
11. Ō Ihirangi
Kāore ō mātou kerēme motika ā-kaipupuri ki ngā kuputuhi, ngā kōnae, atahanga, whakaahua, ngā mahi kaituhi, ētahi atu rauemi e tukuatu ana koe, te pōhi, tarenga rānei ki, mā rānei Ngā Ratonga (huihui katoa, ko "Ō Ihirangi"). Ka mau tonu i a koe te mana rangatira, ā, kei a koe te kawenga mō Ō Ihirangi.
12. Te Aroturuki i Ngā Ratonga
E āhukahuka ana koe me te whakaae kei a mātou anō te tikanga ahakoa te wā me te kore e whakamōhio atu ki a koe, ki te whai i ngā whakaritenga e tika ana ki a mātou mō te kaupapa o te: whakahaere me te whakapai ake i Ngā Ratonga hei whakaū kei te tautuku koe ki tēnei Whakaaetanga, e ū ana ki ngā ture hāngai, ngā whakatau kōti, tohutohu rānei o tētahi kōti, te ū rānei ki ngā tohutohu, whakaritenga rānei o ngā tari kāwanatanga, ngā mana whakaū ture, mana ā-ture rānei. Kei roto i tēnei engari kāore i te whāiti ki ngā whakaritenga mō: te ārai tinihanga, aromatawai mōrea, tūhuratanga, me ngā kaupapa tautoko kiritaki.
13. Te Tūmataitinga me te Kohikohi Raraunga
Kia taea ai te tuku ngā ratonga pakari ake ki a koe me te whakarite i te haumarutanga o ō tauwhitinga, ka kohia e mātou me te tukatuka i ō mōhiohio me ngā raraunga hangarau e ai ki tā mātou pānui tūmataitinga.
14. Whakakape
Māu anake te whakamahinga o Ngā Ratonga, ā, kaua rawa e whakamahia e rōpū kē. E whakaae ana koe kāore i a mātou me ā mātou mātua, hoa kamupene, kamupene āpiti, āpiha, tumuaki, kaimahi, kaikirimana, māngai, kaiwhakarato utunga rōpū kē, pātui, kaihoko me ngā kaitohatoha (huihui katoa ko "Ngā Rōpū Huawei") te taunaha mō ngā ngaronga ka puta i te whakamahinga poka noa o Ngā Ratonga.
Kāore he kawenga o Ngā Rōpū Huawei mō te tautiaki, mō ētahi atu ratonga tautoko rānei mō Ngā Ratonga. Ka tīterehia, takawaretia, whakararuraruhia rānei pea tō whakamahi i Ngā Ratonga mō tētahi wā tē mōhiotia mō ngā pūtake kei waho i tā mātou whakahaere. Kāore i Ngā Rōpū Huawei te taunaha mō ngā kerēme ka puta, e pā ana rānei kia whakararuraru, takaware, haukoti rānei, hinganga ōrite rānei.
E ai ki te whānuitanga mōrahi e whakaaetia ana e ngā ture hāngai i tō mana ture, kāore Ngā Rōpū Huawei i te taunaha ki a koe, ki tētahi kē rānei mō te taunahatanga, ngaronga, tūkinotanga, paremata rānei mēnā kāore e taea e koe te uru, te whakamahi rānei i Ngā Ratonga nā:
(a) Te whakarewatanga, whakakorenga rānei o Ngā Ratonga nā mātou kia taea ai ngā mahi tautiaki, whakahōu rānei i ngā pūnaha, pūmanawa, pūmārō rānei;
(b) Te takaware, hinga rānei o tētahi pūnaha, whatunga whakawhitiwhiti kei raro i ētahi kē, e whakahaerehia ana rānei e tētahi i tua atu i a mātou;
(c) Te whakatārewa, whakakore, poro rānei o tētahi i kiri, ētahi atu whakaritenga i waenga i a mātou me ā mātou kaiwhakarato ratonga utunga rōpū kē e whakaawe ana i Ngā Ratonga;
(d) Ngā hapa, whakararuraru rānei nā ngā whakamātau ki te mūrere, ngā wāhitanga haumarutanga ōrite rānei; tērā rānei
(e) Tētahi atu takahanga, takanga kei waho i tā mātou whakahaere rānei.
Ka whakaratoa Ngā Ratonga i runga i te āhuatanga 'koinā', 'e wātea ana' hoki me te kore kōrero whakakanohi, taunaki hoki. Ki te āhuatanga mōrahi ka whakaaetia e ngā ture hāngai i tō mana ā-ture, ka whakakapea e Ngā Rōpū Huawei ngā pūtāhui katoa, here, tētahi atu whakaaetanga rānei ka āta whakapuakina hāngaitia, tītaha rānei me te kore whakapūmau, whakahaere, whakakanohi, pūtāhui rānei mō ēnei e whai ake:
(a) Ko te whānuitanga, tika, pono, wā tika rānei o ngā ihirangi e wātea ana i runga, mā Ngā Ratonga rānei;
(b) Ko Ngā Ratonga, te(ngā) tūmau pūtaurima rānei kei runga ēnei kāore i te whai hapa, wheori, iro, ētahi atu ihirangi kino rānei;
(c) Ka whakatikahia ngā makenu i roto i te whakamahinga, taumahinga rānei o Ngā Ratonga;
(d) Ko te tōtikatanga, kounga, tika rānei o ngā taumahinga tauwhāiti o Ngā Ratonga me ngā mōhiohio i riro mai i a koe nā tō whakamahi, tō uru atu rānei ki Ngā Ratonga;
(e) Te haumarutanga, te āhuatanga kore hapa rānei o Ngā Ratonga; me
(f) Ko te whaikiko, kounga, tōtika, wātea, kaha rānei o Ngā Ratonga ki te whakatutuki i ō hiahia, te whakarato i ētahi putanga, te whakaeke rānei i ētahi otinga, hua rānei.
Kāore i Ngā Rōpū Huawei te taunaha mō ngā makeretanga, tūkinotanga rānei ki a koe ka puta ahakoa whānui, iti rānei mā te whirinaki atu, whakamahi, whakamāori rānei i Ngā Ratonga, ētahi atu mōhiohio i riro mai i tō (tētahi atu tangata rānei) urunga, whakamahinga hoki/rānei o Ngā Ratonga.
Kāore e whakaaetia e ngā ture o ētahi whenua te taunahatanga e pā ana ki ētahi pūtāhui, whakahaere, whakaaturanga, whakaoati rānei kia aukatihia, kia whakatepea rānei e tētahi kirimana. Mēnā e hāngai ana ēnei ture ki a koe, kāore pea ētahi, te katoa rānei o ngā aukatitanga, tepenga rānei e hāngai ki a koe, ā, tērā pea he motika tāpiri anō ōu. Kāore tētahi mea i roto i tēnei Whakaaetanga i te whakararu i ngā motika e āhei atu ana koe i raro i te ture hei kiritaki, kāore rānei e taea e koe i raro i te kirimana te whakaae kia huria, kia whakakorea rānei.
15. Te Tepenga o te Taunaha
Ki te tino mōrahi e taea ana e ngā ture hāngai i roto i tō takiwā ture, kei runga ake i a koe te mōrea o tō urunga me te whakamahinga o Ngā Ratonga, ā, e kore rawa he taunahatanga, makeretanga, tūkinotanga rānei o Ngā Rōpū Huawei ka hua i a koe, tētahi atu rānei, ahakoa i rō kirimana, takahi tika (me te whakahapanga), i raro i tētahi atu ariā, mō tētahi o ēnei e whai ake:
(a) Te makeretanga o ngā moni hua, moni whiwhi, moni puta, raraunga, whakaaro pai rānei; me te
(b) Ngā ngaronga motuhake, tītaha, puta noa mai, makeretanga rānei.
Ka hāngai ngā tepenga me ngā aukatitanga i roto i tēnei Whakaaetanga ahakoa i whakamōhiotia mai mātou, kāore rānei, me i mōhio rānei mō te tūpono pā mai o ngā ngaronga.
Mēnā kāore koe i te rata ki tētahi āhuatanga o Ngā Ratonga i tētahi wā, kotahi te rongoā ake māu, arā, me mutu tonu tō uru atu, whakamahi hoki i Ngā Ratonga. Me te kore whakararuraru i ngā rāhuitanga o mua atu, me te whānuitanga mōrahi e āhei ana i raro i ngā ture hāngai i roto i tō mana ā-ture, e kore rawa Ngā Rōpū Huawei e tuku pūtāhui hiato neke atu i te HKD 500.00 ki a koe, ki tangata kē rānei mō ngā kerēme, whakahaere, taunahatanga, herenga, tūkinotanga, ngaronga, utu hoki ahakoa i raro kirimana, kerēme takahi tika (me te whakahapanga), i raro rānei i tētahi atu ariā. E āhukahuka ana koe me te whakaae ki ngā kape me ngā whāititanga o te taunaha e kīia ana i roto i tēnei Whakaaetanga kei te tika, whaitake hoki.
Kāore e whakaaetia e ngā ture o ētahi whenua ētahi, te katoa rānei o ngā whāititanga me ngā aukatinga kua whakaahuatia i runga ake. Mēnā e hāngai ana ēnei ture ki a koe, kāore pea ētahi, te katoa rānei o ngā tepenga rānei e hāngai ki a koe, ā, tērā pea he tika tāpiri ōu. Kāore tētahi mea i roto i tēnei Whakaaetanga i te whakararu i ngā motika e āhei atu ana koe i raro i te ture hei kiritaki, kāore rānei e taea e koe i raro i te kirimana te whakaae kia huria, kia whakakorea rānei.
16. Ka Whakamutua e Koe
Ka taea e koe te poro i tō pūkete mā ō tautuhinga pūkete, mā te whakamutu rānei i tēnei Ratonga.
17. Te Whakamutu me te Whakatārewa e Mātou
E ai ki ngā ture hāngai, ka rangitahi, tūturu pea rānei tā mātou whakatārewa, whakakore, whakatau tepenga rānei, rāhuitanga rānei ki tō urunga ki ētahi wāhanga, te katoa rānei o Ngā Ratonga ahakoa te wā, me te whai taunaha mō tētahi tangata takitahi, rōpū rānei. Ka whai mātou ki te whakamōhio atu ki a koe i tā mātou whai i tēnei. Engari, e kore mātou e herea ki te tuku whakamōhiotanga tōmua ki a koe, ā, tērā pea ka wawe, tūturu, rangitahi rānei tā mātou whakatau tepenga, te whakakore, whakatārewa, rāhui rānei i tō urunga ki ētahi wāhanga, te katoa rānei o Ngā Ratonga i raro i ēnei āhuatanga, engari kāore i te whāiti ki:
(a) Ki te takahia e koe, e whakapono ana rānei e mātou kei te whakatika koe ki te takahi, i tēnei Whakaaetanga, me ngā whakaaetanga, kaupapahere, aratohu rānei;
(b) Mēnā ka mahi tinihanga koe, mahi hara rānei, tētahi atu rānei e mahi ana māu, ka tukuna mai rānei he mōhiohio teka, whakakotiti rānei;
(c) Hei urupare ki ngā tono a te ture, ētahi atu tari kāwanatanga rānei i raro i te tukanga ture whaimana;
(d) Mō te tūpono pā mai o ngā mahi tautiaki whāwhai, ngā whakahōu whāwhai rānei ki ngā pūnaha, pūmārō rānei; tērā rānei
(e) Nā ngā take hangarau ohorere, haumaru, pakihi, haumarutanga rānei;
Kāore he pānga o te taupāhohenga, te whakamututanga rānei o tēnei Whakaaetanga ki ngā whakaritenga o tēnei Whakaaetanga e whakapuakina ana hei whakahaere, te whai pānga rānei i muri i te taupāhohenga, whakamututanga rānei o tērā, ā, kāore e whakararurarutia ngā motika, herenga rānei kua riro, ngā motika, herenga rānei kāore e pāngia e aua taupāhohenga, whakamututanga rānei.
Ko ngā whakaritenga o tēnei Whakaaetanga e mārama ana, ko ōna āhuatanga rānei mō te puta i te whakakorenga o te Whakaaetanga, ka noho mana tonu, ā, i muri i taua whakakorenga, kia rata rā anō aua whakaritenga, ka mōnehu rānei nā ōna āhua.
18. Ngā Huringa ki tēnei Whakaaetanga
Kei te auaha haere tonu, hurihuri me te whakapai haere tonu i Ngā Ratonga. Ka tāpirihia, ka tangohia pea e mātou ngā taumahi, āhuahira rānei, te waihanga tepenga hōu ki Ngā Ratonga, te whakatārewa rangitahi, tūturu rānei, te whakamutu rānei i tētahi Ratonga. Ka taea e mātou ngā huringa ki tēnei Whakaaetanga ahakoa te wā me te pōhi kupu tauwhāiti tāpiri, ngā tikanga whanonga, aratohu rānei e whakahaere ana i ngā i tētahi wāhanga ake, ētahi wāhanga, te katoa rānei o ā mātou Ratonga.
Ka whakamōhiotia atu koe i roto i tētahi wā tika mō ngā huringa ki Ngā Ratonga, tēnei Whakaaetanga rānei ka tino whakararu ā-rawa i ā mātou kaiwhakamahi, te whakatepe ā-rawa rānei i te urunga, te whakamahinga rānei o Ngā Ratonga. Kāore pea koe e whakamōhiohia atu i mua mō ngā whakakētanga ki tēnei Whakaaetanga, ngā huringa rānei ki Ngā Ratonga e kore nei e whakararu i ā mātou kaiwhakamahi, te whakatepe ā-rauemi rānei i te urunga atu, te whakamahinga rānei o Ngā Ratonga. Mō ngā huringa ki Ngā Ratonga me whakatutuki i a mātou kia ū ai ki ngā whakaritenga haumarutanga, haumaru, ā-ture, waeture rānei, kāore pea e taea e mātou ngā whakaritenga wā kua kōrerohia, ā, me te whakamōhio wawe haere i a koe mō ēnei ina taea.
19. Ngā Ture Arowhānui
Ka taea e Ngā Ratonga, rōpū kē rānei te tuku hono ki ētahi atu paetukutuku, rauemi rānei. E āhukahuka ana koe me te whakaae kāore mātou i te whai kawenga mō te wāteatanga o aua paetukutuku ā-waho, rauemi rānei, ā, kāore e taunakitia, e whai kawenga rānei, taunaha rānei mō ngā ihirangi, pānuitanga, hua, ētahi atu rauemi rānei, e wātea ana rānei mai i aua paetukutuku, rauemi rānei. E āhukahuka anō koe me te whakaae kāore mātou i te whai kawenga, taunaha rānei, hāngai, tītaha rānei, mō ngā tūkinotanga, makeretanga rānei ka puta, i te taha rānei i te whakamahinga, whirinakitanga rānei ki aua ihirangi, rawa, ratonga rānei wātea ana mā aua paetukutuku, rauemi rānei.
Kāore he mea i roto i tēnei Whakaaetanga ka whakakotitihia hei waihanga i tētahi pātuitanga, whanaungatanga pokapū rānei waenga i a koe me mātou, ā, kaua rawa tētahi rōpū e whai tika, mana rānei ki te pīkau nama taunaha, te uru atu rānei ki ngā kirimana, ētahi atu whakaritenga rānei i raro i te ingoa o tētahi kē, mā tētahi kē rānei.
Ka tautapatia e mātou, ka tuku ā-kirimanatia, te whakakapi i ō mātou tika, herenga hoki/rānei i raro i tēnei Whakaaetanga, ā, e whakaae ana koe kia wawe tō whakatutuki i ngā tuhinga katoa e hiahiatia ana, e tōminatia ana rānei mō taua take.
Mēnā ka kitea e tētahi kōti o tētahi takiwā ture tōtika, tētahi mana tōtika rānei he manakore, koremana, tē taea rānei tētahi whakaritenga (he wāhanga o tētahi whakaritenga rānei) o tēnei Whakaaetanga te whakaū, ko te whakarite me muku tērā mai i tēnei Whakaaetanga, me te aha ka noho mana tonu ētahi atu whakaritenga katoa o tēnei Whakaaetanga, ā, ka mana tonu ngā whakaritenga e toe ana, me te aha e kore te whakaritenga e whakakorehia, rahua, tē taea te whakaū rānei.
Ko tēnei Whakaaetanga koinā te mōhiotanga whānui rawa i waenga i a koe me mātou e pā ana ki Ngā Ratonga, ā, e āhukahuka ana koe me te whakaae kāore koe i whakawhirinaki mai, i whakapoapoatia rānei ki te whakauru mai ki tēnei Whakaaetanga e whakawhirinaki ana ki tētahi whakaaturanga, pūtāhui, māramatanga rānei kāore i roto i tēnei Whakaaetanga.
20. Ngā Ture Kāwana me te Takiwā Ture
Ko te hanganga, whakamāori, whakahaere rānei o tēnei Whakaaetanga me ngā wenewene, kerēme rānei ka puta, e pā ana ki ēnei (me ngā wenewene kirimana-kore, kerēme rānei) ka whakahaeretia, whakamāramatia rānei i raro i ngā ture o Hongipua. Engari rawa ki tērā e tukuna e ngā ture hāngai, e whakaae ana tāua kei ngā kōti o Hongipua te mana ture ake ki te whakawā me te whakatau i ngā wenewene, kerēme, mahi, whakahaerenga rānei ka puta ake, e pā ana rānei ki tēnei Whakaaetanga. Engari, ehara i te mea ka āraia mātou mai i te kōkiri kēhi i waho o Hongipua.
21. Te Whakapā Mai
Mēnā he pātai āu e pā ana ki tēnei Whakaaetanga, me whakapā mai mā ngā mōhiohio e whai ake:
Īmēra: whakapā mai (https://consumer.huawei.com/ en/support/cloudservice/ feedback?product=AppGallery&language=mi)